ପାକିସ୍ତାନ ସରକାରଙ୍କୁ ବଡ ଝଟକା ! ୨୧୩୦ କୋଟି ଟଙ୍କାର ଆର୍ଥିକ ଅନୁଦାନ ରଦ୍ଦ କଲା ଆମେରିକା ।
ପାକିସ୍ତାନକୁ ଝଟକା ଦେବା ପାଇଁ ଆମେରିକା ୩୦୦ ମିଲିୟନ୍ ଡଲାର ସହାୟତା ରାଶି ଉପରେ ରୋକ୍ ଲଗାଇ ଦେଇଛି । ଆତଙ୍କବାଦୀଙ୍କ ବିରୋଧରେ ପାକିସ୍ତାନ ଖାମଖିଆଲପଣକୁ ଦେଖି ଟ୍ରମ୍ପ ପ୍ରଶାସନ ଏଭଳି ଏକ ନିଷ୍ପତ୍ତି ନେଇଛି । ଆମେରିକା ସେନା ତରଫରୁ କୁହାଯାଇଛି, ଯେ ପାକ୍ ଯେଭଳି ଆତଙ୍କବାଦୀଙ୍କ କାର୍ଯ୍ୟକଳାପକୁ ରୋକିବା ପାଇଁ ଉପଯୁକ୍ତ ପଦକ୍ଷେପ ନେଉନାହିଁ । ଏହାକୁ ଦେଖି ଆମେରିକା ତରଫରୁ ୩୦୦ ମିଲିୟନ୍ ଡଲାର ଅର୍ଥାତ୍ ୨୧୦୦ କୋଟି ଟଙ୍କାର ଆର୍ଥିକ ସ୍ତରରେ ସହାୟତା ପ୍ରକ୍ରିୟାକୁ ରୋକିବା ପାଇଁ ନିଷ୍ପତ୍ତି ଦିଆଯାଇଛି । ରକ୍ଷା ମନ୍ତ୍ରାଳୟର ପ୍ରବକ୍ତା ଲେଫ୍ଟିନାଣ୍ଟ କର୍ଣ୍ଣଲ କୋନୀ ଫାକନର କହିବାନୁସାର ଆମେରିକା ରକ୍ଷା ବିଭାଗ ଏହି ଟଙ୍କାକୁ ଏବେ ପ୍ରାଥମିକ କାର୍ଯ୍ୟରେ ବ୍ୟବହାର କରିବ । ତେବେ ଆମେରିକାର ଏଭଳି ନିଷ୍ପତ୍ତି ପରେ ପାକିସ୍ତାନର ଛବି ଅନ୍ତରରାଷ୍ଟ୍ରୀୟ ସ୍ତରରେ ଗୋଟିଏ ବଡ ଝଟକା ଲାଗିଛି ।
Kanak News is now on WhatsApp
Join and get latest news updates delivered to you via WhatsApp
ଆମେରିକା କହିବାନୁସାର ପାକିସ୍ତାନ ଏଭଳି ଚରମପନ୍ଥିଙ୍କୁ ନିଜ ଛତ୍ରଛାୟା ତଳେ ଆଶ୍ରୟ ଦେଇଛି ଯେଉଁମାନେ ପଡୋଶୀ ଦେଶ ଆଫଗାନିସ୍ତାନରେ କିଛି ସମୟ ହେଲା ଯୁଦ୍ଧର ବିଭୀଷିକା ଖେଳାଇ ଚାଲିଛନ୍ତି । ଅନ୍ୟପକ୍ଷରେ ପାକିସ୍ତାନ ଏହି କଥାକୁ ଅସ୍ୱୀକାର କରୁଛି । ଏମିତିରେ ଆମେରିକାର ଏଭଳି କାର୍ଯ୍ୟକୁ ସଂପର୍କରେ ଫାଟ ପଡୁଥିବାର କୁହାଯାଏ ।
ଆମେରିକା ଉପରେ ଧୋକା ଦେବାର ଆରୋପ ଲଗାଇଥିଲା ଆମେରିକା :
ଆମେରିକା ରାଷ୍ଟ୍ରପତି ଡୋନାଲ୍ଡ ଟ୍ରମ୍ପ ଏହାପୂର୍ବରୁ ପାକିସ୍ତାନ ଉପରେ ହଜାର ହଜାର ଡଲାରର ସାହାର୍ଯ୍ୟ ରାଶିି ଦେଇଥିଲେ ଏହାପରେ ମଧ୍ୟ ପାକିସ୍ତାନ ଆମେରିକା ଉପରେ ଧୋକାବାଜିର ଆରୋପ ଲଗାଇଥିଲା । ଟ୍ରମ୍ପ ଏହାର ଉତ୍ତରରେ କହିଥିଲେ, “ଆମେରିକା ଗତ ୧୫ ବର୍ଷ ମଧ୍ୟରେ ପାକିସ୍ଥାନକୁ ୩୩ ଅରବ ଡଲାର ଦେଇଥିବା ବେଳେ ପ୍ରତିବଦଳରେ କେବଳ ଛଳନା ଏବଂ ମିଛ ବ୍ୟତିତ ଆଉ କିଛି ପାଇନାହିଁ । ପାକିସ୍ଥାନ ଭାବୁଛି ଯେ ଆମେରିକା ନେତା ମୁର୍ଖ,ଆମେ କିଛିବର୍ଷରୁ ଆଫଗାନିସ୍ଥାନରେ ହିଂସା ଖେଳାଉ ଥିବା ଯେଉଁ ଆତଙ୍କବାଦୀଙ୍କୁ ଖୋଜୁଛୁ ତାଙ୍କୁ ପାକିସ୍ତାନ ଆଶ୍ରୟ ଦେଇଛି । ବହୁତ ହୋଇଗଲା ଆଉ ନୁହଁ ।”