କଲିକତା ରୋଡ୍ ଶୋ’ ହିଂସା : ବିଜେପି ରାଷ୍ଟ୍ରୀୟ ଅଧ୍ୟକ୍ଷ ଅମିତ୍ ଶାହ କହିଲେ ସିଆରପିଏଫ୍ ନଥିଲେ ମୁଁ ସେଠାରୁ ଜୀବିତ ଅବସ୍ଥାରେ ଫେରି ପାରିନଥାନ୍ତି ।
କଲିକତା ରୋଡ୍ ଶୋ’ରେ ହୋଇଥିବା ହିଂସାରେ ବିଜେପି ରାଷ୍ଟ୍ରୀୟ ଅଧ୍ୟକ୍ଷ ଅମିତ୍ ଶାହ ତୃଣମୁଳ କଂଗ୍ରେସ ତଥା ପଶ୍ଚିମବଙ୍ଗ ମୁଖ୍ୟମନ୍ତ୍ରୀ ମମତା ବାନାର୍ଜୀଙ୍କ ଉପରେ ପଲଟା ଆକ୍ରମଣ କରିଛନ୍ତି । ଅମିତ୍ ଶାହ କହିଥିଲେ ହିଂସାର ଖବର ସକାଳୁ ହିଁ ଆମେ ପାଇଥିଲୁ କିନ୍ତୁ ପୋଲିସ୍ ଏନେଇ କୌଣସି ପଦକ୍ଷେପ ନେଇନଥିଲେ । ଟିଏମସି ଲୋକମାନେ ମିଛ ପ୍ରସାରିତ କରିବା ପାଇଁ ମୂର୍ତ୍ତି ଭାଙ୍ଗିଲେ । ପ୍ରେସ୍ କନଫ୍ରେନ୍ସରେ କୁହାଗଲା , ଛଅ ଚରଣରେ ବଙ୍ଗଳାରେ କେଉଁଠି ହିଂସା ହୋଇନଥିଲା । ମମତା ବାନାର୍ଜୀ ବି କହୁଛନ୍ତି ବିଜେପି ହିଂସା କରୁଛି । ମମତା ୪୨ ଟି ସିଟ୍ ରେ ନିର୍ବାଚନ ଲଢୁଥିବା ବେଳେ ଆମେ ସାରା ଦେଶରେ ନିର୍ବାଚନ ଲଢୁଛୁ । ଏଥିରୁ ସ୍ପଷ୍ଟ ଯେ ଟିଏମସି ହିଂସା କରୁଛି । ଲୋକତନ୍ତ୍ରର ହତ୍ୟା କରାଗଲା ।
Kanak News is now on WhatsApp
Join and get latest news updates delivered to you via WhatsApp
ଜଣେ ପତ୍ରକାରଙ୍କ ପ୍ରଶ୍ନରେ ଅମିତ୍ ଶାହ କହିଥିଲେ କାଲି ଯଦି ସିଆରପିଏଫ୍ ନଥାନ୍ତେ ତେବେ ମୋର ସେଠାରୁ ଜୀବିତ ଅବସ୍ଥାରେ ଆସିବା ଅସମ୍ଭବ ହୋଇଯାନ୍ତା । ଆମ ପୋଷ୍ଟର ଏବଂ ବ୍ୟାନରକୁ ଚିରି ଦିଆଗଲା । ଆମ କାର୍ଯ୍ୟକର୍ତ୍ତାଙ୍କୁ ଉସୁକାଗଲା । ୨ ଲକ୍ଷରୁ ଅଧିକ ଲୋକ ରୋଡ୍୍ ଶୋ’ରେ ପହଂଚିଥିଲେ । ତିନିଥର ଆକ୍ରମଣ କରାଗଲା ଏବଂ ଏଥିରେ ପଥର,କିରୋସିନି ଏବଂ ତେଲର ପ୍ରୟୋଗ କରାଗଲା । ସକାଳୁ ଖବର ଆସିଥିଲା ଯେ କଲେଜ୍ ଛାତ୍ର ହିଂସା କରିପାରନ୍ତି କିନ୍ତୁ ପୋଲିସ୍ ଏନେଇ କୌଣସି ପଦକ୍ଷେପ ନେଇନଥିଲା ।