ଜନ୍ମ ନେଲେ ଆଉ ଜଣେ ଅଭିନନ୍ଦନ ! ୱିଙ୍ଗ୍ କମାଣ୍ଡର ଅଭିନନ୍ଦନଙ୍କ ପରାକାଷ୍ଠା ଦେଖି ବାପାମା’ ନବଜାତ ଶିଶୁପୁତ୍ରର ନାଁ ରଖିଲେ ଅଭିନନ୍ଦନ ।
ରାଜସ୍ଥାନର ଅଲବର ଜିଲ୍ଲାର କିଶନଗଡବାସ୍ ଠାରେ ଏକ ପରିବାର ୱିଙ୍ଗ୍ କମାଣ୍ଡର ଅଭିନନ୍ଦନଙ୍କ ନାମରେ ନିଜର ସଦ୍ୟଜାତ ଛୁଆର ନାଁ ଅଭିନନ୍ଦନ ବୋଲି ରଖିଛନ୍ତି । ପରିବାରର କହିବାନୁସାର ଶିଶୁର ନାମ ଅଭିନନ୍ଦନ ରଖିବା ଫଳରେ ୱିଙ୍ଗ୍ କମାଣ୍ଡର ଅଭିନନ୍ଦନଙ୍କ ସୋର୍ଯ୍ୟ ଏବଂ ପରାକ୍ରମକୁ ଆମେ ସବୁବେଳେ ମନେ ପକାଇପାରିବୁ । ଶିଶୁର ମା’ ସପ୍ନାଙ୍କ କହିବାନୁସାର ତାଙ୍କ ପୁଅ ବୀର ପାଇଲଟ୍ ଅଭିନନ୍ଦନଙ୍କ ଭଳି ବାହାଦୂର ହେଉ ।
Kanak News is now on WhatsApp
Join and get latest news updates delivered to you via WhatsApp
ସେ କହିଥିଲେ ଯେ ଟିଭି ଏବଂ ଖବରକାଗଜରେ ରିୟଲ୍ ହିରୋ ବାୟୁସେନା ପାଇଲଟ୍ ଅଭିନନ୍ଦନଙ୍କୁ ଦେଖି ସେ ନବଜାତ ପୁତ୍ରର ନାଁ ରଖିଥିଲେ । ମାତାପିତା ଦେଶସେବା ନିମିତ୍ତ ସେନାରେ ପୁଅକୁ ପଠାଇବା କଥା ମଧ୍ୟ କହିଛନ୍ତି । ଜନେଶ୍ ଭୁଟାନୀଙ୍କ ବୋହୂଙ୍କ ଔରସରୁ ଯେତେବେଳେ ଶିଶୁପୁତ୍ର ଜନ୍ମ ହୋଇଥିଲା ସେ ସେତେବେଳେ ଅଭିନନ୍ଦନଙ୍କ ପରାକାଷ୍ଠା ଟିଭିରେ ଦେଖୁଥିଲେ ଏବଂ ନାତିର ନାଁ ସେ ଅଭିନନ୍ଦନ ରଖିଥିଲେ । ପୁତ୍ର ଜନ୍ମ ହେବା ପରେ ହସପିଟାଲରେ ମିଠେଇ ବଣ୍ଟାଯାଇଥିଲା ।