ଆତଙ୍କବାଦ ବିରୋଧରେ ବିଶ୍ୱ ସମୁଦାୟ ଏକାଠି ହେବା ଜରୁରୀ କହିଲେ ଆମେରିକା ରାଷ୍ଟ୍ରପତି ଡୋନାଲ୍ଡ ଟ୍ରମ୍ପ !
କନକ ବ୍ୟୁରୋ : ବିଶ୍ୱ ପାଇଁ ଚିନ୍ତା ବଢାଇଛି ଆତଙ୍କବାଦୀ । ଏହା ବିରୋଧରେ ବିଶ୍ୱ ସମୁଦାୟ ଏକାଠି ହେବା ଜରୁରୀ । ମଧ୍ୟ-ପୂର୍ବ ଦେଶ ଗୁଡିକ ମିଳିତ ଭାବେ ଆତଙ୍କବାଦ ବିରୋଧରେ ଲଢିବା ଆବଶ୍ୟକ ବୋଲି କହିଛନ୍ତି ଆମେରିକା ରାଷ୍ଟ୍ରପତି ଡୋନାଲ୍ଡ ଟ୍ରମ୍ପ । ଆତଙ୍କବାଦଯୋଗୁଁ ଆମେରିକାରୁ ଭାରତ, ଋଷିଆରୁ ଅଷ୍ଟ୍ରେଲିଆ ପର୍ଯ୍ୟନ୍ତ ପ୍ରଭାବିତ ହୋଇଛନ୍ତି ବୋଲି ସେ କହିଛନ୍ତି । ସାଉଦି ଆରବ ଗସ୍ତରେ ଥିବା ଟ୍ରମ୍ପ ନିଜ ଅଭିଭାଷଣରେ ଆତଙ୍କବାଦ ନେଇ ଚିନ୍ତା ପ୍ରକାଶ କରିଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ପାକିସ୍ତାନର ନାଁ ନନେଇ ସେ କୌଣସି ଦେଶ ନିଜ ମାଟିକୁ ଆତଙ୍କବାଦୀଙ୍କ ଭୁସ୍ୱର୍ଗ ନକରନ୍ତୁ ବୋଲି ଆହ୍ୱାନ ଦେଇଛନ୍ତି । ରିଆଦଠାରେ ୫୦ଟି ମୁସଲିମ ଦେଶର ପ୍ରତିନିଧିଙ୍କୁ ସମ୍ବୋଧନ କରିବା ବେଳେ ଟ୍ରମ୍ପ ଆତଙ୍କବୀଦ ବିରୋଧ ଓ ବିଶ୍ୱ ଶାନ୍ତିକୁ ଗୁରୁତ୍ୱ ଦେଇଥିଲେ । ଏହା ପୂର୍ବରୁ ସାଉଦି ଆରବ ସହ ଆମେରିକାର ବିଭିନ୍ନ କ୍ଷେତ୍ରରେ ଦ୍ୱିପାକ୍ଷିକ ଚୂକ୍ତି ହୋଇଥିଲା ।