ରାଜଧାନୀ ରାଜରାସ୍ତାରେ ଅଙ୍ଗନୱାଡି କର୍ମୀଙ୍କ ଧାରଣା : ଲୋୟର ପିଏମଜିରେ ପାଳିଲେ କୁମାର ପୂର୍ଣ୍ଣିମା
କନକ ବ୍ୟୁରୋ : ରାଜଧାନୀ ରାଜରାସ୍ତାରେ ଅଙ୍ଗନୱାଡି କର୍ମୀ । ୨୪ ଦିନ ହେବ ଦେଇଛନ୍ତି ଧାରଣା । ପିଲାଛୁଆଙ୍କୁ ଧରି ଲୋୟର ପି
ଏମଜିରେ ଅହୋରାତ୍ର ଧାରଣାରେ ବସିଛନ୍ତି ଅଙ୍ଗନୱାଡି କର୍ମୀ । ବିଭିନ୍ନ ଦାବି ନେଇ ଅଙ୍ଗନୱାଡି ସେଂଟରରେ ତାଲା ପକାଇ ଘରଦ୍ୱାର ଛାଡି ରାସ୍ତାରେ ବସିଛନ୍ତି । ପ୍ରାୟ ୭୨ ହଜାର ଅଙ୍ଗନୱାଡି ସେଂଟରରେ ପଡିଛି ତାଲା । ଆଉ ରାଜଧାନୀରେ ଅହୋରାତ୍ର ଧାରଣା ଜାରି ରଖିଛନ୍ତି ପ୍ରାୟ ୧ ଲକ୍ଷ ୩୮ ହଜାର ଅଙ୍ଗନୱାଡି କର୍ମଚାରୀ ।
Kanak News is now on WhatsApp
Join and get latest news updates delivered to you via WhatsApp
ଆଜି କୁମାର ପୂର୍ଣ୍ଣମା ଅବସରରେ ଏହି ଅଙ୍ଗନୱାଡି କର୍ମୀମାନେ ଭୁବନେଶ୍ୱରର ପିଏମଜି ରାସ୍ତାରେ କୁମାର ପୂର୍ଣ୍ଣିମା ପାଳିବାର ଦେଖାଯାଇଛି । ଆଉ ନିଜର ଦାବି ନେଇ ମିଡିଆକୁ କହିଛନ୍ତି । ସେମାନଙ୍କର ଦାବି ରହିଛି ସେମାନଙ୍କୁ ସରକାରୀ ମାନ୍ୟାତା ଦିଆଯାଉ ଏବଂ ଯଦି ନଦିଆଯାଏ ତାହେଲେ ସର୍ବନିମ୍ନ ୧୮ ହଜାର ଦରମା ଦିଆଯାଉ । ସହାୟିକାଙ୍କୁ ୯ହଜାର ଟଙ୍କା ଲେଖାଏଁ ମଜୁରୀ । ଏହା ସହ ଗ୍ରୀଷ୍ମ କାଳୀନ ଛୁଟି ଓ ପେନସନ ଲାଗୁକରାଯିବା ନେଇ ଦାବି ଜୋର ଧରିଛି । ନିଜର ଦାବି ପୂରଣ ନହେବା ଯାଏ ସେମାନେ ଏମିତି ଧାରଣାରେ ବସିବେ ବୋଲି କହିଛନ୍ତି । ଆଉ ଏହି ଧାରଣାକୁ ଆଗାମୀ ନର୍ବାଚନ ଯାଏ ବଳବତ୍ତର ରଖିବେ ।