ପିଏନବି ପରେ ଏସବିଆଇର ପାଳି : ପୁଣି ଏକ ବ୍ୟାଙ୍କ ଘୋଟାଲା, ୧୪ ବ୍ୟାଙ୍କକୁ ୮୫୪ କୋଟିର ଚୂନା ଲଗାଇବା କନିଷ୍କ ଜୁଲଲର୍ସ
ଭାରତରେ ବ୍ୟାଙ୍କ ଘୋଟାଲା ଯେମିତି ଶେଷ ହେବାର ନାଁ ନେଉନାହିଁ । ପିଏନବି ବ୍ୟାଙ୍କ ଘୋଟାଲା ପରେ ପରେ ଆଉ ଏକ ବ୍ୟାଙ୍କ ଏହି ତାଲିକାରେ ନିଜକୁ ସାମିଲ କରିଛି । ଏଥର ଘୋଟାଲାର ମୁଖ୍ୟ ଶିକାର ହୋଇଛି ଭାରତୀୟ ଷ୍ଟେଟବ୍ୟାଙ୍କ । ପିଏନବିରେ ନିରବ ମୋଦି ଏବଂ ମେହୁଲ ଚୋକସୀଙ୍କ ଦ୍ୱାରା କରାଯାଇଥିବା ୧୪,୬୦୦ କୋଟି ଟଙ୍କାର ଦୁର୍ନୀତିକୁ ଦେଶ ଭୁଲି ନଥିବାବେଳେ ଆଉ ଏକ ବଡ ଧରଣର ଦୁର୍ନୀତି ମୁଣ୍ଡ ଟେକି ବସିଲାଣି । ଏସବିଆଇ ଏହି ଦୁର୍ନୀତି ନେଇ ସିବିଆଇକୁ ଲିଖିତ ଭାବେ ଜଣାଇଛି ।
Kanak News is now on WhatsApp
Join and get latest news updates delivered to you via WhatsApp
ଏସବିଆଇ ବ୍ୟାଙ୍କ ମୁଖ୍ୟଙ୍କ କହିବା ଅନୁଯାୟୀ, କନିଷ୍କ ଜୁଏଲର୍ ୮୫୪ କୋଟି ଟଙ୍କାର ବ୍ୟାଙ୍କ ସହ ଠକାମୀ କରିଛି । ବ୍ୟାଙ୍କ କନିଷ୍କ ଗୋଲ୍ଡ ପ୍ରାଇଭେଟ ଲିମିଟେଡ ବିରୋଧରେ ସିବିଆଇ ଯାଂଚ ଦାବି କରିଛି । ସିବିଆଇକୁ ଲିଖିତ ପତ୍ର ଦେବା ସହ ୮୪୨.୧୫ କୋଟି ଟଙ୍କା ଠକାମୀକୁ ନେଇ ଅଭିଯୋଗ କରିଛି ।
ବର୍ତ୍ତମାନ ସିବିଆଇ ଏହା ଉପରେ କୌଣସି ଏଫଆଇଆର ଦାଏର କରିନଥିବା ଜଣାପଡୁଛି । ଏସବିଆଇ ଅନୁସାରେ କନିଷ୍କ ଗୋଲ୍ଡ ପ୍ରାଇଭେଟ ଲିମିଟେଡ୍ ୨୦୦୭ ମସିହାରୁ ଲୋନ ନେବା ଆରମ୍ଭ କରିଥିବାବେଳେ ପରବର୍ତ୍ତୀ ମୁହୂର୍ତ୍ତରେ ଏହାର ପରିସୀମାକୁ ବଢ଼ାଇବାରେ ଲାଗିଥିଲା ।