ଅନୁଗୁଳ : ଅନୁଗୁଳର କଣିହାରେ ଏସଟିପିଆଇଏଲ୍ ଠିକାସଂସ୍ଥାର କର୍ମଚାରୀଙ୍କଠାରୁ ଲୁଟ୍ । ମାରଣାସ୍ତ୍ର ଦେଖାଇ ୭ଲକ୍ଷ ଟଙ୍କା ଲୁଟି ନେଇଛନ୍ତି ଦୁବୃର୍ତ । ଲାଲ ରଙ୍ଗର ପଲସରରେ ୩ଜଣ ଯୁବକ ଆସି ଭୟଭୀତ କରବିବା ସହ ଏହି ଟଙ୍କା ଲୁଟି ନେଇଥିବା ଅଭିଯୋଗ ହୋଇଛି । ଏନେଇ କଣିହା ଥାନାରେ ଅଭିଯୋଗ କରିଛନ୍ତି ଏସଟିପିଆଇଏଲ୍ କର୍ମଚାରୀ । ପୁଲିସ ଘଟଣାସ୍ଥଳରେ ପହଁଚିଥିଲେ ମଧ୍ୟ ଲୁଟେରାଙ୍କୁ ଧରିବାରେ ବିଫଳ ହୋଇଛି।
Kanak News is now on WhatsApp
Join and get latest news updates delivered to you via WhatsApp
ସେପଟେ ଢ଼େଙ୍କାନାଳରେ ମଧ୍ୟ ଦିନ ଦ୍ୱିପହରରେ ଏକ ବଡ ଧରଣର ଲୁଟ୍ ହୋଇଛି । ହିନ୍ଦୋଳ ରୋଡ ୟୁକୋ ବ୍ୟାଙ୍କ୍ ଓଡାପଡା ଶାଖା ସମ୍ମୁଖରୁ ବାଇକ ଡିକି ଭାଙ୍ଗି ୪ଲକ୍ଷ ଟଙ୍କା ଲୁଟି ନେଇଛନ୍ତି ଦୁର୍ବୃତ । ତଳବାଘଲୁଣ୍ଡା ଗାଁର ଦୟାନିଧି ସାହୁ ବ୍ୟାଙ୍କରେ ଟଙ୍କା ଜମା କରିବାକୁ ଆସିଥିଲେ । ଠିକ ଏତିିକି ବେଳେ ତାଙ୍କ ଗାଡି ଡିକି ଭାଙ୍ଗି ଦୁବୃର୍ତମାନେ ଟଙ୍କା ଲୁଟି ନେଇଥିବା ଅଭିଯୋଗ ହୋଇଛି।