ଏମିତି ଏକ ଘର ! ଯେଉଁଠି ଭରି ରହିଥିଲା ମୃତ୍ୟୁର ସାମଗ୍ରୀ ।
ଏକ ଘରେ ଭରି ରହିଛି ମୃତ୍ୟୁର ଅନେକ ସାମଗ୍ରୀ । ନକ୍ସଲମାନଙ୍କୁ ଖୋଜିବା ପାଇଁ ବାହାରିଥିବା ସେଣ୍ଟ୍ରାଲ ରିଜର୍ଭ ପୋଲିସ ଫୋର୍ସ (ସିଆରପିଏଫ) ଏବଂ ଝାରଖଣ୍ଡ ପୋଲିସର ମିଳିତ ଟିମକୁ ଏକ ବଡ ସଫଳତା ପ୍ରାପ୍ତ ହୋଇଛି । ସୁରକ୍ଷା ବଳର ମିଳିତ ଟିମ ଝାରଖଣ୍ଡର ଡିଗରୀ ନାମକ ଗାଁର ଏକ ଘରୁ ଭାରି ମାତ୍ରାରେ ଲ୍ୟାଣ୍ଡମାଇନ୍ସରେ ବ୍ୟବହାର କରାଯାଉଥିବା ବିସ୍ଫୋଟକ ଜବତ କରିଛନ୍ତି । ଜାବତ ହୋଇଥିବା ସାମଗ୍ରୀ ମଧ୍ୟରେ ୪୮୨ ଜେଲୋଟିନ ଷ୍ଟିକ, ୮୮୯ ଡେଟୋନେଟର, ୨୫୦ ମିଟର କୋରେକ୍ସ ତାର, ୨ଟି ସେଫ୍ଟି ଫ୍ୟୁଜ ସମେତ ଅନ୍ୟ କେତେକ ସାମଗ୍ରୀ ଜବତ କରାଯାଇଛି ।
Kanak News is now on WhatsApp
Join and get latest news updates delivered to you via WhatsApp
ତେବେ ଅନୁମାନ କରାଯାଉଛି ଯେ, ଜବତ ହୋଇଥିବା ଏହି ବିସ୍ପୋଟକ ଜରିଆରେ ନକ୍ସଲମାନେ କୌଣସି ଏକ ବିସ୍ଫୋରଣ କରିବାର ପ୍ରସ୍ତୁତି କରୁଥିଲେ । ତେବେ ନିଜ ଯୋଜନାରେ ସଫଳ ହେବା ପୂର୍ବରୁ ମୃତ୍ୟୁର ଏହି ସାମଗୀଗୁଡିକୁ ସିଆରପିଏଫ ଏବଂ ଝାରଖଣ୍ଡ ପୋଲିସର ମିଳିତ ଟିମ୍ ଜବତ କରିନେଇଛି ।
ସିଆରପିଏଫର ଜଣେ ବରିଷ୍ଠ ଅଧିକାରୀଙ୍କ କହିବା ଅନୁଯାୟୀ, ଝାରଖଣ୍ଡର ଜାମସେଦପୁର ଠାରୁ ୩୫ କିଲୋମିଟର ଦୂରରେ ଥିବା ଡିଗରୀ ଗାଁରେ ସିଆରପିଏଫର ୧୯୩ ବାଟାଲିୟନର କମାଣ୍ଡୋ ଏବଂ ଝାରଖଣ୍ଡ ପୋଲିସର ଟିମ ନକ୍ସଲମାନଙ୍କୁ ଖୋଜିବା ପାଇଁ ବାହାରିଥିଲେ । ଗାଁର ଏକ ଘରେ ସନ୍ଧାନ କରିବା ସମୟରେ ସୁରକ୍ଷାବଳ ମୃତ୍ୟୁର ଏହି ସାମଗ୍ରୀକୁ ଦେଖି ଆଶ୍ଚର୍ଯ୍ୟ ହୋଇଯାଇଥିଲେ । ତେବେ ଏହି ସାମଗ୍ରୀ ଗୁଡିକୁ ଲ୍ୟାଣ୍ଡମାଇନ୍ସ ବିଛାଇବା କାର୍ଯ୍ୟରେ ଲଗାଯାଇଥାଏ । ସୁରକ୍ଷାବଳଙ୍କୁ ନିଜ କ୍ୟାମ୍ପ ପର୍ଯ୍ୟନ୍ତ ଆସିବାକୁ ରୋକିବା ପାଇଁ ନକ୍ସଲମାନେ ଅନେକ ଯାଗାରେ ଲ୍ୟାଣ୍ଡମାଇନ୍ସ ବିଛାଇଥାଆନ୍ତି ।