ଅମିତ ଶାହ କହିଲେ ଏୟାରଷ୍ଟ୍ରାଇକରେ ନିହତ ହୋଇଛନ୍ତି ୨୫୦ ଆତଙ୍କବାଦୀ ! କଂଗ୍ରେସ କହିଲା, ରାଜନୀତି କରୁନି କି ବିଜେପି ?
କନକ ବ୍ୟୁରୋ : ସାରା ବିଶ୍ୱରେ ଏବେ ଭାରତୀୟ ବାୟୁସେନାର ପ୍ରଶଂସା ହେଉଛି । ପାକିସ୍ତାନ ବାଲାକୋଟରେ ପଶି ଭାରତୀୟ ବୋୟୁସେନା ଦ୍ୱାରା ହୋଇଥିବା ଏହାରଷ୍ଟ୍ରାଇକକୁ ନେଇ ସମସ୍ତେ ଆଶ୍ଚର୍ଯ୍ୟାନ୍ୱିତ । ତେବେ ଏୟାରଷ୍ଟ୍ରାଇକରେ କେତେ ଆତଙ୍କବାଦୀ ମରିଛନ୍ତି, ସେନେଇ ସମସ୍ତଙ୍କ ମନରେ ଅନେକ ପ୍ରଶ୍ନ । ଏୟାରଷ୍ଟ୍ରାଇକ୍ ପରେ ଭିନ୍ନ ଭିନ୍ନ ଗଣମାଧ୍ୟମ ଭିନ୍ନ ଭିନ୍ନ ତଥ୍ୟ ନେଲେ । ଆତଙ୍କବାଦୀଙ୍କ ସଂଖ୍ୟା ନେଇ ଅନେକ ସଂଖ୍ୟା ଆସିଲା । କିଏ କହିଲା ୩୦୦ ଆତଙ୍କବାଦୀ ପ୍ରାଣ ହରାଇଛନ୍ତି, କିଏ କହିଲା ୩୦୦ରୁ ଅଧିକ ତ ଆଉ କିଏ କହିଲା ୨୫୦ ଜଣ ଆତଙ୍କବାଦୀ ପ୍ରାଣ ହରାଇଛନ୍ତି । ହେଲେ ନିକଟରେ ବିଜେପି ରାଷ୍ଟ୍ରିୟ ଅଧ୍ୟକ୍ଷ ଅମିତ ଶାହ ବଡ଼ ବୟାନ ଦେଇଛନ୍ତି । ଅମିତ ଶାହ କହିଛନ୍ତି ଏୟାରଷ୍ଟ୍ରାଇକରେ ୨୫୦ରୁ ଅଧିକ ଆତଙ୍କବାଦୀ ନିହତ ହୋଇଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ଗୁଜରାଟ ଅହମଦାବାଦରେ ଏକ ରାଲିରେ ଭାଷଣ ଦେବା ସମୟରେ ଶାହା ପୁଲୱାମା ଆକ୍ରମଣ ପରେ ସମସ୍ତେ ଭାବୁଥିଲେ ଆଉ ସର୍ଜିକାଲ ଷ୍ଟ୍ରାଇକ୍ ହୋଇପାରିବ ନାହିଁ । କିନ୍ତୁ କ’ଣ ହେଲା । ପୁଲୱାମା ଆକ୍ରମଣର ୧୩ ଦିନ ପରେ ହିଁ ଏୟାରଷ୍ଟ୍ରାଇକରେ ୨୫୦ରୁ ଅଧିକ ଆତଙ୍କବାଦୀ ପ୍ରାଣ ହରାଇଥିଲେ । ଏହାବ୍ୟତୀତ ଶାହ କହିଛନ୍ତି ୱିଙ୍ଗ କମାଣ୍ଡର ପାକ୍ ସେନା ହାତରେ ଧରାପଡ଼ିବା ପରେ ଲୋକେ ବିଭିନ୍ନ ଆଲୋଚନା କରୁଥିଲେ । କିନ୍ତୁ ବିଶ୍ୱ ଦରବାରରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ପ୍ରଭାବ ଯୋଗୁଁ ଯୁଦ୍ଧ କଏଦୀଙ୍କୁ ଅତି ଅଳ୍ପ ସମୟରେ ଫେରାଇଦେଲା ଶତ୍ରୁ ଦେଶ ।
ତେବେ ଅମିତ ଶାହଙ୍କ ଏପରି ବୟାନ ଯୋଗୁଁ ସେ ସମାଲୋଚନାର ଶିକାର ହୋଇଛନ୍ତି । କଂଗ୍ରେସ ନେତା ମନୀଷ ତିୱାରୀ କହିଛନ୍ତି ଏୟାରଷ୍ଟ୍ରାଇକ୍ ପରେ ବାୟୁସେନା ଅଧିକାରୀ କୌଣସି ବି ପ୍ରକାର ସଂଖ୍ୟା କହିବା ପାଇଁ ମନା କରିଥିଲେ । ତେବେ ଅମିତ ଶାହ ଏପରି ବୟାନ ଦେଇ କ’ଣ ପ୍ରମାଣ କରିବାପାଇଁ ଚାହୁଁଛନ୍ତି । ସେ ଏୟାରଷ୍ଟ୍ରାକକୁ ନେଇ ରାଜନୀତି ଚାହୁୁଁଛନ୍ତି କି ବୋଲି ପ୍ରଶ୍ନ କରିଛନ୍ତି ମନୀଷ ତିୱାରୀ ? କେବଳ ମନୀଷ ତିୱାରୀ ନୁହେଁ କଂଗ୍ରେସର ବରିଷ୍ଠ ନେତା କପିଲ ସିବଲ ମଧ୍ୟ ମୋଦି ସରକାରଙ୍କୁ ଏୟାରଷ୍ଟ୍ରାଇକ ନେଇ ପ୍ରଶ୍ନ କରିଛିନ୍ତି । ସେ ଟ୍ୱିଟ କରି କହିଛନ୍ତି ଅନେକ ଖବରକାଗଜରେ କୁହାଯାଉଛି ବାଲୋକୋଟ ରେ କିଛି ହୋଇନାହିଁ, ତେବେ ସେମାନେ କ’ଣ ପାକିସ୍ତାନ ସମର୍ଥକ ।
Modiji :
Is international media :
1) New York Times
2) London based Jane’s Information Group
3) Washinton Post
4) Daily Telegraph
5) The Guardian
6) Reutersreporting no proof of militant losses at Balakot pro-Pakistan ?
You are guilty of politicising terror ?
— Kapil Sibal (@KapilSibal) March 4, 2019
— Manish Tewari (@ManishTewari) March 3, 2019
ସୂଚନାଯୋଗ୍ୟ ୨୬ ଫେବୃୟାରୀ ପାକିସ୍ତାନ ମାଟିରେ ପଶି ଭାରତୀୟ ବାୟୁସେନା ଜେଢ-ଇ-ମହମ୍ମଦର ଶିବିର ଉପରେ ଏୟାରଷ୍ଟ୍ରାଇକ କରିଥିଲା । ତେବେ ଏଥିରେ କେତେ ଆତଙ୍କବାଦୀ ନିହତ ହୋଇଛନ୍ତି ତାହାର କିଛି ତଥ୍ୟ ଜାରି କରିନଥିଲା ବାୟୁସେନା । ସୂଚନାଯୋଗ୍ୟ ଏୟାରଷ୍ଟ୍ରାଇକ୍ ପରେ କଂଗ୍ରେସ ସମେତ ଅନେକ ବିରୋଧୀ ଦଳ ପ୍ରମାଣ ମାଗିଥିଲେ ।