ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ସରକାରର ୪ର୍ଥ ଇନିଂସ ପୂର୍ତ୍ତିକୁ ନେଇ ସାମ୍ବାଦିକ ସମ୍ମିଳନୀ କରିଛନ୍ତି ବିଜେପି ରାଷ୍ଟ୍ରୀୟ ଅଧ୍ୟକ୍ଷ ଅମିତ ଶାହା । ଏହି ସମ୍ମିଳନୀରେ ମୋଦି ସରକାରଙ୍କ ୪ବର୍ଷ ଶାସନ କାଳର ସଫଳତା ବଖାଣିଛନ୍ତି ଅମିତ ଶାହା । ତେବେ ସମ୍ମିଳନୀ ଆରମ୍ଭରୁ ହିଁ ଶାହା କଂଗ୍ରେସକୁ ସମାଲୋଚନା କରିଥିଲେ । ଯେତେବେଳେ ଦେଶରେ କଂଗ୍ରେସ ସରକାର ଥିଲା ସେତେବେଳେ ଜନତା ଗଣତନ୍ତ୍ର ଉପରୁ ଭରସା ଉଠାଇ ଦେଇଥିଲେ । ଏବଂ ସେହି ସମୟରେ ମୋଦି ସରକାର କ୍ଷମତାକୁ ଆସିଥିଲା । ଦୀର୍ଘ ୪ ବର୍ଷ ଶାସନକାଳରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଦେଶବାସୀଙ୍କୁ ଦେଇଥିବା ସମସ୍ତ ପ୍ରତିଶ୍ରୁତି ପୁରଣ କରିଥିବା ଅମିତ ଶାହା କହିଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ବିଜେପି ରାଷ୍ଟ୍ରୀୟ ଅଧ୍ୟକ୍ଷ ଅମିତ ଶାହା କହିଛନ୍ତି ଭାରତୀୟ ଜନତା ପାର୍ଟିକୁ ଗର୍ବ ହେଉଛି ଯେ ସେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ନେତୃତ୍ୱରେ ଭ୍ରଷ୍ଟାଚାର ମୁକ୍ତ ସରକାର ଦେଇଛି । କାରଣ ମୋଦି ଯେବେ କ୍ଷମତାକୁ ଆସିଲେ ସେତେବେଳେ ଦୁଇଟି ପ୍ରମୂଖ ପ୍ରତିଶ୍ରୁତି ଦେଇଥିଲେ । ଏବଂ ତାହା ହେଉଛି ଗାଁ, ଗରିବ ଏବଂ ଚାଷୀଙ୍କ ହିତ ପାଇଁ ସରକାର । ଏ ସରକାର ଗରିବଙ୍କ ପାଇଁ ନା ଧନୀଙ୍କ ପାଇଁ , ସହରର ବିକାଶ ପାଇଁ ନା ଗାଁର ବିକାଶ ପାଇଁ ଏଭଳି ଅନେକ ଲୋକ ଚିନ୍ତା କରୁଥିଲେ କିନ୍ତୁ ସବୁ ସମସ୍ୟାକୁ ଦୂର କରି ଉଭୟ ଗାଁ ଏବଂ ସହରର ବିକାଶ ଲକ୍ଷ୍ୟରେ ଶାସନ ଭାର ଆରମ୍ଭ କରିଥିଲେ ବୋଲି ଅମିତ କହିଛନ୍ତି । ସବୁଠାର ବଡ କଥା ହେଲା ଯେ ଦେଶରେ ଚାଲିଥିବା ଜାତିବାଦ, ପାରିବାରିକ ରାଜନୀତି ପ୍ରଥାକୁ ବଦଳାଇ ଉଚିତ୍ ରାଜନୀତିକୁ ଆଗକୁ ନେବାରେ ସଫଳ ହୋଇଛନ୍ତି ମୋଦି । ଦେଶବାସୀଙ୍କୁ ଧନ୍ୟବାଦ ଯେ ଜଣେ ସବୁଠାରୁ ପରିଶ୍ରମୀ ପ୍ରଧାନମନ୍ତ୍ରୀ ଏବଂ ଲୋକପ୍ରିୟ ନେତାକୁ ସେବା କରିବାର ସୁଯୋଗ ଦେଇଛନ୍ତି । ଯିଏକି ଦିନକୁ ୧୫ରୁ ୧୮ ଘଣ୍ଟା ଦେଶର ମଙ୍ଗଳ ପାଇଁ କାର୍ଯ୍ୟ କରୁଛନ୍ତି ।
ବିଗତ ଚାରି ବର୍ଷରେ ମୋଦି ସରକାର ସବକା ସାଥ ସବକା ବିକାଶ ଭଳି ଏକ ଲକ୍ଷ୍ୟ ରଖି କାର୍ଯ୍ୟ କରୁଛନ୍ତି । ୪ବର୍ଷରେ ବେକାରୀ ସମସ୍ୟାକୁ ଦୂର କରି ଆତ୍ମନିର୍ଭରଶୀଳ ହେବା ପାଇଁ ପ୍ରୋତ୍ସାହନ ଦେଇଥିବା ଶାହା କହିଛନ୍ତି । ବିନା କୌଣସି ଘୋଟାଲା କିମ୍ବା ଦୁର୍ନୀତି କୁ ବାଦ ଦେଇ କୋଟି କୋଟି ଟଙ୍କାର ଶିଳ୍ପାୟନ ପ୍ରତିଷ୍ଠା କରିଛୁ । ଯାହା କି ମୋଦି ସରକାର ହିଁ କେବଳ କରି ପାରିଛନ୍ତି ଅନ୍ୟ ଜାତିବାଦ ଉପରେ ବିଶ୍ୱାସ କରୁଥିବା ସରକାର ନୁହେଁ ବୋଲି ପରୋକ୍ଷରେ କଂଗ୍ରେସକୁ ସମାଲୋଚନା କରିଛନ୍ତି ଅମିତ ଶାହା ।