ଆଜିଠୁ ମୁମ୍ବାଇରେ ବିଜେପିର ସମର୍ଥନ ପାଇଁ ସମ୍ପର୍କ ଅଭିଯାନ: ଶିବସେନା ମୁଖ୍ୟ ଉଦ୍ଧବ ଥାକରେଙ୍କ ସହ ବହୁ ସେଲିବ୍ରିଟିଙ୍କୁ ସାକ୍ଷାତ କରିବେ ଅମିତ ଶାହା
କନକ ବ୍ୟୁରୋ: ଆଜିଠୁ ମୁମ୍ବାଇରେ ଆରମ୍ଭ ହେଉଛି ବିଜେପିର ସମର୍ଥନ ପାଇଁ ସମ୍ପର୍କ ଅଭିଯାନ । ଏହି ଅବସରରେ ବିଜେପି ରାଷ୍ଟ୍ରୀୟ ସଭାପତି ଅମିତ ଶାହା, ଶିବସେନା ମୁଖ୍ୟ ଉଦ୍ଧବ ଥାକରେଙ୍କ ସହ ବହୁ ସେଲିବ୍ରିଟିଙ୍କୁ ସାକ୍ଷାତ କରିବାର କାର୍ଯ୍ୟକ୍ରମ ରହିଛି । ଉଦ୍ଧବ ଥାକରେଙ୍କ ବାସଭବନ ମାତୋଶ୍ରୀରେ ତାଙ୍କୁ ସାକ୍ଷାତ କରିବେ ଅମିତ ଶାହା । ଏହା ସହ ବଲିଉଡ୍ ଅଭିନେତ୍ରୀ ମାଧୁରୀ ଦିକ୍ଷିତ ନେନେ, ବିଶିଷ୍ଟ ଶିଳ୍ପପତି ରତନ ଟାଟା, ସ୍ୱରସାମ୍ରାଜ୍ଞୀ ଲତା ମଙ୍ଗେସକରଙ୍କ ସହ ମଧ୍ୟ ଶାହାଙ୍କ ସାକ୍ଷାତ କାର୍ଯ୍ୟକ୍ରମ ରହିଛି ।
Kanak News is now on WhatsApp
Join and get latest news updates delivered to you via WhatsApp
ଉଦ୍ଧବଙ୍କୁ ଭେଟିବା ପଛର କାରଣ?
ପାଲଗଢ଼ ନିର୍ବାଚନ ଫଳାଫଳରୁ ସ୍ପଷ୍ଟ ହୋଇଛି ଯେ ବିଜେପି ବିଜୟ ହୋଇଛି ସତ କିନ୍ତୁ ବିଜେପିର ନିକଟତର ହେବା ପାଇଁ ସମକକ୍ଷ ହୋଇଛି ଶିବସେନା । ପାଲଗଢ଼ ଲୋକସଭା ଉପ-ନିର୍ବାଚନରେ ବିଜେପି ସମର୍ଥିତ ପ୍ରାର୍ଥୀ ଗାଭିତ ରାଜେନ୍ଦ୍ର ଧେଢ଼ୟା ୨ ଲକ୍ଷ ୭୨ହଜାର ୭୮୦ ଖଣ୍ଡ ଭୋଟ ହାସଲ କରି ବିିଜୟ ହୋଇଥିବାବେଳେ, ଶିବସେନାର ଶ୍ର୍ରୀନିବାସ ଚିନ୍ତାମନ ଭାନଗା ମାତ୍ର ୨୯ ହଜାର ଭୋଟ ବ୍ୟବଧାନରେ ପରାସ୍ତ ହୋଇଛନ୍ତି । ତେବେ ଏହାକୁ ନେଇ ଶିବସେନା ସାଂସଦ ସଞ୍ଜୟ ରାଓତ କହିଛନ୍ତି ଯେ, ଆମେ ଏକାକୀ ଲଢ଼ି ଯଦି ମାତ୍ର କେଇ ହଜାର ଭୋଟରେ ପରାଜିତ ହେଲୁ, ତେବେ ଏଭଳି ଜନ ସମର୍ଥନ ଆଗାମୀ ନିର୍ବାଚନ ପାଇଁ ଶିବସେନାଙ୍କୁ ଶକ୍ତି ଦେବ ।
ବିଜେପିରେ ବର୍ତ୍ତମାନ ଅସନ୍ତୋଷ ଦେଖା ଦେଇଛି ଯେଉଁଥି ପାଇଁ କିଛି ନେତାମାନେ ଦଳ ମଧ୍ୟ ଛାଡିଥିବା ଘଟଣା ସମ୍ନାକୁ ଆସିଛି । ଏପରିକି ଲୋକମାନେ ମଧ୍ୟ ବିଜେପିକୁ ପ୍ରତ୍ୟାଖାନ କରୁଥିବା କାରଣରୁ ବିଜେପି ଅନ୍ୟ ଦଳ ମାନଙ୍କ ସହିତ ବୁଝାମଣା କରିବା ଆରମ୍ଭ କରିଥିବା ଜଣାପଡୁଛି । ଅନ୍ୟପଟେ ଦୀର୍ଘ ୪ ବର୍ଷ ଧରି ଦୂେଇଥିବା ଶିବସେନାକୁ ହଠାତ୍ ମନେ ପକାଇବା ଏବଂ ରାଜନୈତିକ ଭାଷାରୁ ସ୍ପଷ୍ଟ ହେଉଛି ଯେ ବିଜେପି କେଉଁଠି ନା କେଉଁଠି ଭୟବୀତ ହେବାକୁ ଲାଗିଛି । ବିରୋଧୀଙ୍କ ମେଣ୍ଟରେ ବିଜେପିର ସାଥ କିଏ ଦେବ ଏନେଇ ବାଟ ଖୋଜୁଛନ୍ତି ବିଜେପି ରାଷ୍ଟ୍ରୀୟ ଅଧ୍ୟକ୍ଷ ଅମିତ ଶାହା ।