ସଲାମ୍ ସଲିମ୍ ! ଦେବଦୂତ ହୋଇ ୫୦ ଅମରନାଥ ଯାତ୍ରୀଙ୍କ ଜୀବନ ବଂଚାଇଲେ ଜଣେ ଡାଇଭର୍
ଗତକାଲି ଅମରନାଥରେ ମୃତ୍ୟୁର ତାଣ୍ଡବ ଚଳାଇଥିଲେ ଆତଙ୍କବାଦୀ । ଜମ୍ମୁ କଶ୍ମୀର ଅନନ୍ତନାଗ ଜିଲ୍ଲାରେ ତୀର୍ଥଯାତ୍ରୀଙ୍କୁ ନେଇ ଯାଉଥିବା ବେଳେ ଏକ ବସ୍ ଉପରେ ଆକ୍ରମଣ କରି ନେଇଥିଲେ ୭ ନୀରିହ ଜୀବନ । କିନ୍ତୁ ଏସବୁ ମଧ୍ୟରେ ଅନ୍ୟ ଯାତ୍ରୀ ମାନଙ୍କ ପାଇଁ ଦେବଦୂତ ସାଜିଥିଲେ ଡାଇଭର୍ ସଲିମ୍ ଶେଖ୍ ।
Kanak News is now on WhatsApp
Join and get latest news updates delivered to you via WhatsApp
ଗୁଜୁରାଟର ସଲିମ୍ ନିଜ ଉପସ୍ଥିତ ବୁଦ୍ଧି ଏବଂ ସାହାସ ଯୋଗୁଁ ଅନ୍ୟ ୫୦ଜଣ ଯାତ୍ରୀଙ୍କ ଜୀବନ ରକ୍ଷା କରିବାରେ ସଫଳ ହୋଇଛନ୍ତି । ଯେତେବେଳେ ଆତଙ୍କି ବସ୍ ଉପରକୁ ଆଖିପିଛୁଳା ଗୁଳି ଚାଳନା କରିଥିଲେ ସେତେବେଳେ ସଲିମ୍ ସମସ୍ତ ଯାତ୍ରୀଙ୍କ ସୁରକ୍ଷା ଚିନ୍ତା କରିଥିଲେ । ଆଉ ଭୟଭୀତ ନହୋଇ ନିଜ ଜୀବନକୁ ବାଜି ଲଗାଇ ବସ୍ ଗଡ଼ାଇ ଚାଲିଥିଲେ । ସଲିମ୍ ନିଜ ପ୍ରତିକ୍ରିୟାରେ କହିଛନ୍ତି ଭଗବାନ୍ ମତେ ସେହି ସମୟରେ ସାହାସ ଦେଇଥିଲେ । ଏବଂ ମୁଁ ଆତଙ୍କବାଦୀଙ୍କୁ ନଡରି ବସକୁ ସୁରକ୍ଷିତ ସ୍ଥାନକୁ ନେବାରେ ସକ୍ଷମ ହୋଇଥିଲି ।
ସଲିମଙ୍କ ଏହି ସାହାସିକତା ପାଇଁ ଗୁଜୁରାଟ୍ ମୁଖ୍ୟମନ୍ତ୍ରୀ ବିଜୟ ରୁପାନୀ ପ୍ରଶଂସା କରିବା ସହ କହିଛନ୍ତି, ତାଙ୍କ ନାମ ‘ସାହସିକତା ପୁରସ୍କାର’ ପାଇଁ କେନ୍ଦ୍ରସରକାରଙ୍କୁ ପ୍ରସ୍ତାବ ପଠାଇବାର ଯୋଜନା କରାଯାଉଛି । କେବଳ ଗୁଜୁରାଟ ନୁହେଁ ସମଗ୍ର ଦେଶ ସଲିମଙ୍କ ଏହି କର୍ତ୍ତବ୍ୟ ଏବଂ ସାହାସ ପାଇଁ ପ୍ରଶଂସା କରିଛି ।