ଦିଲ୍ଲୀ ମୁଖ୍ୟମନ୍ତ୍ରୀଙ୍କ ବିରୋଧରେ ପୁଣି ଗର୍ଜିଲେ ପୂର୍ବତନ ମନ୍ତ୍ରୀ କପିଲ ମିଶ୍ରା ! ଆକ୍ରମଣରେ ଆପ୍ ସଦସ୍ୟଙ୍କ ସମ୍ପୃକ୍ତି ଅଭିଯୋଗ
କନକ ବ୍ୟୁରୋ : ଦିଲ୍ଳୀ ମୁଖ୍ୟମନ୍ତ୍ରୀ ଅରବିନ୍ଦ କେଜ୍ରିୱାଲଙ୍କ ଉପରେ ପୁଣି ଗର୍ଜିଲେ ପୂର୍ବତନ ମନ୍ତ୍ରୀ କପିଲ ମିଶ୍ରା । ଗତକାଲି ଅନଶନ ରତ କପିଲ ମିଶ୍ରାଙ୍କ ଉପରେ ଆପ୍ ସମର୍ଥକ ଆକ୍ରମଣ କରିଥିବା କପିଲ ମିଶ୍ରା କହିଛନ୍ତି । କପିଲ ମିଶ୍ରାଙ୍କ ଉପରେ ଆପ୍ କର୍ମୀ ଆକ୍ରମଣ କରିଥିବା ବେଳେ ଜାଣିଶୁଣି ଲୋକଙ୍କୁ ଭ୍ରମିତ କରାଯାଉଥିବା ସେ କହିଛନ୍ତି । ସେ ଆହୁରୀ ମଧ୍ୟ କହିଛନ୍ତି ଯେ, ଏଥିରେ ଆପର ସମ୍ପୃକ୍ତି ଥିଲେ ମଧ୍ୟ ବିଜେପିକୁ ଟାର୍ଗେଟ କରାଯାଉଛି । ଅନଶନ କରୁଥିବା କପିଲ ମିଶ୍ରାଙ୍କୁ ଆପ୍ ସମର୍ଥକ ଟଣା ଓଟରା କରିବା ସହ ସାର୍ଟ ଚିରି ଦେଇଥିଲେ ।
Kanak News is now on WhatsApp
Join and get latest news updates delivered to you via WhatsApp
ଏହାସହ ଟଙ୍କା କାରବାରରେ ଆପ୍ ମୁଖ୍ୟ ଅରବିନ୍ଦ କେଜ୍ରିୱାଲ କାହିଁକି ଚୁପ୍ ବସିଛନ୍ତି ବୋଲି କପିଲ ପ୍ରଶ୍ନ କରିଛନ୍ତି । ଆପ୍ ନେତାଙ୍କ ବିଦେଶ ଯାତ୍ରା ସମ୍ପର୍କରେ ପୁଣି ଥରେ ସମ୍ପୂର୍ଣ ବିବରଣୀ ମାଗିଛନ୍ତି କପିଲ । ସେପଟେ ଟ୍ୟାଙ୍କର ଦୁର୍ନୀତି ମାମଲାରେ ଆଜି ଆଂଟି କରପସନ୍ ବ୍ୟୁରୋରେ କପିଲ ମିଶ୍ରାଙ୍କ ବୟାନ ରେକର୍ଡ କରାଯିବ । ଟ୍ୟାଙ୍କର ଦୁର୍ନୀତିରେ ଅରବିନ୍ଦ କେଜ୍ରିୱାଲ ଓ ତାଙ୍କ ସହଯୋଗୀ ସମ୍ପୃକ୍ତ ଥିବା ନେଇ ଏସିବିରେ ମାମଲା ରୁଜୁ କରିଛନ୍ତି କପିଲ । ଗତକାଲିଠାରୁ ଆରମ୍ଭ ହୋଇଥିବା ତାଙ୍କ ଅନଶନ ଆଜି ମଧ୍ୟ ଜାରି ରହିବ ।