କେବିସି – ୯ ! ଅମିତାଭଙ୍କ ପ୍ରଶ୍ନରେ ଫଶିଲେ ଅଭିଷେକ, ଦେଇପାରିଲେନି ଉତ୍ତର
କନକ ବ୍ୟୁରୋ : ପୁଣି ଥରେ ଗୋଟିଏ ପରଦାରେ ଏକାଠି ନଜର ଆସିବେ ଅମିତାଭ୍ ଏବଂ ଅଭିଷେକ । ପୁଣି ଥରେ ସାମ୍ନା ସାମ୍ନି ହେବେ ବାପ ପୁଅ । ହେଲେ କୌଣସି ସିନେମା ପାଇଁ ନୁହେଁ ବରଂ କେବିସି ସିଜିନ୍ ୯ରେ । ପ୍ରଶ୍ନ ପଚାରିବେ ବିଗ୍ ବି ଆଉ ଉତ୍ତର ରଖିବେ ଅଭିଷେକ । ଅର୍ଥାତ୍ ଏଥର କେବିସିରେ ପ୍ରତିଯୋଗୀ ହୋଇ ଆସିବେ ଜୁନିୟର ବଚ୍ଚନ ।
Kanak News is now on WhatsApp
Join and get latest news updates delivered to you via WhatsApp
ଏକଥା ସମସ୍ତଙ୍କୁ ଜଣା ଯେ ଅଭିଷେକ ବଚ୍ଚନ ନା କେବଳ ସ୍ପୋଟର୍ସ ଜଣେ ଜବରଦସ୍ତ ପ୍ରଶଂସକ ବରଂ ଗୋଟିଏ ଫୁଟବଲ୍ ଟିମର ମାଲିକ ମଧ୍ୟ । ଇଣ୍ଡିଆନ୍ ସୁପର୍ ଲିଗରେ ଟିମ୍ ଚେନ୍ନାଇ ଏଫସିର ମାଲିକ ହେଉଛନ୍ତି ଅଭିଷେକ । ଏହା ସହ ସେ ଅଲ୍ ଷ୍ଟାର୍ସ ଫୁଟବଲ୍ କ୍ଲବର କ୍ୟାପଟେନ୍ ମଧ୍ୟ । ତେଣୁ ଫୁଟବଲ୍ ସହ ଜଡିତ ସମସ୍ତ ପ୍ରଶ୍ନର ଉତ୍ତର ଦେବା ଅଭିଷେକଙ୍କ ପକ୍ଷରେ ଖୁବ୍ ସହଜ । କିନ୍ତୁ କେବିସି ସେଟରେ ହୋଇଛି ଠିକ୍ ଓଲଟା ।
ଖବର ମୂତାବକ , ଅମିତାଭ୍ ଯେତେବେଳେ ଫୁଟବଲ୍ ସହ ଜଡିତ ଏକ ପ୍ରଶ୍ନ ପଚାରିଲେ ସେତେବେଳେ ଜୁନିୟର୍ ବଚ୍ଚନ ଉତ୍ତ ର ଦେଇପାରିନଥିଲେ । ଯାହା ବିଗ୍ ବିଙ୍କୁ ଖୁବ୍ ଆଶ୍ଚର୍ଯ୍ୟ କରିଥିଲା । ଫଳରେ ଅଭିଷେକଙ୍କୁ ବିଗ୍ ବି ମନେ ପକାଇଦେଇଥିଲେ କିପରି ସେ ଘରେ ଅଧିକାଂଶ ସମୟ ଫୁଟବଲକୁ ନେଇ ଚର୍ଚ୍ଚା କରନ୍ତି । ତଥାପି କିପରି ଉତ୍ତର ଦେଇ ପାରୁନାହାଁନ୍ତି ବୋଲି ଅମିତାଭ୍ ତାଙ୍କୁ ପଚାରିଥିଲେ ।
ତେବେ ଏହି ପ୍ରଶ୍ନର ଉତ୍ତର ଦେବା ପାଇଁ ଅଭିଷେକ କଣ କଲେ । କୌଣସି ଲାଇଫ୍ ଲାଇନ୍ ବ୍ୟବହାର କଲେ କି ? ଯଦି କଲେ ତେବେ କେଉଁ ଲାଇଫଲାଇନ୍ ବ୍ୟବହାର କରି ଉତ୍ତର ଦେଇଥିଲେ । ଆଉ ଏହି ସୋରେ କେତେ ଟଙ୍କା ଜିତିଲେ ଜୁନିୟର୍ ବଚ୍ଚନ । ଏସବୁ ପଶ୍ନର ଉତ୍ତର ଜାଣିବା ପାଇଁ ଆପଣଙ୍କୁ ଏହି ଏପିସୋଡକୁ ଅପେକ୍ଷା କରିବାକୁ ପଡିବ । ବିଗ୍ ବି ଏବଂ ଜୁନିୟର୍ ବଚ୍ଚନଙ୍କ ଏହି ଏପିସୋଡ୍ ୧୫ ସେପ୍ଟେମ୍ବର୍ ଅର୍ଥାତ୍ ଆସନ୍ତାକାଲି ପ୍ରସାରଣ କରାଯିବ ।