ଆମାଜନର ମନଲୋଭା ଅଫର ! ଜିନିଷ ଏବେ କିଣନ୍ତୁ, ଏକ ବର୍ଷ ପରେ ଟଙ୍କା ପଇଠ କରନ୍ତୁ
ଆସୁଛି ପାର୍ବଣ ଋତୁ । ଆଉ ଏହି ଉତ୍ସବ ସମୟରେ ପ୍ରାୟ ସବୁ ଦୋକନ ଓ ବଜାରରେ ରିହାତି ମୂଲ୍ୟରେ ଉପଲବ୍ଧ ହେବ ଜିନିଷ । ତେବେ ଏନେଇ ଇ-କମର୍ସ ସାଇଟ ଗୁଡ଼ିକ ପଛରେ ରହିବେ କିପରି । ଏପରିସ୍ଥରେ ଲୋକପ୍ରିୟ ଇ-ସପିଂ ସାଇଟ ଆମାଜନ ଉପରେ ରହିଛି ସମସ୍ତଙ୍କ ନଜର । ଗ୍ରାହକଙ୍କ ସୁବିଧାକୁ ଦୃଷ୍ଟିରେ ରଖି ଆମାଜନ ମଧ୍ୟ ଏକେ ନିଅରା ଅଫରର ଘୋଷଣା କରିଛି । ଏହି ଅଫର ଅନୁସାରେ ଗ୍ରାହକ ଏବେ କିଣିବେ ଜିନିଷ କିନ୍ତୁ ଇନଷ୍ଟଲମେଂଟ ଜରିଆରେ ଟଙ୍କା ପଇଠ କରିବେ ଆସନ୍ତାବର୍ଷ ଜାନୁୟାରୀ ମାସରେ । ଅବିଶ୍ୱାସ ହେଉଛି ନାଁ, ହେଲେ କଥାଟା ସତ । ଆମାଜନର ଏହି ଅଫରର ନାମ ହେଲା ‘ବାୟ ନାଓ ଆଣ୍ଡ ପେ ନେକ୍ସଟ ଇୟର’ । ତେବେ ଏହି ଅଫର କେବଳ ଏଚଡ଼ିଏଫସି ବ୍ୟାଙ୍କ କ୍ରେଡ଼ିର୍ଟ କାର୍ଡ଼ ଗ୍ରାହକଙ୍କ ପାଇଁ ରହିବ ।
Kanak News is now on WhatsApp
Join and get latest news updates delivered to you via WhatsApp
ଏହି ଅଫର ଅନୁସାରେ ଗ୍ରାହକ ଆମାଜନ ସେଲ ସମୟରେ କିଣାକିଣି କରି ଏହାର ମୂଲ୍ୟ ୨୦୧୮ରେ ଇନଷ୍ଟୋଲମେଂଟ ଜରିଆରେ ଦେଇପାରିବେ । ଆମାଜନ ଇଣ୍ଡିଆ କନଜ୍ୟୁମର ଇଲୋକ୍ଟ୍ରୋନିିକ୍ସ ଅଧିକାରୀ ଅରୁଣ ଶ୍ରୀନିବାସନ ଏହାର ସୂଚନା ଗ୍ୟାଜେଟ୍ ୩୬୦କୁ ଦେଇଛନ୍ତି । ସୂଚନାଯୋଗ୍ୟ ଅମାଜନ ସେଲର ଏହି ନିଆରା ଅଫର ୨୧ ସେପ୍ଟେମ୍ବରରୁ ଆରମ୍ଭ ହେବ । କିନ୍ତୁ ପ୍ରାଇମ ମେମ୍ବରମାନେ ୨୦ ସେପ୍ଟେମ୍ବର ରାତି ୧୨ରୁ ଏହି ଅଫରର ଲାଭ ଉଠାଇବା ଆରମ୍ଭ କରିଦେଇଛନ୍ତି । ଆମାଜନ ସେଲ ଅନୁସାରେ ବାଇ ନାଓ , ପେ ନେକ୍ସଟ ଇୟର ଅଫର ଅନୁସାରେ ପ୍ରାଇମ ମମ୍ବେରଙ୍କ ପାଇଁ ୨୦ ସେପ୍ଟେମ୍ବରରୁ ହିଁ ଆରମ୍ଭ ହୋଇଯାଇଛି । ତେବେ ଏହି ସୁବିଧା ୨୧ ସେପ୍ଟମ୍ବର ମାନେ ଆଜି ଠାରୁ ସମସ୍ତ ଗ୍ରାହକଙ୍କୁ ଉପଲବ୍ଧ ହେବ ।
ତେବେ ଏହି ଅଫର ବାହାନାରେ ଇ-କମର୍ସ ସାଇଟ୍ ଆମାଜନ ଅନେକ ଗ୍ରାହକଙ୍କୁ ନିଜ ଆଡ଼କୁ ଆକର୍ଷିତ କରିପାରିବ । କମ୍ପାନୀ ଏନେଇ ୧୧ ଟି ବ୍ୟାଙ୍କ୍ ଓ ବଜାଜ ଫାଇନାନ୍ସ ସର୍ଭିସ ସହ କଥାବାର୍ତ୍ତ । କରିଛି ଯାହାଦ୍ୱାରା ଗ୍ରାହକଙ୍କୁ ଶୂନ୍ୟ ଇଏମଆଇ ଓ କ୍ୟାସବ୍ୟାକ ଅଫର ଦିଆଯାଇପାରିବ । ଏହା ବ୍ୟତୀତ ଏଚଡ଼ି ଫସି ଡେବିର୍ଟ କାର୍ଡ଼ ଥିବା ଗ୍ରାହକଙ୍କୁ ସେଲ ସମୟରେ ଅତିରିକ୍ତ ୧୦ ପ୍ରତିଶତ ଛାଡ଼ ହେବ । ଏହା ବ୍ୟତୀତ ଫୋନ ଉପରେ ୪୦ ପ୍ରତିଶତ ଅଧଇକ ରିହାତି ମଧ୍ୟ ମିଳିବ । ସୂଚନା ଅନୁସାରେ ସେଲ ସମୟରେ ୪୦,୦୦୦ ଅଧିକ ଅଫର ଉପଲବ୍ଧ ହେବ ।