ଆତଙ୍କବାଦୀ ଆକ୍ରମଣ ସତ୍ୱେ ଅମରନାଥ ଯାତ୍ରା ଜାରି ! ଆଜି ଦୁଇଟି ଦଳରେ ଯାତ୍ରା କଲେ ୩୨ ଶହ ୮୯ ଯାତ୍ରୀ
କନକ ବ୍ୟୁରୋ: ଆତଙ୍କବାଦୀ ଆକ୍ରମଣ ସତ୍ୱେ ଅମରନାଥ ଯାତ୍ରା ଉପରେ କୌଣସି ପ୍ରଭାବ ପଡିନି । ଆଜି ପୁଣି ଏକ ତୀର୍ଥଯାତ୍ରୀ ଦଳ ଅମରନାଥ ଅଭିମୁଖେ ଯାତ୍ରା ଆରମ୍ଭ କରିଛନ୍ତି । ଜମ୍ମୁ ବେସ୍ କ୍ୟାମ୍ପରୁ ଆଜି ଭୋର ୩ଟା ୧୫ରୁ ଏହି ଦଳ ଯାତ୍ରା ଆରମ୍ଭ କରିଛି । ପହଲଗାମ୍ ଦେଇ ଯାତ୍ରା କରିଥିବା ଏହି ଦଳରେ ଅଛନ୍ତି ୨୩ ଶହ ୮୯ ଜଣ ତୀର୍ଥଯାତ୍ରୀ । ଯେଉଁଥିରେ ୧୫ ଶହ ୨୯ ଜଣ ପୁରୁଷ ଓ ୫୩୭ ଜଣ ମହିଳା ଶ୍ରଦ୍ଧାଳୁ ଅଛନ୍ତି । ଏହା ସହ ୨୫୦ ଜଣ ସାଧୁସନ୍ଥ ମଧ୍ୟ ଏହି ଦଳରେ ଅଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ସେହିପରି ଆଜି ବଲତାଲରୁ ୯୭୩ ଜଣିଆ ଅନ୍ୟ ଏକ ତୀର୍ଥଯାତ୍ରୀ ଦଳ ମଧ୍ୟ ଅମରନାଥ ଅଭିମୁଖେ ଯାତ୍ରା ଆରମ୍ଭ କରିଛନ୍ତି । ଏହି ଦଳରେ ୭୫୪ ପୁରୁଷ ଓ ୨୧୯ ଜଣ ମହିଳା ଯାତ୍ରୀ ଅଛନ୍ତି । ତେବେ ଆଜି ମୋଟ ୩ ହଜାର ୨ ଶହ ୮୯ ଜଣ ଯାତ୍ରୀ ଅମରନାଥ ଅଭିମୁଖେ ଯାତ୍ରା ଆରମ୍ଭ କରିଛନ୍ତି । ୧୦୫ଟି ଗାଡି ଏହି ତୀର୍ଥଯାତ୍ରୀଙ୍କୁ ନେଇ ଯାତ୍ରା କରିଛି ।