ସୁବିଧାରେ ବ୍ୟବସାୟ ହେବ କେଉଁଠି ? ପ୍ରକାଶ ପାଇଲା ଇଜ୍ ଅଫ୍ ଡୁଇଙ୍ଗ ବିଜନେସ୍ ତାଲିକା, ଆନ୍ଧ୍ର ନମ୍ବର ୱାନ୍ ଓ ଦ୍ୱିତୀୟରେ ତେଲେଙ୍ଗାନା
କନକ ବ୍ୟୁରୋ : ବ୍ୟବସାୟ କରିବା ପାଇଁ ଦେଶରେ ସବୁଠୁ ଉତ୍କୃଷ୍ଠ ରାଜ୍ୟ ହେଉଛି ଆନ୍ଧ୍ରପ୍ରଦେଶ । ଓଡ଼ିଶାର ସ୍ଥାନ ରହିଛି ବହୁତ ତଳେ । କେଉଁ ରାଜ୍ୟରେ ବ୍ୟବସାୟ କରିବା ସହଜ ଏବଂ ଉତ୍ତମ ବ୍ୟବସାୟିକ ବାତାବରଣ ରହିଛି, ଏ ନେଇ ବିଶ୍ୱବ୍ୟାଙ୍କ ସହାୟତାରେ ତାଲିକା ପ୍ରକାଶ କରିଛନ୍ତି କେନ୍ଦ୍ର ସରକାର । ଏହି ତାଲିକାରେ ଏକ ନମ୍ବର ସ୍ଥାନରେ ରହିଛି ଆନ୍ଧ୍ରପ୍ରଦେଶ । ହେଲେ ଓଡ଼ିଶାର ସ୍ଥାନ ରହିଛି ୧୪ ନମ୍ବର ସ୍ଥାନରେ । ବିଶ୍ୱବ୍ୟାଙ୍କ ସହ କେନ୍ଦ୍ର ସରକାରଙ୍କ ଔଦ୍ୟୋଗିକ ନୀତି ଓ ସଂବର୍ଦ୍ଧନ ବିଭାଗ ମିଳିତ ଭାବେ ଏହି ତାଲିକା ପ୍ରସ୍ତୁତ କରିଛନ୍ତି । ୯୮.୪୨ ପ୍ରତିଶତ ସ୍କୋର କରି ତାଲିକାର ଶୀର୍ଷରେ ରହିଛି ଆନ୍ଧ୍ରପ୍ରଦେଶ ।
Kanak News is now on WhatsApp
Join and get latest news updates delivered to you via WhatsApp
ଏହା ପରେ ୯୮.୩୩ ପ୍ରତିଶତ ସ୍କୋର କରି ତେଲେଙ୍ଗାନା ଦ୍ୱିତୀୟ ସ୍ଥାନରେ ଏବଂ ୯୮.୦୭ ପ୍ରତିଶତ ସ୍କୋର କରି ହରିୟାଣା ରହିଛି ତୃତୀୟ ସ୍ଥାନରେ । ଏହି ତିନିଟି ରାଜ୍ୟ ସହ ତାଲିକାର ପ୍ରଥମ ୧୦ ରାଜ୍ୟ ଗୁଡିକ ହେଲେ ଝାଡଖଣ୍ଡ, ଗୁଜରାଟ, ଛତିାଗଡ଼, ମଧ୍ୟପ୍ରଦେଶ, କର୍ଣ୍ଣାଟକ, ରାଜସ୍ଥାନ ଓ ପଶ୍ଚିମବଙ୍ଗ । ତେବେ ଓଡ଼ିଶାର ସ୍ଥାନ ୧୧ ନମ୍ବର ସ୍ଥାନରୁ ୧୪ ତମ ସ୍ଥାନକୁ ଖସିଯାଇଛି । ଓଡ଼ିଶାର ରିଫର୍ମ ଏଭିଡେନ୍ସ ସ୍କୋର ରହିଛି ୯୭.୮୩ ପ୍ରତିଶତ । ହେଲେ ଫିଡ୍ ବ୍ୟାକ୍ ସ୍କୋର ରହିଛି ମାତ୍ର ୩୯.୨ ପ୍ରତିଶତ । ମୋଟ ସ୍କୋର ହେଉଛି ୯୨.୦୯ ପ୍ରତିଶତ । ଏହାର ଅର୍ଥ ହେଉଛି ଶିଳ୍ପ ପାଇଁ ଆଗ୍ରହ ପ୍ରକାଶ ପାଉଛି । ହେଲେ ବ୍ୟବସାୟରେ ପ୍ରତିବନ୍ଧକ ରହୁଛି । ତେଣୁ ଫିଡ୍ ବ୍ୟାକ୍ ଭଲ ରହୁନାହିଁ ।