ଦୀପିକା ଓ କ୍ରାଟିନାଙ୍କ ସହ କାମ କରିବାକୁ ଇଚ୍ଛା କଲେ ବଲିଉଡ୍ ଶେହେନସା ଅମିତାଭ! ଜବ ପାଇଁ ଇନଷ୍ଟାଗ୍ରାମରେ ଦେଲେ ଆପ୍ଲିକେସନ
ଇଂଷ୍ଟାଗ୍ରାମରେ ବଲିଉଡ୍ ଶେହେନସା ଅମିତାଭ ବଚ୍ଚନଙ୍କ ଜବ୍ ଆପ୍ଲିକେସନ୍ । ଇଂଷ୍ଟାଗ୍ରାମ ଆକାଉଂଟରେ ଏକ ପୋଷ୍ଟ ଜରିଆରେ ଦୀପିକା ଓ କାଟ୍ରିନାଙ୍କ ଭଳି ଡେଙ୍ଗୀ ଅଭିନେତ୍ରୀଙ୍କୁ କାମ ମାଗିଲେ ଅମିତାଭ । ସୋସିଆଲ ମିଡିଆରେ ବିଗ୍ ବି’ଙ୍କ ଏହି ମଜାଳିଆ ପୋଷ୍ଟ୍ ଭାଇରାଲ ହେବାରେ ଲାଗିଛି । ଏଥିରେ ନିଜ ବାୟୋଡ଼ାଟାକୁ ମଧ୍ୟ ସେୟାର କରିଛନ୍ତି ବଲିଉଡର ଏହି ସୁପରଷ୍ଟାର ।
Kanak News is now on WhatsApp
Join and get latest news updates delivered to you via WhatsApp
କମ ଉଚ୍ଚତା ଥିବା ଅଭିନେତା ସାହିଦ କାପୁର, ଆମୀର ଖାନଙ୍କ ସହ ଦୀପିକା କି କ୍ୟାଟ୍ରିନାଙ୍କ ଭଳି ଲମ୍ବା ଅଭିନେତ୍ରୀ ମ୍ୟାଚ୍ କରୁନାହାନ୍ତି ବୋଲି ମୁମ୍ବାଇର ଏକ ଖବରକାଗଜରେ ପ୍ରକାଶ ପାଇଥିଲା । ଏହି ପେପର୍ କଟିଂକୁ ଇଂଷ୍ଟାଗ୍ରାମରେ ସେୟାର କରିଛନ୍ତି ଅମିତାଭ । ଅମିତାଭ ଲେଖିଛନ୍ତି, ମୋ ଉଚ୍ଚତା ଠିକ ହେବ ବୋଲି ମୁଁ ଭାବୁଛି । ଏହା ସହ ତାଙ୍କ ବୟସ ଓ ଫିଲ୍ମ ଅଭିନୟରେ ତାଙ୍କ ଅଭିଜ୍ଞତା ମଧ୍ୟ ସେ ଉଲ୍ଲେଖ କରିଛନ୍ତି । ଅମିତାଭଙ୍କ ଏହି ପୋଷ୍ଟକୁ ତିନି ଲକ୍ଷରୁ ଅଧିକ ଲୋକ ଦେଖିସାରିଛନ୍ତି ।