ବିଜେଡିରୁ ଭୋଜି ଖାଆନ୍ତୁ, ବିଜେପିକୁ ଭୋଟ୍ ଦିଅନ୍ତୁ ! ଅରୁଣ ସିଂହଙ୍କ ବିବାଦୀୟ ଆହ୍ୱାନ
କନକ ବ୍ୟୁରୋ : ବିଜେଡିରୁ ଭୋଜି ଖାଆନ୍ତୁ, ହେଲେ ବିଜେପିକୁ ଭୋଟ୍ ଦିଅନ୍ତୁ । ଆଜି ଏଭଳି ଏକ ବିବାଦୀୟ ଆହ୍ୱାନ ଦେଇଛନ୍ତି ବିଜେପିର ରାଜ୍ୟ ପ୍ରଭାରୀ ଅରୁଣ ସିଂହ । ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କ ଶାସନ ବିଫଳ ହୋଇଥିବା ଅଭିଯୋଗ କରି ସେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କୁ ୯ଟି ପ୍ରଶ୍ନ କରିଛନ୍ତି ।
Kanak News is now on WhatsApp
Join and get latest news updates delivered to you via WhatsApp
କହିଛନ୍ତି, ସମସ୍ତଙ୍କୁ ରେସନ୍ କାର୍ଡ ମିଳିନାହିଁ କାହିଁକି? ୧୭ ବର୍ଷରେ ସବୁ ଗରିବ ଲୋକଙ୍କୁ ପକ୍କା ଘର ମିଳିଲା ନାହିଁ କାହିଁକି? ଓଡ଼ିଶାରେ ମାତ୍ର ୨ ପ୍ରତିଶତ ଲୋକଙ୍କୁ ପାଇପ୍ ଜଳ ମିଳୁଛି କାହିଁକି? ଡାକ୍ତରଖାନାରେ ଡାକ୍ତର ନାହାନ୍ତି, ଔଷଧ ନାହିଁ । ବିଜେପି ଶାସିତ ଛତିଶଗଡ଼ରେ ୨୪ ଘଂଟା ବିଜୁଳି ମିଳୁଥିବା ବେଳେ ଓଡ଼ିଶାରେ କାହିଁକି ମିଳୁନି? ବିଜେପି ଶାସିତ ଝାଡ଼ଖଣ୍ଡରେ ଲୋକଙ୍କୁ ୪ ଲକ୍ଷ ଟଙ୍କାର ସ୍ୱାସ୍ଥ୍ୟ ବୀମା ମିଳୁଥିବା ବେଳେ ଓଡ଼ିଶା ଲୋକଙ୍କୁ ସେଭଳି ସ୍ୱାସ୍ଥ୍ୟବୀମା ମିଳୁନାହିଁ କାହିଁକି?
ପଂଚାୟତ ନିର୍ବାଚନରେ ବିଜେଡି କଳା ପଇସାରେ ଭୋଜି କରୁଛି- ଆପଣ ଭୋଜି ଖାଆନ୍ତୁ । ଭୋଜି ମାଗନ୍ତୁ । ମାତ୍ର କେବଳ ବିଜେପି ଓ ମୋଦିଙ୍କୁ ଭୋଟ୍ ଦିଅନ୍ତୁ । ନଚେତ୍ ସେମାନେ ପୁଣି ଆପଣମାନଙ୍କୁ ଲୁଟିବେ ।
ସେପଟେ ଅରୁଣ ସିଂହଙ୍କ ଏହି ବିବାଦୀୟ ବୟାନ ଉପରେ କଡ୍ଡା ଟିପ୍ପଣୀ ଦେଇଛି ବିଜେଡି । ମୁଖପାତ୍ର ଅମର ଶତପଥୀ କହିଛନ୍ତି ଏହା ସାଂଘାତିକ କଥା । ଲୋକଙ୍କ ଚରିତ୍ର ନଷ୍ଟ କଲା ଭଳି ବୟାନ ଦେବା ନିର୍ବାଚନ ଆଚରଣବିଧିର ଉଲ୍ଲଂଘନ । ସେ କେଜରିୱାଲଙ୍କ ଭଳି ଦଶା ଭୋଗିବେ ।