ଦିଲ୍ଲୀରେ ଆଜି ବିରାଟ ଓ ଅନୁଷ୍କାଙ୍କ ଗ୍ରାଣ୍ଡ ରିସେପ୍ସନ ! ଯୋଗଦେବା ପାଇଁ ପ୍ରଧାନମନ୍ତ୍ରୀ ମୋଦିଙ୍କୁ ଆମନ୍ତ୍ରଣ କଲେ ନବଦମ୍ପତି
ଦିଲ୍ଲୀରେ ଆଜି ବିରୁଷ୍କାଙ୍କ ଗ୍ରାଣ୍ଡ ରିସେପ୍ସନ । ଇଟାଲୀରେ ବିବାହ ଏବଂ ୟୁରୋପରେ ହନିମୁନ ପରେ ଏହି ନବ ବିବାହିତ ଦମ୍ପତି ଦିଲ୍ଲୀ ଫେରିଛନ୍ତି ଏବଂ ପୂର୍ବ ପ୍ରସ୍ତୁତି ଅନୁସାରେ ଦିଲ୍ଲୀରେ ଆୟୋଜନ ହେଉଛି ରିସେପ୍ସନ ପାର୍ଟି । ସୋସିଆଲ ମିଡିଆରେ ଘୁରିବୁଲୁଛି ବିରାଟ କୋହଲି ଓ ଅନୁଷ୍କା ଶର୍ମାଙ୍କ ରିସେପ୍ସନର ନିମନ୍ତ୍ରଣ ପତ୍ର । ଯେଉଁଥିରେ ଲେଖାଯାଇଛି ଯେ, ଡିସେମ୍ବର ୨୧ ତାରିଖ ଅର୍ଥାତ ଆଜି ତାଜ ଡିପ୍ଲୋମାଟିକ ଏନକ୍ଲେଭର ଦରବାର ହଲରେ ରାତି ୮ଟା ୩୦ରୁ ଆରମ୍ଭ ହେବ ରିସୋପ୍ସନ ପାର୍ଟି । ରିସେପ୍ସନକୁ ନିମନ୍ତ୍ରଣ କରିବା ଲାଗି ଉଭୟ ନବ ଦମ୍ପତି ନିଜେ ବୁଲିବୁଲି ସାଙ୍ଗସାଥୀ ଓ ସଂପର୍କୀୟଙ୍କୁ ଭେଟୁଛନ୍ତି । ଏହାଛଡା ମୁମ୍ବାଇରେ ମଧ୍ୟ ଆଗାମୀ ଡିସେମ୍ବର ୨୬ ତାରିଖରେ ଆଉଏକ ରିସୋପ୍ସନ ପାର୍ଟି ରଖିଛନ୍ତି ବିରାଟ ଓ ଅନୁଷ୍କା ।
Kanak News is now on WhatsApp
Join and get latest news updates delivered to you via WhatsApp
ଚର୍ଚ୍ଚା ହେଉଛି ଜାନୁଆରୀ ୫ରୁ ଆରମ୍ଭ ହେଉଥିବା ଦକ୍ଷିଣ ଆଫ୍ରିକା ସିରିଜରେ ଟିମ ଇଣ୍ଡିଆର ନେତୃତ୍ୱ ନେବେ ବିରାଟ କୋହଲୀ । ଏବଂ ଏହି ଗସ୍ତ ସମୟରେ ବିରାଟଙ୍କ ସହ ଅନୁଷ୍କା ମଧ୍ୟ ଦକ୍ଷିଣ ଆଫ୍ରିକା ଯାଇପାରନ୍ତି । ତେବେ ନୂଆବର୍ଷ ଦକ୍ଷିଣ ଆଫ୍ରିକାରେ ମନେଇବେ ଅନୁଷ୍କା ଶର୍ମା । ଏବଂ ଜାନୁଆରୀ ପ୍ରଥମ ସପ୍ତାହରେ ମୁମ୍ବାଇ ଫେରି ନଜ ଅପକମିଙ୍ଗ ପ୍ରୋଜକ୍ଟରେ ହାତଦେବେ । ଟାଇଟଲ ସ୍ଥିର ହୋଇନଥିବା ଏକ ଫିଲ୍ମରେ ସେ ଶାହାରୁଖ ଖାନଙ୍କ ବିପକ୍ଷରେ କାମ କରିବେ । ଫେବ୍ରୁଆରୀରେ ବରୁନ ଧୱନଙ୍କ ବିପକ୍ଷରେ ‘ସୁଇ-ଧାଗା’ ଫିଲ୍ମ ପାଇଁ ମଧ୍ୟ କାମ ଆରମ୍ଭ କରିବେ ଅନୁାଷ୍କା ।
ରିସେପ୍ସନରେ ଯୋଗଦେବା ଲାଗି ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କୁ ନିମନ୍ତ୍ରଣ ଜଣାଇଛନ୍ତି ବିରୁଷ୍କା । ନୂଆ ଦମ୍ପତି ବିରାଟ କୋହଲି ଏବଂ ଅନୁଷ୍କା ଶର୍ମା ପ୍ରଧାନମନ୍ତ୍ରୀ ମୋଦିଙ୍କୁ ଭେଟିଛନ୍ତି । ଏନେଇ ପିଏମଓ ଟ୍ୱିଟ୍ କରି ସୂଚନା ଦେଇଛି । ଗତ ୧୧ ତାରିଖରେ ଇଟାଲୀ ମିଲାନର ଟସ୍କନି ସହରରେ କ୍ରିକେଟର ବିରାଟ କୋହଲି ଏବଂ ଅଭିନେତ୍ରୀ ଅନୁଷ୍କା ଶର୍ମା ବିବାହ କରିଥିଲେ । ଏବଂ ବିହାହ ପରେ ଏହାକୁ ନିଜ ଟ୍ୱିଟର ପୋଷ୍ଟରେ ଆନୁଷ୍ଠାନିକ ଭାବେ ଘୋଷଣା କରିଥିଲେ ବିରାଟ କୋହଲି । ପାରମ୍ପରିକ ପୋଷାକରେ ଉଭୟ ନବ ବିବାହିତ ଦମ୍ପତି ପ୍ରଧାନମନ୍ତ୍ରୀ ମୋଦିଙ୍କୁ ଭେଟିଥିଲେ ଏବଂ ଏହିଭଳି ଏକ ନିମନ୍ତ୍ରଣ ପତ୍ର ଦେଇ ଦିଲ୍ଲୀରେ ଆୟୋଜିତ ହେବାକୁ ଥିବା ରିସେପ୍ସନ ପାର୍ଟିରେ ଯୋଗଦେବା ପାଇଁ ଅନୁରୋଧ କରିଥିଲେ । ପ୍ରଧାନମନ୍ତ୍ରୀଙ୍କ କାର୍ଯ୍ୟାଳୟ ଏହି ଫଟୋକୁ ମଧ୍ୟ ଟ୍ୱିଟ କରିଛି ।