“ଆରକ୍ଷଣ ବାଲା ଆଇ ସ୍ପେଶାଲିଷ୍ଟ” ଲେଖାଥିବା ଏକ ଫଟୋ ସୋଶିଆଲ ମିଡିଆରେ ହେଉଛି ଭାଇରାଲ । ନକଲି ଡାକ୍ତର କହି ଲୋକେ କରୁଛନ୍ତି ଟ୍ରୋଲ । ଜାଣନ୍ତୁ ଏହାର ସତ୍ୟତା କ’ଣ ?
ଆମେ ଛୋଟବେଳୁ ଦେଖିଛୁ କି, ଷ୍ଟେଥୋସ୍କୋପ୍ କୁ ଛାତି କିମ୍ବା ପିଠିରେ ଲଗାଇ ଡାକ୍ତରମାନେ ଯାଂଚ କରନ୍ତି । ଆମେ ଷ୍ଟେଥୋସ୍କୋପ୍ ର କେବଳ ଏଭଳି ବ୍ୟବହାର ହିଁ ଜାଣିଛୁ । ବୋଧହୁଏ ସେଥିପାଇଁ ଆମ ସାମନାକୁ ଏଭଳି କିଛି ଫଟୋ ବା ଭିଡିଓ ଆସିଲେ, ଯେଉଁଥିରେ ଡାକ୍ତର ଷ୍ଟେଥୋସ୍କୋପ୍ ଆଖିରେ ଲଗାଇଥିବା ଦେଖାଯାଉଛନ୍ତି । ତେବେ ଆମକୁ ଆଶ୍ଚର୍ଯ୍ୟ ଲାଗେ ଓ କୈାତୁହଳ ବି ଲାଗେ । କିନ୍ତୁ ଏପର୍ଯ୍ୟନ୍ତ ତାହା ଠିକ୍ ଅଛି । ହେଲେ ଯେବେ କେହି କହନ୍ତି କି ଆରକ୍ଷଣ କାରଣରୁ ଏମିତି ବୋକା ଡାକ୍ତର ସିଷ୍ଟମର ଅଂଶ ବିଶେଷ ହୁଅନ୍ତି, ତେବେ କଥା ଟିକେ ଅଲଗା ହୋଇଯାଏ ।
Kanak News is now on WhatsApp
Join and get latest news updates delivered to you via WhatsApp
ଯେଉଁ ଫଟୋକୁ ଆପଣ ଦେଖୁଛନ୍ତି, ତାହାକୁ କିଛି ଲୋକ “ଆରକ୍ଷଣ ବାଲା ଆଇ ସ୍ପେଶାଲିଷ୍ଟ” କହି କି ସେୟାର କରୁଛନ୍ତି । ଯଦି ଆପଣ ଏହି ଫଟୋଟିକୁ ଦେଖୁଛନ୍ତି, ତେବେ କିଛି ଜରୁରୀ କଥା ଆପଣଙ୍କୁ ଜାଣିବା ଉଚିତ୍ ।
• ଏହା ପ୍ରକୃତରେ ଡାକ୍ତରୀ ଯାଂଚର ପ୍ରକ୍ରିୟା : ଅନେକ ରିସର୍ଚ୍ଚ ପରେ ରୋଗୀର ଯାଂଚର ଏକ ଏମିତି ଉପାୟ ଜଣାପଡିଛି, ଯେଉଁଥିରେ ସତସତିକା ଷ୍ଟେଥୋସ୍କୋପ୍ ଆଖିରେ ଲଗାଯାଏ । ଏହାକୁ ଅର୍ବିଟାଲ ଆସ୍କ୍ୟୁଲେସନ୍ ଟେକନିକ୍ ଅର୍ଥାତ୍ ଅର୍ବିଟ ମାନେ କକ୍ଷ ଓ ଆସ୍କ୍ୟୁଲେସନ୍ ମାନେ ଷ୍ଟେଥୋସ୍କୋପ୍ । ଏହା ଦ୍ୱାରା ଆଖିର ସମସ୍ତ ସମସ୍ୟା ବିଷୟରେ ଏହି ପ୍ରକାରରେ ଜଣାପଡେ । ବିଶେଷତଃ ଏମିତି ଯେଉଁଥିରେ ଆଖିର ଭିତର ପାଖରେ ଫୁଲିବା ବା କୈାଣସି ଅନ୍ୟ ପ୍ରକାରର କଷ୍ଟ ହେବା ।
