ପୁଣି କୋଟିଆରେ ପଶିଲା ଆନ୍ଧ୍ର ! ଜନ୍ମଭୂମି କାର୍ଯ୍ୟକ୍ରମ କରି ଲୋକଙ୍କୁ ବାଂଟିଲା ବାର୍ଦ୍ଧକ୍ୟ ଭତ୍ତା ଓ କମ୍ବଳ, ମାଗଣାରେ ହେଲା ସ୍ୱାସ୍ଥ୍ୟପରୀକ୍ଷା
ଜିଲ୍ଲା ପ୍ରଶାସନ ପାଖରେ ନାହିଁ ଖବର
କନକ ବ୍ୟୁରୋ : ସୁଧୁରୁନି ଆନ୍ଧ୍ର । ପୁଣି କୋଟିଆରେ ପଶିଛି ଆନ୍ଧ୍ର । ଜନ୍ମଭୂମିି କାର୍ଯ୍ୟକ୍ରମ ଜରି କୋଟିଆରେ ବାର୍ଦ୍ଧକ୍ୟ ଭତ୍ତା ଓ କମ୍ବଳ ବାଂଟିଛନ୍ତି । ଏହାବ୍ୟତୀତ ମାଗଣା ସ୍ୱାସ୍ଥ୍ୟ ପରୀକ୍ଷା ମଧ୍ୟ କରାଯାଇଛନ୍ତି । ଚଳିତମାସ ପ୍ରଥମ ସପ୍ତାହରୁ ଆନ୍ଧ୍ର ସରକାର ‘ଜନ୍ମଭୂମି’ କାର୍ଯ୍ୟକ୍ରମ ମାଧ୍ୟମରେ ବିବାଦୀୟ କୋଟିଆବାସୀଙ୍କ ସହ ସଂପର୍କ ଯୋଡିବାକୁ ଚେଷ୍ଟା କରୁଛନ୍ତି । ଏହି କାର୍ୟ୍ୟକ୍ରମ ମାଧ୍ୟମରେ ବିବାଦୀୟ କୋଟିଆର ଗାଁ ଗାଁ ବୁଲି ଆନ୍ଧ୍ର ଅଧିକାରୀ ଲୋକଙ୍କୁ ସରକାରୀ ଯୋଜନା ସହ ଯୋଡିବାର ପ୍ରକ୍ରିୟା ଚଳାଇଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ଏସମ୍ପର୍କରେ ଖବର ପ୍ରକାଶ ପାଇବା ପରେ ଆଜି ଉପଜିଲ୍ଲାପାଳ ଲଲିତ କୁମାର କହଁର, ପଟାଙ୍ଗୀ ବିଡିଓ କରୁଣାକର ପ୍ରଧାନ, ତହସିଲଦାର ଡ. ଅରୁଣ କୁମାର ଖଣ୍ଡାଙ୍କ ସମେତ ଅନ୍ୟ ଅଧିକାରୀମାନେ କୋଟିଆ ଯାଇ ଲୋକଙ୍କ ସହ ଆଲୋଚନା କରିଛନ୍ତି । ଗୁରୁତ୍ବପୂର୍ଣ୍ଣ ବିଷୟ ହେଉଛି ଓଡ଼ିଶାର ଅଧିକାରୀମାନେ କୋଟିଆରେ ଥିଲା ସମୟରେ ଆଜି ମଧ୍ୟ ଆନ୍ଧ୍ରର ଅଧିକାରୀମାନେ କୋଟିଆର ବିଭିନ୍ନ ଗାଁରେ ସରକାରୀ ସହାୟତା ବାଣ୍ଟିଛନ୍ତି । ଭତ୍ତା ବାବଦକୁ ହଜାରେ ଟଙ୍କା ଦେବା ସହ କମ୍ବଳ, ଅଙ୍ଗନବାଡି କେନ୍ଦ୍ରରେ ଛତୁଆ ଓ କ୍ଷୀର ଦେଇଛନ୍ତି । ଆନ୍ଧ୍ର ସରକାରଙ୍କ ପକ୍ଷରୁ କୋଟିଆ ବିକାଶ ପାଇଁ ରୋଡମ୍ୟାପ ପ୍ରସ୍ତୁତ କରାଯାଉଥିବା ନେଇ ସୂଚନା ବି ଦେଇଛନ୍ତି । ତେବେ ଏଥିରୁ ସ୍ପଷ୍ଟ ଜଣାପଡ଼ୁଛି କୋରାପୁଟ ପ୍ରଶାସନ କେତେ ଅସହାୟ ।