ଅନୁଗୁଳ : ପୋଲ ତଳକୁ ବସ୍ ଖସି ୫ ମୃତ, ଅନେକ ଆହତ
ଅନୁଗୁଳ : ପୁଣି ଅନୁଗୁଳରେ ମର୍ମନ୍ତୁଦ ସଡକ ଦୁର୍ଘଟଣା । ପୋଲ ତଳକୁ ବସ୍ ଖସି ୫ ଜଣଙ୍କ ମୃତ୍ୟୁ ହୋଇଥିବା ବେଳେ ୩୦ରୁ ଅଧିକ ଗୁରୁତର ଆହତ ହୋଇଥିବା ସୂଚନା ମିଳିଛି । ମୃତକଙ୍କ ମଧ୍ୟରୁ ୨ଜଣ ହେଲେ ମରୁଆ ବେହେରା ଓ ହେମନ୍ତ ସାହୁ । ଗୁରୁତରଙ୍କୁ ଅନୁଗୁଳ ମୁଖ୍ୟ ଚିକିତ୍ସାଳୟରେ ଭର୍ତ୍ତି କରାଯାଇଛି । ସେମାନଙ୍କ ମଧ୍ୟରୁ ୧୮ ଜଣଙ୍କୁ କଟକ ବଡମେଡିକାଲ୍ ପଠାଯାଇଛି । ତେବେ ମୃତ୍ୟୁ ସଂଖ୍ୟା ବଢିବା ନେଇ ଆଶଙ୍କା କରାଯାଉଛି ।
Kanak News is now on WhatsApp
Join and get latest news updates delivered to you via WhatsApp
ଜହ୍ନମାମୁ ନାମକ ଘରୋଇ ଯାତ୍ରୀବାହୀ ବସ୍ ଅନୁଗୁଳରୁ ଆଠମଲ୍ଲିକ ଅଭିମୁଖେ ଯାଉଥିବା ସମୟରେ ଏକ ବାଇକକୁ ସାଇଡ୍ ଦେବାକୁ ଯାଇ ତଳକୁ ଖସିପଡିଥିବା ଜଣାପଡିଛି । ଏନଏଚ୍ ୫୫ ତୁକୁଡା ନିକଟରେ ବସଟିି ଦୁର୍ଘଟଣାଗ୍ରସ୍ତ ହୋଇଛି । ଘଟଣା ସ୍ଥଳରେ ପହଂଚି ଜିଲ୍ଲା ପ୍ରଶାସନ ଉଦ୍ଧାର କାର୍ଯ୍ୟ ଜାରି ରଖିଛି । ବସରେ ୪୦ରୁ ଅଧିକ ଯାତ୍ରୀ ଥିବା ସୂଚନା ମିଳିଛି ।