ବନ୍ଧା ହେଲେ ପୁଲିସ ବାବୁ: ସୋହେଲାରେ ନାବାଳିକା ଦୁଷ୍କର୍ମ ମାମଲାରେ ଏଏସଆଇ ସମେତ ଅଭିଯୁକ୍ତ ରିକୁ ଗିରଫ
ଦୁଷ୍କର୍ମ ନେଇ ଅଭିଯୋଗ ଆଣିଥିଲେ ଯୁବତୀ, ଧାରା ୧୬୪ରେ ନାବାଳିକାଙ୍କ ବୟାନ ରେକର୍ଡ
କନକ ବ୍ୟୁରୋ: ବନ୍ଧା ହେଲେ ପୁଲିସ ବାବୁ । । ନାବାଳିକାକୁ ଦୁଷ୍କର୍ମ ମାମଲାରେ ବରଗଡ ସୋହେଲା ଥାନାର ଏଏସଆଇ ବନମାଳି କୁଅଁର ଓ ଅଭିଯୁକ୍ତ ରିକୁକୁ ପୁଲିସ ଗିରଫ କରିଛି । ଗତକାଲି ଏଏସଆଇ ସସପେଣ୍ଡ କରାଯାଇଥିଲା । ବରଗଡ ଜିଲ୍ଲା ସୋହେଲା ଥାନା ଅଂଚଳର ନାବାଳିକାଙ୍କୁ ତାଙ୍କ ପ୍ରେମିକ ରିକୁ ନାଗ ଗତ ୮ ତାରିଖରେ ଅପହରଣ କରି ନେଇଥିଲା ।
Kanak News is now on WhatsApp
Join and get latest news updates delivered to you via WhatsApp
ପରିବାର ପକ୍ଷରୁ ଥାନାରେ ଲିଖିତ ଅଭିଯୋଗ ପରେ ସୋହେଲା ପୋଲିସ ନାବାଳିକାଙ୍କୁ ଉଦ୍ଧାର କରିବା ସହ ରିକୁ ନାଗକୁ ଅଟକ ରଖିଥିଲା । ହେଲେ ପୀଡିତା କହିଛନ୍ତି ଅଭିଯୁକ୍ତ ରିକୁ ତାଙ୍କ ସହ ବାରମ୍ବାର ଦୁଷ୍କର୍ମ କରିଛି । ଆଉ ଏଥିରେ ସହାୟତା କରିଥିଲେ ସୋହେଲା ଥାନାରେ କାର୍ଯ୍ୟରତ ଏଏସଆଇ ବନମାଳି କୁଅଁର ।
ବଡକଥା ହେଉଛି ପୋଲିସ ବାବୁ ଜଣକ କେବଳ ଅଭିଯୁକ୍ତକୁ ସହାୟତା କରିନାହାନ୍ତି ବରଂ ସେ ମଧ୍ୟ ନାବାଳିକାଙ୍କୁ ଦୁଷ୍କର୍ମ କରିଥିବା ଅଭିଯୋଗ ହୋଇଛି । ଏନେଇ ପୋଲିସ ନାବାଳିକାଙ୍କ ୧୬୪ରେ ବୟାନ ରେକର୍ଡ ମଧ୍ୟ କରିଛି ।