ବିଗ୍ ବି’ଙ୍କ ବିଗ୍ ଫ୍ୟାନ୍ ! ଟ୍ୱିଟରରେ ଅମିତାଭଙ୍କୁ ଫଲୋ କଲେ ୨.୯ କୋଟି ଲୋକ
ବଲିଉଡ୍ ମେଗାଷ୍ଟର ଅମିତାଭ ବଚ୍ଚନ । ଅଭିନୟର ଚିତ୍ର ଚରିତ୍ରର ଜଣେ ମାଇଲଖୁଂଟ । ଯାହାଙ୍କ ଅନେକ ସଫଳତା ଓ ଅନେକ ଯଶ । ସାରା ବିଶ୍ୱରେ ତାଙ୍କର ନାଁ ହିଁ ତାଙ୍କର ପରିଚୟ । ଏବେ ଆଉ ଏକ ସୁନାମ ଅର୍ଜନ କରିଛନ୍ତି । ଅଭିନୟରେ ନୁହେଁ ସୋସିଆଲ ସାଇଟରେ । ଲୋକପ୍ରିୟ ସୋସିଆଲ୍ ସାଇଟ ଟ୍ୱିଟରରେ ଅମିତାଭଙ୍କ ଫଲୋଅର୍ସଙ୍କ ସଂଖ୍ୟା ୨.୯ କୋଟି ଟପିଛି । ଯାହାକି ବଡ ବଡ ସେଲିବ୍ରେଟିଙ୍କ ଠାରୁ ଖୁବ୍ ଆଗରେ ରହିଛି । ଅମିତାଭ ବଲିଉଡର ପ୍ରଥମ ସେଲିବ୍ରିଟି ଯାହାଙ୍କୁ ୨.୯ କୋଟି ଫ୍ୟାନ୍ ଫଲୋଅର୍ ହେଇଛନ୍ତି ଟ୍ୱିଟରରେ।
Kanak News is now on WhatsApp
Join and get latest news updates delivered to you via WhatsApp
ଏହି ୭୪ ବର୍ଷୀୟ ମେଗାଷ୍ଟାର ଅମିତାଭ , ଶାହାରୁଖ ଖାନ୍ ,ସଲମାନ ଖାନ୍,ଆମିର ଖାନ୍ ଓ ପ୍ରିୟଙ୍କା ଚୋପ୍ରାଙ୍କ ଭଳି ଆଜିର ନାମୀଦାମୀ ହସ୍ତୀଙ୍କୁ ପଛରେ ପକାଇ ଦେଇଛନ୍ତି ଏବଂ ଟ୍ୱିଟରରେ ଏକ ନୂଆ ମାଇଲ ଖୁଂଟ ସ୍ଥାପନ କରିଛନ୍ତି । ଟୁଇଟରରେ ଶାହାରୁଖଙ୍କ ଫଲୋଅର୍ସ ସଂଖ୍ୟା ୨.୭୬ କୋଟି ଥିବା ବେଳେ ସଲମାନଙ୍କ ଅଛନ୍ତି ୨.୫୧ କୋଟି । ସେହିପରି ଆମୀର୍ ଖାନ୍, ଦୀପିକା ପାଡୁକୋନ୍ ଏବଂ ପ୍ରିୟଙ୍କା ଚୋପ୍ରାଙ୍କ ଫଲୋଅର୍ସ ଯଥାକ୍ରମେ ୨.୧୮ କୋଟି, ୨ କୋଟି ଏବଂ ୧.୮୯ କୋଟି ଅଛନ୍ତି । ଅମିତାଭ ଟ୍ୱିଟର ଆକାଉଂଟþ ମେ ମାସ ୨୦୧୦ ରେ ଆରମ୍ଭ କରିଥିଲେ ।
ତେବେ ଟୁଇଟରରେ ଏହି ମାଇଲଖୁଂଟ ସ୍ଥାପନ କରିବା ପରେ ନିଜ ପ୍ରଶଂସକଙ୍କୁ ଧନ୍ୟବାଦ ଜଣାଇଛନ୍ତି ବିଗ୍ ବି । ଲେଖିଛନ୍ତି, ଗୋଟିଏ ସମୟ ଥିଲା ଯେତେବେଳେ ମାତ୍ର ଜଣେ ବ୍ୟକ୍ତି ମୋ ଟୁଇଟ୍ ଦେଖିଥିଲେ । ଆଉ ଆଜି ସେ ସଂଖ୍ୟା ୨.୯ କୋଟିରେ ପହଂଚିସାରିଛି ।