ନିର୍ବାଚନ ରଣାଙ୍ଗନରେ ଅନୁଭବଙ୍କ ରଣହୁଙ୍କାର । କେନ୍ଦ୍ରାପଡାରେ ବିଶାଳ ଶୋଭାଯାତ୍ରା ସହ ପ୍ରଚାର, ବୈଜୟନ୍ତଙ୍କୁ କଲେ ଟାର୍ଗେଟ୍ ।
କନକ ବ୍ୟୁରୋ : ନିର୍ବାଚନ ମଇଦାନରେ ଅନୁଭବ ମହାନ୍ତିଙ୍କ ରଣହୁଙ୍କାର । କେନ୍ଦ୍ରାପଡା ଲୋକସଭା ଆସନରେ ବିଜେଡି ପ୍ରାର୍ଥୀ ଭାବେ ଲଢୁଛନ୍ତି ଅନୁଭବ । ତେବେ ନିର୍ବାଚନକୁ ଆଉ ଦିନ କେଇଟା ଥିବା ବେଳେ ପ୍ରଚାରକୁ ଜୋରଦାର କରିଛନ୍ତି ଅନୁଭବ । ଆଜି ରାଜନଗରରେ ବିଶାଳ ଶୋଭାଯାତ୍ରା କରି ପ୍ରଚାର କରିଛନ୍ତି କେନ୍ଦ୍ରାପଡା ଲୋକସଭା ବିଜେଡି ପ୍ରାର୍ଥୀ ଅନୁଭବ ମହାନ୍ତି । ତାଙ୍କ ସହ ରାଜନଗର ବିଧାନସଭା ଆସନର ବିଜେଡି ପ୍ରାର୍ଥୀ ଧ୍ରୁବ ସାହୁ ନିର୍ବାଚନ ପ୍ରଚାରରେ ସାମିଲ ହୋଇଥିଲେ । କେନ୍ଦ୍ର ସରକାରଙ୍କ ବିଫଳତା ଓ ରାଜ୍ୟ ସରକାରଙ୍କ ସଫଳତା ବଖାଣିଥିଲେ ଅନୁଭବ । ଦୁଇ ଦୁଇ ଥର ସାଂସଦ ଥିବା ବୈଜୟନ୍ତ ପଣ୍ଡାଙ୍କୁ ସମାଲୋଚନା କରିବା ସହ କେନ୍ଦ୍ରାପଡାର ବିକାଶ ପାଇଁ ତାଙ୍କୁ ସମର୍ଥନ ଦେବା ପାଇଁ ଭୋଟରଙ୍କୁ ଅପିଲ କରିଛନ୍ତି ଅନୁଭବ ।
Kanak News is now on WhatsApp
Join and get latest news updates delivered to you via WhatsApp
ଆଜି ରାଜନଗରରୁ ଏକ ବିଶାଳ ରାଲି କରିବା ସହ ପୂର୍ବତନ ସାଂସଦ ବୈଜୟନ୍ତ ପଣ୍ଡାଙ୍କୁ ସେ ଟାର୍ଗେଟ୍ କରିଛନ୍ତି । ଅନୁଭବ କହିଛନ୍ତି, କେନ୍ଦ୍ରାପଡାରେ ଯେତିକି ବିକାଶ ହେବା କଥା ସେତିକି ହୋଇନାହିଁ । ଏଥର କେନ୍ଦ୍ରାପଡାରେ ବିଜେଡି ବିଜୟଲାଭ କଲେ, ଜିଲ୍ଲାର ବିକାଶ ହେବ ବୋଲି ସେ ପ୍ରତିଶ୍ରୁତି ଦେଇଛନ୍ତି । ଗତ ଦୁଇ ବର୍ଷ ଧରି ଏହି ଲୋକସଭା ଆସନରୁ ବିଜେଡି ଟିକେଟରୁ ସାଂସଦ ଭାବେ ନିର୍ବାଚିତ ହୋଇ ଆସୁଥିବା ବୈଜୟନ୍ତ ପଣ୍ଡା ଏଥର କିନ୍ତୁ ବିଜେପି ଟିକେଟରେ ମଇଦାନକୁ ଓହ୍ଲାଇଛନ୍ତି । ସେପଟେ ଧରଣୀଧର ନାଏକ କଂଗ୍ରେସ ଟିକେଟରୁ ଏହି ଲୋକସଭା ଆସନ ପାଇଁ ମଇଦାନକୁ ଓହ୍ଲାଇଥିବା ବେଳେ, କେନ୍ଦ୍ରାପଡାରେ ଏଥର କଡା ଟକ୍କର ଦେଖିବାକୁ ମିଳିବ ବୋଲି ଚର୍ଚ୍ଚା ହେଉଛି ।