ଆନ୍ନା ଆନ୍ଦୋଳନ ପାର୍ଟ-୨ : ଆଜି ଦିଲ୍ଲୀରେ ପୁଣି ସତ୍ୟାଗ୍ରହରେ ବସିବେ ସମାଜସେବୀ, ଲୋକପାଳ ନିଯୁକ୍ତି ପାଇଁ ବାରମ୍ବାର ପ୍ରଧାନମନ୍ତ୍ରୀଙ୍କୁ ଚିଠି ଲେଖି ବିଫଳ ହୋଇଛନ୍ତି ଆନ୍ନା
କନକ ବ୍ୟୁରୋ : ଆଜି ଦିଲ୍ଲୀରେ ଭଷ୍ଟ୍ରାଚାର ବିରୋଧରେ ଆନ୍ଦୋଳନ କରିବେ ବରିଷ୍ଠ ସମାଜସେବୀ ଆନ୍ନା ହଜାରେ । ଦିଲ୍ଲୀ ରାମ ଲୀଳା ମଇଦାନରେ ଚାଷୀଙ୍କ ହକ୍ ପାଇଁ ଓ ଭଷ୍ଟ୍ରାଚାର ବିରୋଧରେ ଆନ୍ନା ଆନ୍ଦୋଳନ କରିବେ । ଏଥିପାଇଁ ଦିଲ୍ଲୀ ପହଁଚିଛନ୍ତି ଆନ୍ନା ହଜାରେ । ରାଜଘାଟରେ ପହଂଚି ଶ୍ରଦ୍ଧାଞ୍ଜଳି ପ୍ରଦାନ କରିବା ପରେ ଦିନ ୧୨ଟାରେ ଅନିଶ୍ଚିତ ସତ୍ୟାଗ୍ରହ ଆରମ୍ଭ କରିବେ ଆନ୍ନା ହଜାରେ । ବାରମ୍ବାର ପ୍ରଧାନମନ୍ତ୍ରୀଙ୍କୁ ଚିଠି ଲେଖି ବିଫଳ ହୋଇଛନ୍ତି ଆନ୍ନା ।
Kanak News is now on WhatsApp
Join and get latest news updates delivered to you via WhatsApp
ସୂଚନାଯୋଗ୍ୟ, ମାର୍ଚ୍ଚ ୨୩ ରେ ଦିଲ୍ଲୀରେ ପୁଣି ଗୋଟାଏ ଆନ୍ଦୋଳନ କରିବେ ବୋଲି ପୂର୍ବରୁ ହଜାରେ ଘୋଷଣା କରିଥିଲେ । ମାର୍ଚ୍ଚ ୨୩ ତାରିଖ ପାଇଁ ସମର୍ଥନ ଯୋଗାଡ଼ କରିବାକୁ ଆନ୍ନା ଭାଷଣ ଦେବାକୁ ଥିବା ତିନୋଟି ରାଲି ମଧ୍ୟରୁ ପ୍ରଥମଟି ଥିଲା ଶନିବାର ଆୟୋଜିତ ଆତବଦି ରାଲି । ସରକାରଙ୍କୁ ଚେତାବନୀ ଦେବା ଭଳି ଏ ଭଳି ବିଶାଳ ବିକ୍ଷୋଭ ପୂର୍ବରୁ କେବେ ହୋଇ ନାହିଁ ବୋଲି ଆନ୍ନା କହିଥିଲେ । ରାଲି ଏବଂ ବିକ୍ଷୋଭ ମାଧ୍ୟମରେ ସେ ଭୋଟ ଯୋଗାଡ଼ କରୁନାହାଁନ୍ତି । ଜନ ଲୋକପାଳ ପାଇଁ ଯେଉଁ ପ୍ରକାର ବିଶାଳ ରାଲି ହୋଇଥିଲା ଚାଷୀଙ୍କ ମାମଲାରେ ମଧ୍ୟ ସେହି ଭଳି ରାଲିଟିଏ ହେବ ବୋଲି ତାଙ୍କର ବିଶ୍ୱାସ ବୋଲି ସେ କହିଥିଲେ । ଲୋକପାଳ କାର୍ଯ୍ୟକାରୀ, ଲୋକାଯୁକ୍ତ ନିଯୁକ୍ତି, ଚାଷୀଙ୍କୁ ୫୦୦୦ ଟଙ୍କା ଭତ୍ତା ଏବଂ କୃଷି ଉତ୍ପାଦ ପାଇଁ ଅଧିକ ମୂଲ୍ୟ ଆଦି ପ୍ରସଙ୍ଗ ତାଙ୍କ ଦାବିରେ ଅନ୍ତର୍ଭୁକ୍ତ ହେବ ।