କାଶ୍ମୀରରେ ଆତଙ୍କବାଦୀଙ୍କୁ ଗୋଟି ଗୋଟି କରି ନିପାତ କରୁଛି ସେନା ! ମଲେଣି ୧୪୨, ଟାର୍ଗେଟରେ ଆହୁରି ୨୫୦ ।
କାଶ୍ମୀରରେ ଆତଙ୍କବାଦୀ ମାନେ ବାରମ୍ବାର ଆଇନ୍ ଉଲଙ୍ଘନ କରି ଭାରତୀୟ ସେନାଙ୍କ ଉପରକୁ ଆକ୍ରମଣ କରିଥିଲେ । ସେହି ଆକ୍ରମଣରେ ଅନେକ ଯବାନ ଆହତ ହୋଇଥିବା ବେଳେ ଆଉ କେତେକ ଯବାନ ସହିଦ ହୋଇଥିଲେ । ତଥାବି ଭାରତୀୟ ସେନା ଚୁପ ରହି ଆତଙ୍କିମାନଙ୍କ ଆକ୍ରମଣକୁ ସହି ଆସୁଥିଲେ । କିନ୍ତୁ ଆତଙ୍କବାଦୀମାନେ ଆଇନ ଉଲଙ୍ଘନ କରି ବାରମ୍ବାର ଭାରତୀୟ ସେନାଙ୍କ ଉପରକୁ ଆକ୍ରମମ କରିବା ପରେ ଭାରତୀୟ ସେନା ମିଶନ ଅଲଆଉଟ ଆରମ୍ଭ କରିଥିଲେ । ଆଉ ସେବେ ଠାରୁ ନେଇ ଏପର୍ଯ୍ୟନ୍ତ ଭାରତୀୟ ସେନା ଆତଙ୍କବାଦୀମାନଙ୍କୁ ଗୋଟି ଗୋଟି କରି ନିପାତ କରୁଛି ।
Kanak News is now on WhatsApp
Join and get latest news updates delivered to you via WhatsApp
ଆତଙ୍କବାଦୀଙ୍କୁ ନିପାତ କରିବା ପାଇଁ ଏକ ଭୟଙ୍କର ଅଭିଯାନ ଗତ ଦୁଇ ବର୍ଷ ହେଲା ଚାଲିଛି । କିନ୍ତୁ ଏବର୍ଷ ଆରମ୍ଭରୁ ଯେତିକି ଆତଙ୍କବାଦୀ ମଲେଣି, ମନେହେଉଛି ଏବର୍ଷ ରେକର୍ଡ ଭାଙ୍ଗିବ ସେନା । ମିଳିଥିବା ସୂଚନା ଅନୁସାରେ ଏ ବର୍ଷରେ ଆଜିସୁଦ୍ଧା କାଶ୍ମୀରରେ ୧୪୨ ଜଣ ଆତଙ୍କବାଦୀଙ୍କୁ ହତ୍ୟା କରାଯାଇଛି ବୋଲି ସୂଚନାଦେଇଛନ୍ତି ସିଆରପିଏଫ ଡିଜି ଆର.ଆର.ଭଟ୍ଟନାଗର । ତେବେ ଘାଟିରେ ଆହୁରି ପ୍ରାୟ ୨୦୦ରୁ ୨୫୦ ଆତଙ୍କବାଦୀ ସକ୍ରିୟ ଅଛନ୍ତି । ଏମାନଙ୍କୁ ବି ନିପାତ କରିଦିଆଯିବ ବୋଲି ସେ କହିଛନ୍ତି ।
ମୃତ ଆତଙ୍କବାଦୀଙ୍କ ମଧ୍ୟରେ ଅଛନ୍ତି ହିଜବୁଲ ମୁଜାହିଦ୍ଦିନର ସମୀର ଟାଇଗର,ପାକିସ୍ତାନରୁ ଆସିଥିବା ଜୈଶ-ଇ-ମୁହମ୍ମଦର ଆତଙ୍କବାଦୀ ମୁଫତି ଓ୍ଵାକାସ ଓ ଲସ୍କର-ଇ-ତୋଇବାର ଅବୁ ହମାସ । ସେନାର ଏହି ସଫଳତା ପଛରେ ସରକାରଙ୍କ ବି ହାତ ରହିଛି । ଆତଙ୍କବାଦୀ ନିପାତ ପାଇଁ ସେନାର ହାତ ଖୋଲା କ୍ଷମତା ଦିଆଯାଇଛି । ଏପରିକି ଅପରେସନ ବେଳେ ପଥରମାଡ କରୁଥିବା ଲୋକମାନଙ୍କୁ ବି ସେନା ଆତଙ୍କବାଦି ହିସାବରେ ଗଣି ତାଙ୍କ ଉପରକୁ ଗୁଳି ଚଳାଉଛି । ୨୦୧୭ରେ କାଶ୍ମୀରରେ ଆତଙ୍କବାଦୀ ମୃତ୍ୟୁ ସଂଖ୍ୟା ୨୦୦ ଟପିଥିଲା । ୨୦୧୦ ପରେ ପ୍ରଥମ ଥର ପାଇଁ ଏହି ସଂଖ୍ୟା ୨୦୦ ଟପିଥିଲା । ୨୦୧୦ରେ ମୋଟ ୨୭୦ ଜଣ ଆତଙ୍କବାଦୀଙ୍କୁ ହତ୍ୟା କରାଯାଇଥିଲା । କିନ୍ତୁ ଏହା ପରେ ଏହି ସଂଖ୍ୟା କମିଚାଲିଥିଲା । ୨୦୧୬ରେ ୧୬୫ ଜଣ ଆତଙ୍କବାଦୀଙ୍କୁ ନିପାତ କରାଯାଇଥିଲା । କିନ୍ତୁ ଏବର୍ଷ ଆରମ୍ଭରୁ ଯେତିକି ଆତଙ୍କବାଦୀ ମଲେଣି ତାହାକୁ ଦେଖିଲେ ଜଣାପଡୁଛି ଯେ ଡିସେମ୍ବର ସୁଦ୍ଧା ଏହି ସଂଖ୍ୟା ୩ଶହ ଟପିବ ।