ଇରାନର ଏକ ଯାତ୍ରୀବାହୀ ବିମାନ ଦୁର୍ଘଟଣାଗ୍ରସ୍ତ ! ଉଡାଣ ଭରିବାର ମାତ୍ର ୫୦ ମିନିଟ୍ ପରେ ଏଟିଆର- ୭୨ ବିମାନ ହେଲା ଦୁର୍ଘଟଣାର ଶିକାର
କନକ ବ୍ୟୁରୋ: ବିମାନ ଦୁର୍ଘଟଣା ଗ୍ରସ୍ତ । ଇରାନର ଏକ ଯାତ୍ରୀବାହୀ ବିମାନ ଦୁର୍ଘଟଣା ଗ୍ରସ୍ତ ହୋଇଛି । ଏଟିଆର- ୭୨ ବିମାନ ଇରାନର ରାଜଧାନୀ ତେହରାନରୁ ୟାସୁଜ୍ ଯାଉଥିଲା । ଉଡାଣ ଭରିବାର ମାତ୍ର ୫୦ ମିନିଟ୍ ପରେ ରାଡାରରୁ ସମ୍ପର୍କ ଛିର୍ଣ୍ଣ ହୋଇଥିଲା । ବିମାନରେ ପ୍ରାୟ ୬୦ରୁ ୭୦ ଜଣ ଯାତ୍ରୀ ଥିଲେ ବୋଲି ଜଣାପଡିଛି । ସୂଚନା ଅନୁଯାୟୀ ବିମାନଟି ଦୁର୍ଘଟଣା ଗ୍ରସ୍ତ ହେବାରୁ ଜରୁରିକାଳିନ ଭାବେ ଅବତରଣ କରିବା ପାଇଁ ଉଦ୍ୟମ କରିଥିଲେ ପାଇଲଟ୍ । ତେବେ ଦୁର୍ଘଟଣା ପରେ ବିମାନର କୌଣସି ପତା ମିଳିନାହିଁ ।
Kanak News is now on WhatsApp
Join and get latest news updates delivered to you via WhatsApp
ଇରାନର ଅସେମନ୍ ଏୟାରଲାଇନ୍ସଙ୍କ କହିବାନୁସାରେ, ବିମାନଟି ଦକ୍ଷିଣ ଇରାନରେ ଦୁର୍ଘଟଣାଗ୍ରସ୍ତ ହୋଇଛି। ବିମାନରେ ପାଖାପାଖି ପ୍ରାୟ ୬୦ରୁ ୭୦ ଜଣ ଯାତ୍ରୀ ଥିଲେ ବୋଲି ସୂଚନା ମିଳିଛି । ତେବେ ବିମାନଟି ଉଡାଣ ଭରିବାର କିଛି ସମୟ ପରେ ରାଡାରରୁ ଉଭେଇ ଯାଇଥିଲା । ଦୁର୍ଘଟଣା ସମ୍ପର୍କରେ ଖବର ପାଇ ମାତ୍ରେ ଉଦ୍ଧାରକାରୀ ଦଳ ଘଟଣାସ୍ଥଳରେ ପହଞ୍ଚି ଉଦ୍ଧାର କାର୍ଯ୍ୟ ଜାରି କରି ଦେଇଛନ୍ତି ।
କେତେକ ପ୍ରତ୍ୟେକ୍ଷଦର୍ଶୀଙ୍କ ସୂତ୍ରରୁ ପ୍ରକାଶ, ବିମାନଟି ଜରୁରିକାଳୀନ ଅବତରଣ କରିବା ପାଇଁ ଉଦ୍ୟମ କରୁଥିବା ସମୟରେ ଦୁର୍ଘଟଣାଗ୍ରସ୍ତ ହୋଇଥିଲା । ଏହି ଦୁର୍ଘଟଣାରେ କେତେ ଜଣ ଯାତ୍ରୀଙ୍କ ମୃତ୍ୟୁ ଘଟିଛି, ସେ ସମ୍ପର୍କରେ ନିର୍ଦ୍ଧିଷ୍ଟ ସୂଚନା ରିପୋର୍ଟ ଲେଖା ହେଲା ପର୍ଯ୍ୟନ୍ତ ସୂଚନା ମିଳି ପାରି ନଥିଲା । ଏ ସମ୍ପର୍କରେ ଆହୁରି ଅଧିକ ସୂଚନା ଅପେକ୍ଷା କରାଯାଇଛି ।