ଏସିଆ କପରେ ଆଜି ଭାରତ-ହଂକଂ ମ୍ୟାଚ୍ ! ଖେଳିବା ପୂର୍ବରୁ ହଂକଂ କ୍ୟାପଟେନଙ୍କ ପ୍ରତିକ୍ରିୟା, କହିଲେ ଭାରତଠାରୁ କ୍ରିକେଟ ଶିଖିବାକୁ ମିଳିବ
କନକ ବ୍ୟୁରୋ: ଆଜି ଏସିଆ କପରେ ଭାରତ ଖେଳିବ ପ୍ରଥମ ମ୍ୟାଚ୍ । ଦୁବାଇରେ ନବାଗତ ହଂକଂ ବିରୋଧରେ ପଡିଆକୁ ଓହ୍ଲାଇବ ଟିମ୍ ଇଣ୍ଡିଆ । ବିରାଟ କୋହଲିଙ୍କ ଅନୁପସ୍ଥିତିରେ ରୋହିତ ଶର୍ମାଙ୍କ ଅଧିନାୟକତ୍ୱରେ ପଡିଆକୁ ଓହ୍ଲାଇବ ଭାରତ ।
Kanak News is now on WhatsApp
Join and get latest news updates delivered to you via WhatsApp
ନିୟମିତ ଅଧିନାୟକ କୋହଲିଙ୍କୁ ବିଶ୍ରାମ ଦିଆଯାଇଥିବା ବେଳେ ପୂର୍ବତନ ଅଧିନାୟକ ମହେନ୍ଦ୍ର ସିଂହ ଧୋନିଙ୍କ ଅଭିଜ୍ଞତା ଦଳ ପାଇଁ ବେଶ୍ ଗୁରୁତ୍ବପୂର୍ଣ । ଯଦିଓ ହଂକଂକୁ ହରାଇବା ଭାରତ ପକ୍ଷେ ସେତେଟା କଷ୍ଟସାଧ୍ୟ ହୋଇ ନପାରେ, ତେବେ ଭାରତର ପ୍ରଦର୍ଶନ କିଭଳି ରହୁଛି ତା ଉପରେ ଧ୍ୟାନ ରହିବ । କାରଣ ଆସନ୍ତାକାଲି ଭାରତ-ପାକିସ୍ତାନ ହାଇଭୋଲଟେଜ୍ ମ୍ୟାଚ୍ ଥିଲା ବେଳେ ଦଳର ଆଜିର ପ୍ରଦର୍ଶନ ବେଶ୍ ଗୁରୁତ୍ୱ ବହନ କରୁଛି ।
ସେପଟେ, ଏସିଆ କପରେ ବଡ଼ ବିପର୍ଯ୍ୟୟ । ଏସିଆ କପରୁ ବିଦା ହେଲା ଶ୍ରୀଲଂକା । ଆଫଗାନିସ୍ତାନ ପାଖରୁ ପରାସ୍ତ ହୋଇ ଏସିଆ କପରୁ ବାହାର ହୋଇଯାଇଛି ଶ୍ରୀଲଂକା ଦଳ । ପ୍ରଥମେ ବ୍ୟାଟିଂ କରି ଆଫଗାନିସ୍ତାନ ଲଢ଼ୁଆ ଖେଳ ପ୍ରଦର୍ଶନ ସହ ୫୦ ଓଭରରେ ୨୫୦ ରନ୍ କରିଥିଲା । ତେବେ ଏହାର ଜବାବରେ ଶ୍ରୀଲଂକାର ପ୍ରଦର୍ଶନ ଶୋଚନୀୟ ରହିଥିଲା ।
ଖେଳ ପ୍ରଥମରୁ ଅଳ୍ପ ଅଳ୍ପ ବ୍ୟବଧାନରେ ୱିକେଟ୍ ହରାଇଥିଲା ଶ୍ରୀଲଙ୍କା । ଫଳରେ ଶ୍ରୀଲଂକା ଦଳ କେବଳ ୧୫୮ ରନରେ ଅଲଆଉଟ୍ ହୋଇଯାଇଥିଲା । ଏହାସହ ୯୧ ରନରେ ମ୍ୟାଚକୁ ଜିତି ନେଇଥିଲା ଆଫଗାନିସ୍ତାନ ଦଳ । ପୂର୍ବରୁ ବାଂଲାଦେଶ ଠାରୁ ହାରିଥିବା ଶ୍ରୀଲଂକା ଆଫଗାନିସ୍ତାନ ଠାରୁ ହାରିବା ପରେ ଚଳିତ ଏସିଆ କପରୁ ବାହାର ହୋଇଯାଇଛି ।