ଓଡ଼ିଶା କରୁଛି କରୋନା ମୁକାବିଲା: ଘର ମାଲିକଙ୍କୁ ମୁଖ୍ୟମନ୍ତ୍ରୀଙ୍କ ଆହ୍ୱାନ, ଶ୍ରମିକ ଓ ଗରିବ ଘର ଭଡ଼ାଟିଆଙ୍କୁ ତିନିମାସ ଯାଏଁ ଘରଭଡ଼ା ଛାଡ଼ କର, ନହେଲେ ଘୁଞ୍ଚାଅ ।
କନକ ବ୍ୟୁରୋ: ଓଡ଼ିଶା କରୁଛି କରୋନା ମୁକାବିଲା । ଶ୍ରମିକ ଓ ଗରିବ ଭଡ଼ାଟିଆଙ୍କ ୩ ମାସର ଘରଭଡ଼ା ଛାଡ଼ ନହେଲେ ଘୁଞ୍ଚାଇବାକୁ ଘର ମାଲିକଙ୍କୁ ମୁଖ୍ୟମନ୍ତ୍ରୀଙ୍କ ଆହ୍ୱାନ । କାରଣ କରୋନା ମୁକାବିଲା ପାଇଁ ଯେତେବେଳେ ଦେଶବ୍ୟାପୀ ତାଲାବନ୍ଦ ଜାରି ରହିଛି ସେତିକିବେଳେ ଅନେକ କେବଳ ଓଡ଼ିଶା ନୁହେଁ ଦେଶ ମଧ୍ୟ ସମସ୍ୟାରେ ଗତି କରୁଛି । ତେଣୁ ଏଭଳି ଘଡ଼ି ସନ୍ଧି ମୁହୂର୍ତ୍ତରେ ପରସ୍ପରକୁ ସହଯୋଗ କରନ୍ତୁ ବୋଲି ଅନୁରୋଧ କରିଛନ୍ତି ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ।
Kanak News is now on WhatsApp
Join and get latest news updates delivered to you via WhatsApp
It is time for everyone to be there for each other as the entire country is under lockdown & fighting an unprecedented pandemic of #COVID19. Appeal house owners to be compassionate to poor & waive off or at least defer the rent by 3 months. Let’s show the world that #OdishaCares pic.twitter.com/KhSbrtJFTg
— Naveen Patnaik (@Naveen_Odisha) April 2, 2020
ଏପରିକି ବିଶ୍ୱ ମୁକାବିଲା କରୁଥିବା ଏଭଳି ସଙ୍କଟ ସମୟରେ ଘର ଭଡ଼ା ଦେଇ ପାରୁନଥିବା ଶ୍ରମିକ ଓ ଗରିବ ଶ୍ରେଣୀର ଭଡ଼ାଟିଆଙ୍କୁ ମାନବିକତା ଦୃଷ୍ଟିରୁ ଘର ଖାଲି କରିବାକୁ କୁହନ୍ତୁ ନାହିଁ ବୋଲି ଘର ମାଲିକଙ୍କୁ ଅପିଲ୍ କରିଛନ୍ତି ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ।
ତେବେ ପୂର୍ବରୁ କର୍ମଜୀବୀ ଓ ଦାଦନ ଶ୍ରମିକଙ୍କୁ ଗୋଟିଏ ମାସର ଘରଭଡ଼ା ନମାଗିବାକୁ ତାଗିଦ୍ କରିଥିଲେ କେନ୍ଦ୍ର ଗୃହ ମନ୍ତ୍ରଣାଳୟ । ଦାଦନ ଶ୍ରମିକ ନିଜ ରାଜ୍ୟ ଓ ସହରକୁ ଯିବା ପାଇଁ ରାସ୍ତାରେ ଭିଡ଼ କରୁଥିବା ବେଳେ କେନ୍ଦ୍ର ସରକାର ଏପରି ନିଷ୍ପତି ନେଇଛନ୍ତି । ସେହିପରି ଛାତ୍ର ଓ ଶ୍ରମିକଙ୍କୁ ଘର ମାଲିକମାନେ ଏହି ସମୟରେ ଘରୁ ବାହାର କରି ପାରିବେନି ବୋଲି ମଧ୍ୟ ନିର୍ଦ୍ଦେଶାନାମା ଜାରି କରାଯାଇଥିଲା ।