ବିଜେଡିରେ ଯୋଗଦେଲେ ମୁମ୍ବାଇର ପୂର୍ବତନ ପୁଲିସ କମିଶନର ଅରୂପ ପଟ୍ଟନାୟକ ! ନବୀନ ନିବାସରେ ଅନୁଷ୍ଠିତ ମିଶ୍ରଣ ପର୍ବରେ ଧରିଲେ ଶଙ୍ଖ, ବିଜେଡି ମୁଖିଆ କହିଲେ ବଢିବ ଦଳର ଶକ୍ତି
କନକ ବ୍ୟୁରୋ : ବିଜେଡିରେ ଯୋଗ ଦେଇଛନ୍ତି ମୁମ୍ବାଇର ବହୁଚର୍ଚ୍ଚିତ ପୂର୍ବତନ ପୋଲିସ କମିଶନର ଅରୂପ ପଟ୍ଟନାୟକ । ବାର୍ ବଷ୍ଟର ଭାବେ ମୁମ୍ବାଇରେ ଖ୍ୟାତି ଅର୍ଜନ କରିଥିବା ଅରୂପ ପଟ୍ଟନାୟକ ଭାରତୀୟ ପୋଲିସ ସେବାରୁ ଅବସର ନେବା ପରେ ରାଜନୀତିରେ ଆରମ୍ଭ କରିଛନ୍ତି କ୍ୟାରିୟର । ନବୀନ ନିବାସରେ ବିଜେଡି ସୁପ୍ରିମୋ ତଥା ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କ ଉପସ୍ଥିତିରେ ବିଜେଡିରେ ଯୋଗ ଦେଇଛନ୍ତି ଅରୂପ । ନବୀନ କହିଛନ୍ତି, ଦଳରେ ଅରୂପ ଯୋଗଦେବା ଫଳରେ ବିଜେଡି ଲାଭବାନ ହେବ ।
Kanak News is now on WhatsApp
Join and get latest news updates delivered to you via WhatsApp
ସେହିପରି ଅରୂପ ପଟ୍ଟନାୟକ କହିଛନ୍ତି, ଓଡ଼ିଶାରେ କାମ କରିବାର ସୁଯୋଗ ପାଇଛି, ଦଳର ନିର୍ଦ୍ଦେଶ ଅନୁସାରେ କାର୍ଯ୍ୟ କରିବି । ୬୩ ବର୍ଷିୀୟ ଅରୂପ ପଟ୍ଟନାୟକ ମହାରାଷ୍ଟ୍ର ଆଇପିଏସ କ୍ୟାଡରର ଜଣେ ଜଣାଶୁଣା ଅଫିସର ଥିଲେ । ମୁମ୍ବାଇର ପୋଲିସ କମିଶନର ଥିବାବେଳେ ଅରୂପ ଅନେକ ପ୍ରଂଶସନୀୟ କାମ କରିଛନ୍ତି । ମୁମ୍ବାଇର ପୋଲିସ କମିଶନର ହେବାରେ ସେ ଥିଲେ ପ୍ରଥମ ଓଡିଆ । ନିଜର ୩୬ ବର୍ଷର କ୍ୟାରିୟର ମଧ୍ୟରେ ଉଲ୍ଲେଖନୀୟ ଅବଦାନ ପାଇଁ ଅରୂପଙ୍କୁ ରାଷ୍ଟ୍ରପତିଙ୍କ ପୋଲିସ ମେଡାଲ ମଧ୍ୟ ମିଳିଛି ।