ଆମେରିକାର ବଡ ବୟାନ ! ଏସିଆର ଛୋଟ ଦେଶ ଉପରେ ଚୀନ ଦାଦାଗିରି ଦେଖାଇଲେ ଆମେରିକା ଚୁପ ବସିବନି
ଏସିଆର ଦେଶମାନଙ୍କୁ ଚୀନ ଦେଖାଉଥିବା ଦାଦାଗିରିକୁ ଆମେରିକା ବରଦାସ୍ତ କରିବ ନାହିଁ ବୋଲି ଟ୍ରମ୍ପ ପ୍ରଶାସନ ସ୍ପଷ୍ଟ କରିଦେଇଛି । ଚୀନ ଅନ୍ତର୍ଜାତୀୟ ଆଇନ କାନୁନକୁ ସମ୍ମାନ ଜଣାଇବା ସହ ଅନ୍ୟ ଦେଶମାନଙ୍କୁ ନିଜର ସମକକ୍ଷଭାବେ ଦେଖିବା ଉଚିତ ବୋଲି ଆମେରିକା କହିଛି । ଟ୍ରମ୍ପ ପ୍ରଶାସନରେ ଉପ ସଚିବ ( ପୂର୍ବ ଏସିଆ ଓ ପାସିଫିକ ଅଞ୍ଚଳ) ସୁସାନ ଥରଟନ କହିଛନ୍ତି ଯେ ଟ୍ରମ୍ପ ପ୍ରଶାସନ ଚୀନ ସହିତ ଏକ ଗଠନମୂଳକ ସଂପର୍କ ଚାହେଁ । ଉଭୟ ଦେଶ କଥାବାର୍ତ୍ତା ମାଧ୍ୟମରେ ବିଭିନ୍ନ ସମସ୍ୟାର ସମାଧାନ ଚାହାନ୍ତି ।
Kanak News is now on WhatsApp
Join and get latest news updates delivered to you via WhatsApp
କିନ୍ତୁ ଏସିଆର ଆମେରିକାର ପ୍ରଭାବକୁ ହ୍ରାସ କରିବାକୁ ଚୀନ ଉଦ୍ୟମ କଲେ, ଛୋଟ ଛୋଟ ଦେଶମାନଙ୍କ ଉପରେ ଦାଦାଗିରି ଦେଖାଇଲେ ଆମେରିକା ଚୁପ ହୋଇ ବସିବ ନାହିଁ । ଅନ୍ତର୍ଜାତୀୟ ନିୟମ କାନୁନ ଦ୍ୱାରା ହିଁ ଚୀନ ଉପରକୁ ଉଠିଛି, ଏଣୁ ସେହି ନିୟମ କାନୁନକୁ ଚୀନ ସମ୍ମାନ ଦେଖାଇବା ଆବଶ୍ୟକ । ଏସୀୟ ପ୍ରଶାନ୍ତ ମହାସାଗରୀୟ ଅଞ୍ଚଳରେ ନିରାପତ୍ତା ସ୍ଥିତି ବେଶ ଚିନ୍ତା ଜନକ ହୋଇରହିଛି । ଉତ୍ତର କୋରିଆ ପରି ଦେଶଙ୍କ ଅବସ୍ଥିତି, ଚୀନର ଦାଦାଗିରି ଆଦି ଏହାର କାରଣ ବୋଲି ସେ କହିଛନ୍ତି ।