ଆଡଭାନୀଙ୍କ ଗଡରେ ଲଢେଇ ଆଗରୁ ଅମିତ ଶାହାଙ୍କ ଶକ୍ତି ପ୍ରଦର୍ଶନ ! ଆଜି ଗାନ୍ଧିନଗରରେ ନାମାଙ୍କନ କରିବେ ବିଜେପି ଚାଣକ୍ୟ ।
କନକ ବ୍ୟୁରୋ : ଆଡଭାନୀଙ୍କ ଗଡରେ ଲଢେଇ ଆଗରୁ ଶକ୍ତି ପ୍ରଦର୍ଶନ କରିଛନ୍ତି ବିଜେପି ରାଷ୍ଟ୍ରୀୟ ଅଧ୍ୟକ୍ଷ ଅମିତ ଶାହା । ଆଜି ଗାନ୍ଧିନଗର ଲୋକସଭା ଆସନରେ ନାମାଙ୍କନ କରିବେ ବିଜେପି ଚାଣକ୍ୟ । ଏଥିପାଇଁ ଶାହା ବିଶାଳ ରୋଡ୍ ସୋ କରୁଛନ୍ତି । ଏହି ରୋଡ୍ ସୋ ଅହମ୍ମଦାବାଦରୁ ଗାନ୍ଧିନଗର ପଟିଦାରଚୌକ୍ ୪ କିଲୋମିଟର ଯାଏଁ ରହିବ । ଏହି ଅବସରରେ ଅହମ୍ମଦାବାଦରେ ବିଶାଳ ଜନସଭାକୁ ଶାହା ସମ୍ବୋଧନ କରିବା କାର୍ଯ୍ୟକ୍ରମ ରହିଛି । ରୋଡ୍ ସୋ ପରେ ମଧ୍ୟାହ୍ନ ୧୨ଟା ୩୯ ମିନିଟରେ ଶାହା ନୋମିନେସନ୍ କରିବା ସମୟ ଧାର୍ଯ୍ୟ ହୋଇଛି ।
Kanak News is now on WhatsApp
Join and get latest news updates delivered to you via WhatsApp
ଆଡଭାନୀଙ୍କ ଗଡରେ ଶାହାଙ୍କ ଶକ୍ତି ପ୍ରଦର୍ଶନ ପରେ ଚର୍ଚ୍ଚାକୁ ଆସିଛନ୍ତି ବିଜେପିର ବରିଷ୍ଠ ନେତା ତଥା ମାର୍ଗଦର୍ଶକ ଲାଲକୃଷ୍ଣ ଆଡଭାନୀ । ଏହି ତୁଙ୍ଗ ନେତାଙ୍କ ଟିକଟ କାଟି ଏଥର ଗାନ୍ଧିନଗରରୁ ନିଜେ ନିର୍ବାଚନ ଲଢୁଛନ୍ତି ବିଜେପି ରାଷ୍ଟ୍ରୀୟ ଅଧ୍ୟକ୍ଷ ଅମିତ ଶାହା । ଅଶୀ ଦଶକର ଶେଷ ଭାଗରେ ସମୟ ଥିଲା ଆଡଭାନୀଙ୍କ ନୋମିନେସନ୍ ସମୟରେ ତାଙ୍କ ସହିତ ଥିଲେ ଶାହା । ହେଲେ ଏବେ ସମୟରେ ପରିବର୍ତନ ଆସିଛି । ଆଜି ଶାହା ନୋମିନେସନ୍ ପାଇଁ ଆସୁଥିବା ବେଳେ ତାଙ୍କ ପାଖରେ ଦଳର ଏହି ବରିଷ୍ଠ ମାର୍ଗଦର୍ଶକ ସାଥୀରେ ବି ଆସିନାହାନ୍ତି ।