ଏଣିକି ନଷ୍ଟ ହେବନାହିଁ ଖାଦ୍ୟ ପଦାର୍ଥର ଗୋଟିଏ ବି ଦାନା ! ବୈଜ୍ଞାନିକ ମାନେ ବାହାର କଲେ ଏକ ନୂଆ ପ୍ୟାକିଂ ବ୍ୟବସ୍ଥା ।
ଦୁନିଆରେ ଏପରି ଅନେକ ଦେଶ ରହିଛି ଯେଉଁଠାରେ ଲୋକମାନେ ଟିକିଏ ଖାଦ୍ୟ ପାଇଁ ଏବେ ବି ଡହଳ ବିକଳ ହେଉଛନ୍ତି । କିନ୍ତୁ ଅପର ପକ୍ଷରେ ଦେଖିବାକୁ ଗଲେ ଧନି ଦେଶ ଗୁଡିକରେ ହୋଟେଲ କିମ୍ବା ରେଷ୍ଟୁରାଣ୍ଟରେ ଖାଦ୍ୟକୁ ପ୍ୟାକିଂ କରିବା ସମୟରେ ବହୁତ ପରିମାଣରେ ଖାଦ୍ୟ ନଷ୍ଟ ହୋଇଥାଏ । ତେଣୁ ଏହାକୁ ଦୃଷ୍ଟିରେ ରଖି ବୈଜ୍ଞାନିକମାନେ ଏକ ଭିନ୍ନ ଧରଣର ପ୍ୟାକିଂ ବ୍ୟବସ୍ଥା ତିଆରି କରିଛନ୍ତି । ଯହା ଫଳରେ ପ୍ୟାକିଂ ସମୟରେ ଟିକିଏବି ଖାଦ୍ୟ ବରବାଦ ହେବନାହିଁ । ଏହି ପ୍ୟାକିଂ ବ୍ୟବସ୍ଥାକୁ ତିଆରି କରିବାରେ ଏକ ଭାରତୀୟ ମଧ୍ୟ ସାମିଲ ରହିଛନ୍ତି । ଆମେରିକାର ବର୍ଜାନିୟା ଟେକର ବିଶେଷଜ୍ଞଙ୍କ କହିବା ଅନୁସାରେ ଖିରରେ ତିଆରି ହୋଇଥିବା ଖାଦ୍ୟ, ମାଂସ ଏବଂ ତରଳ ଜାତୀୟ ଖାଦ୍ୟ ପଦାର୍ଥକୁ ପ୍ୟାକିଂରୁ ବାହାର କରିବା ସମୟରେ ସବୁଠାରୁ ଅଧିକ ଖାଦ୍ୟ ବରବାଦ ହୋଇଥାଏ । ତେଣୁ ଏହାକୁ ରୋକିବା ପାଇଁ ଏକ ଭିନ୍ନ ଧରଣର ପ୍ୟାକିଂ ବ୍ୟବସ୍ଥା ତିଆରି କରାଯାଇଛି ।
Kanak News is now on WhatsApp
Join and get latest news updates delivered to you via WhatsApp
ସାଇଣ୍ଟିଫିକ ରିପୋର୍ଟ ନାମକ ଜର୍ନାଲରେ ପ୍ରକାଶିତ ଅଧ୍ୟୟନ ଅନୁଯାୟୀ, ପଲିଥିନ ଏବଂ ଅନ୍ୟ ପ୍ୟାକିଂ ମ୍ୟାଟେରିୟାଲ ସହିତ ଖାଦ୍ୟରେ ବ୍ୟବହାର ହେଉଥିବା ତେଲକୁ ପ୍ରୟୋଗ କରି ଏହି ପ୍ୟାକିଂ ତିଆରି କରାଯାଇଛି । ସବୁଠାରୁ ବଡ କଥା ହେଉଛି ଏହି ପ୍ୟାକିଂ ପଲିଥିନ ବଜାରରେ ମିଳୁଥିବା ଅନ୍ୟାନ୍ୟ ପଲଥିନ ଠାରୁ ସମ୍ପୁର୍ଣ୍ଣ ଅଲଗା ଅଟେ । ଏହା ଅନ୍ୟ ପଲିଥିନ ମ୍ୟାଟେରିୟାଲ ଭଳି ପରିବେଶକୁ ଦୂଷିତ କରିବ ନାହିଁ । ଏହାକୁ ନବିକରଣ କରିବା ମଧ୍ୟ ଖୁବ ସହଜ ହୋଇଥାଏ ।
ପ୍ରସ୍ତୁତ ହୋଇଥିବା ନୂତନ ପ୍ୟାକିଂ ବ୍ୟବସ୍ଥାର ଫାଇଦା
ବର୍ଜାନିୟା ଟେକର ଜଣେ ପ୍ରଫେସରଙ୍କ କହିବା ଅନୁସାରେ, ବିଶେଷଜ୍ଞ ମାନେ ଏପରି ଏକ ପ୍ରାକୃତିକ ତେଲ ଉଦ୍ଭାବନ କରିଛନ୍ତି ଯାହା ପଲିଥିନକୁ ଚିକ୍କଣ କରିବାରେ ସାହାଯ୍ୟ କରିବ । କପା ମଞ୍ଜିରେ ତିଆରି ହେଉଥିବା ତେଲକୁ ଏହି ପ୍ୟାକିଂ ପଲିଥିନରେ ପ୍ରୟୋଗ କରାଯାଉଛି । ଯାହା ଫଳରେ ପଲଥିନ ଚିକ୍କଣ ହୋଇଯାଉଛି । ଏବଂ ସେତିରେ ତରଳ ଜାତିୟ ଖାଦ୍ୟ ପଦାର୍ଥ ପ୍ୟାକିଂ କରିବା ପରେ ମଧ୍ୟ ସେଥିରେ ଲାଗି ରହିଯାଉ ନାହିଁ । ଖୁବ ସହଜଚରେ ଏଥିରୁ ଖାଦ୍ୟ ପଦାର୍ଥକୁ ଅନ୍ୟ ଏକ ପାତ୍ରକୁ ବାହାର କରିଦିଆଯାଇ ପାରୁଛି । ତେଣୁ ଆଶା କରାଯାଉଛି ଭବିଷ୍ୟତରେ ଏହି ପ୍ୟାକିଂ ବ୍ୟବସ୍ଥାକୁ ସାରା ବିଶ୍ୱରେ ଲାଗୁ କରାଯାଇ ନଷ୍ଟ ହେଉଥିବା ଖାଦ୍ୟକୁ ରୋକାଯାଇ ପାରିବ ।