ରାମ ମନ୍ଦିର ନିର୍ମାଣ ପ୍ରସଙ୍ଗରେ ତୁରନ୍ତ ସମାଧାନ ପାଇଁ ଚାହୁଁନାହିଁ କଂଗ୍ରେସ : ଅମିତ ଶାହା
ରାମ ମନ୍ଦିର ନିର୍ମାଣ ପ୍ରସଙ୍ଗରେ ଥମିବାରେ ନା ନେଉ ନାହିଁ ବିବାଦ
କନକ ବ୍ୟୁରୋ : ରାମ ମନ୍ଦିର ନିର୍ମାଣ ପ୍ରସଙ୍ଗରେ ଥମିବାରେ ନା ନେଉ ନାହିଁ ବିବାଦ । ପ୍ରତ୍ୟେକ ଦିନ ଜାତୀୟ ଗଣମାଧ୍ୟମରେ ରାମ ମନ୍ଦିରକୁ ନେଇ ଅନେକ ଖବର ପ୍ରକାଶିତ ହେଉଛି । ତେବେ ମିଳିଥିବା ସୂଚନା ଅନୁସାରେ, ଭାରତୀୟ ଜନତା ପାର୍ଟିର ଅଧ୍ୟକ୍ଷ ଅମିତ ଶାହା ଶନିବାର କହିଛନ୍ତି ଯେ, ଆଗାମୀ ଲୋକସଭା ନିର୍ବାଚନରେ ଦଳ ଦେଶର ସମ୍ମାନ, ବିକାଶ ଓ ରକ୍ଷାକୁ ଧ୍ୟାନ ଦେଇ ନିର୍ବାଚନକୁ ଓହ୍ଲାଇବ । ଏହାସହ ସେ ଦାବି କରି କହିଛନ୍ତି ଯେ, ଆଗାମୀ ନିର୍ବାଚନରେ ବିଜେପି ୩୦୦ ରୁ ଅଧିକ ସିଟରେ ବିଜୟ ହେବ ଓ ପୁଣି ଥରେ ନରେନ୍ଦ୍ର ମୋଦି ହିଁ ପ୍ରଧାନମନ୍ତ୍ରୀ ହେବେ । ୨୦୧୪ ମସିହାରେ ବିଜେପି ସାରା ଦେଶରେ ୨୮୨ ସିଟରେ ବିଜୟ ହୋଇଥିଲା । ତେବେ କେନ୍ଦ୍ରରେ ସରକାର କରିବା ପାଇଁ ବିଜେପି ପାଇଁ କୌଣସି ଅସୁବିଧା ନଥିଲା ।
Kanak News is now on WhatsApp
Join and get latest news updates delivered to you via WhatsApp
ଏହାସହ ରାମ ମନ୍ଦିର ପ୍ରସଙ୍ଗରେ ନିଜର ମତ ଦେଇ କହିଛନ୍ତି ଯେ, କଂଗ୍ରେସ ରାମ ମନ୍ଦିର ସମସ୍ୟାର ସମାଧାନ ଚାହୁଁନାହିଁ । ବିଜେପି ଚାହେଁ ରାମ ମନ୍ଦିର ନିର୍ମାଣ କାମ ଯଥାଶୀଘ୍ର ଆରମ୍ଭ ହେଉ । ହେଲେ ସମ୍ବିଧାନର ନିୟମ ଅନୁସାରେ ଆମକୁ କାମ କରିବା ପାଇଁ ପଡୁଛି ବୋଲି ଶାହା କହିଛନ୍ତି । ଏହାସହ ସେ କହିଛନ୍ତି ଦେଶରେ ବିଜେପି ସରକାର ଆସିବା ପରେ ଅନେକ ପ୍ରକାର ବିକାଶ ହୋଇଛି । କେବଳ ବିକାଶ ହୋଇଛି ବୋଲି କହିଲେ ହେବ ନାହିଁ ବରଂ ଦେଶର ସୁରକ୍ଷା ପାଇଁ କାମ କରୁଛି । ଏହାସହ ସେ ଆହୁରି ମଧ୍ୟ କହିଛନ୍ତି ଯେ, ବିଜେପି ବିରୋଧରେ ବିରୋଧୀ ଯେଉଁ ମହାମେଣ୍ଟ କରୁଛନ୍ତି ତାହାର କୌଣସି ପ୍ରଭାବ ବିଜେପି ଉପରେ ପଡିବ ନାହିଁ ।
ଭାରତରେ ବିଜେପି ଯେପରି ଭାବରେ ଲୋକମାନଙ୍କୁ ଶାସନ ଦେଉଛି ତାହା ଲୋକମାନଙ୍କୁ ସନ୍ତଷ୍ଟ କରିଛି । ଏହାସହ ଆଗାମୀ ଦିନରେ ବିଜେପି ହିଁ ସରକାର କରିବ ବୋଲି ସୂଚନା ମିଳିଛି । ବିଜେପି ସରକାର ସମୟରେ ହିଁ ଦେଶର ସୁରକ୍ଷା ପାଇଁ ବିଜେପି ପଦକ୍ଷେପ ହାତକୁ ନେଇଛି ବୋଲି ଶାହା କହିଛନ୍ତି । ମୋଦିଙ୍କ ବିଦେଶ ନୀତି ପାଇଁ ଆଜି ସାରା ବିଶ୍ୱରେ ଭାରତର ନାମ ଆଗ ଧାଡିରେ ରହିଛି । କେବଳ ଆଗରେ ରହିଛି କହିଲେ ହେବ ନାହିଁ ବରଂ ବହୁ ଦେଶ ସହ ସୁସମ୍ପର୍କ ସ୍ଥାପନ କରିଛନ୍ତି ବୋଲି ଅମିତ କହିଛନ୍ତି । ପାକିସ୍ତାନ ଉପରେ ସର୍ଜିକାଲ ଷ୍ଟ୍ରାଇକ ଭଳି ଅନେକ ପଦକ୍ଷେପ ନେଇଥିବା ଶ୍ରା ଶାହା କହିଛନ୍ତି । ତେବେ ବିଜେପି ସରାକାର ଆଗାମୀ ଦିନରେ ଭାରତରେ ଶାସନ କରିବ ବୋଲି ଆମେ ଦୃଢ ଆଶାବାଦୀ ବୋଲି ଜାତୀୟ ଗଣମାଧ୍ୟମକୁ ଅମିତ ଶାହା କହିଛନ୍ତି ।