• କେବେ କେବେ ରୋଗୀର କାନରେ ସବୁବେଳେ ଏକ ଧ୍ୱନି ପ୍ରକମ୍ପିତ ହେଉଥାଏ । ଏହାକୁ ଟିନିଟସ୍ କୁହାଯାଏ । ଏହା ବହୁତ ଅଧିକ କଷ୍ଟଦାୟକ ହୋଇଥାଏ । ଏହାର କାରଣ ଚିହ୍ନଟ କରିବା ପାଇଁ ବି ଅର୍ବିଟାଲ ଆସ୍କ୍ୟୁଲେସନ୍ ଟେକନିକ୍ ର ବ୍ୟବହାର ହୋଇଥାଏ । ଏହି ସୂଚନା ଆମେରିକାର ‘ନ୍ୟାସନାଲ ସେଣ୍ଟର ଫର୍ ବାୟୋଟେକନୋଲୋଜି ଇଫର୍ମେସନ୍’ ର ୱେବସାଇଟ୍ ରୁ ନିଆଯାଇଛି । ଏହା ଆମେରିକାର ସରକାରୀ ସ୍ୱାସ୍ଥ୍ୟ ସେବାର ଅଂଶବିଶେଷ ।
• ଆଖିର ସମସ୍ତ ରୋଗ ପାଇଁ ଅର୍ବିଟାଲ ଆସ୍କ୍ୟୁଲେସନ୍ ଟେକନିକ୍ ଉପାୟରେ ବଡ ରିସର୍ଚ୍ଚ ପରେ ଏହା ନିର୍ଦ୍ଧାରିତ କରାଯାଇଛି । କିନ୍ତୁ ଆରକ୍ଷଣକୁ ନେଇ ଏକ ଏଜେଣ୍ଡା ତିଆରି ହୋଇଛି । ଆରକ୍ଷଣରୁ ବାଦ୍ ପଡିଥିବା ଲୋକଙ୍କୁ କୈାଣସି ଭଙ୍କା ପୋଲ ଦେଖାଗଲେ, ସେମାନେ ଲେଖନ୍ତି କି ଏହି ପୋଲ ଆରକ୍ଷଣରୁ ସିଟ୍ ପାଇଥିବା ଇଂଜିନିୟରଙ୍କ ଦ୍ୱାରା ନିର୍ମିତ । ଯେତେବେଳେ ଇସ୍ରୋର ରକେଟ୍ ଫେଲ୍ ହେବ, ତେବେ କୁହନ୍ତି କି, ଆରକ୍ଷଣରୁ ସିଟ୍ ପାଇଥିବା ବୈଜ୍ଞାନିକ ରକେଟ୍ ନିର୍ମାଣ କଲେ ତାହା କେମିତି ଉଡିବ । ସେଥିପାଇଁ ଏହି ଫଟୋରେ ଲେଖାଥିବା ‘ଆରକ୍ଷଣ ବାଲା ଆଇ ସ୍ପେଶାଲିଷ୍ଟ’ ଦେଖିଲେ ଆମକୁ ଆଶ୍ଚର୍ଯ୍ୟ ହୁଏନି । ।
ଏହି ଫଟୋଟି ଭୀମ ଭୋଇ କଲେଜ୍ ବଲାଙ୍ଗୀରର ମେଡିସିନ୍ ଓପିଡିରୁ ନିଆଯାଇଛି ବୋଲି ଖରପ ମନୋବୃତ୍ତି ସମ୍ପନ୍ନ ଜଣେ ଡାକ୍ତର ଏହାକୁ ସେୟାର କରିଛନ୍ତି । ଅନ୍ୟ କିଛି ଡାକ୍ତର ଅଛନ୍ତି , ଯେଉଁମାନେ କହୁଛନ୍ତି କି ଏହାକୁ ଖରାପ ସନ୍ଦର୍ଭରେ ସେୟାର କରାଯାଇଛି ।