ଅନୁଗୁଳ ଛେଣ୍ଡିପଦା ଡାକ୍ତରଖାନାରେ ଗୁଣିିଆର ଝଡାଫୁଙ୍କା : ସାପ କାମୁଡ଼ିବାରୁ ଛେଣ୍ଡିପଦା ଥାନାର ମହିଳା କନେଷ୍ଟବଳଙ୍କୁ ଝଡାଫୁଙ୍କା
କନକ ବ୍ୟୁରୋ : ଡାକ୍ତରଖାନାରେ ସାପ କାମୁଡା ରୋଗୀଙ୍କୁ ଝଡାଫୁଙ୍କା । ଏଭଳି ଘଟଣା ଘଟିଛି ଅନୁଗୁଳ ଜିଲ୍ଲା ଛେଣ୍ଡିପଦା ଡାକ୍ତରଖାନାରେ । ଛେଣ୍ଡିପଦା ଥାନାର ମହିଳା କନେଷ୍ଟବଲ ମଂଜୁଲତା ସାହୁଙ୍କୁ ସାପ କାମୁଡିବାରୁ ତାଙ୍କୁ ଡାକ୍ତରଖାନାରେ ଭର୍ତି କରାଯାଇଛି । ଛେଣ୍ଡିପଡା ଗୋଷ୍ଠୀ ସ୍ୱାସ୍ଥ୍ୟକେନ୍ଦ୍ରରେ ଚିକିତ୍ସା ଚାଲିଥିବା ବେଳେ ଝଡାଫୁଙ୍କା ମଧ୍ୟ ଚାଲିଛି । ଆଉ ଏ କାମ କରାଇଛନ୍ତି ଛେଣ୍ଡିପଦାର ଥାନା ବାବୁମାନେ । ପୁଲିସ ବାବୁ ଅନ୍ଧବିଶ୍ୱାସର ଶିକାର ହୋଇ ଜାମ୍ବୁନାଳି ଗାଁର ଚନ୍ଦ୍ର ନାୟକଙ୍କୁ ଡାକି ଡାକ୍ତରଖାନା ପରିସରରେ ଝଡାଫୁଙ୍କା କରାଇଥିଲେ । ଏହାପରେ ମହିଳାଙ୍କ ଅବସ୍ଥାରେ ସୁଧାର ନଆସିବାରୁ ତାଙ୍କୁ ପିସିଆର ଭ୍ୟାନ ଯୋଗେ ଅନୁଗୁଳ ମୁଖ୍ୟ ଡାକ୍ତରଖାନାରୁ ସ୍ଥାନାନ୍ତର କରାଯାଇଛି ।
Kanak News is now on WhatsApp
Join and get latest news updates delivered to you via WhatsApp
ସେପଟେ ଜଳେଶ୍ୱର ବ୍ଲକ ଅଧୀନ ଗୋପୀନାଥପୁର ପଞ୍ଚାୟତର ମହିଷାମୁଣ୍ଡା ଗ୍ରାମର ସିଦ୍ଧେଶ୍ୱର ଜେନା(୪୭) ଗତକାଲି ରାତି ପ୍ରାୟ ସାଢ଼େ ୯ଟା ସମୟରେ ବିଲରେ ପାଣି ଅଛି କି ନାହିଁ ଦେଖିବାକୁ ଯାଇଥିଲେ । ଜମି ଦେଖି ଫେରୁଥିବା ବେଳେ ହିଡ଼ରେ ତାଙ୍କୁ କୌଣସି ଏକ ବିଷଧର ସାପ କାମୁଡ଼ି ଦେଇଥିଲା। ପରିବାର ଲୋକେ ତାଙ୍କୁ ଗୁରୁତର ଅବସ୍ଥାରେ ଜଳେଶ୍ୱର ଜିକେ ଭଟ୍ଟର ହସ୍ପିଟାଲକୁ ଚିକିତ୍ସା ପାଇଁ ଆଣିଥିଲେ । ହେଲେ ଚିକିତ୍ସାଧୀନ ଅବସ୍ଥାରେ ତାଙ୍କର ମୃତ୍ୟୁ ହୋଇଯାଇଥିଲା । ଡାକ୍ତର ତାଙ୍କୁ ମୃତ ଘୋଷଣା କରିଥିଲେ। ତେବେ ମୃତ୍ୟୁର କେଇ ମିନିଟ୍ ମଧ୍ୟରେ ପରିବାର ଲୋକେ ଓ ସମ୍ପର୍କୀୟ ସିଦ୍ଧେଶ୍ୱରକୁ ବଞ୍ଚାଇବା ପାଇଁ ଗୁଣିଗାରେଡ଼ିର ସହାୟତା ନେଇଥିଲେ।