ଶେଷ ହେଲା ରେସକ୍ୟୁ ଅପରେସନ ! ୧୮ ଦିନ ପରେ ଥାଇଲାଣ୍ଡର କାଳ ଗୁମ୍ଫାରୁ ବାହାରିଲେ କୋଚଙ୍କ ସମେତ ୧୨ ଫୁଟବଲ ଖେଳାଳି ।
ଦୀର୍ଘ ୧୮ ଦିନ ଗୁମ୍ଫା ଭିତରେ ବନ୍ଦ ହେବା ପରେ ଉଦ୍ଧାର ହୋଇଛନ୍ତି ଥାଇଲାଣ୍ଡ ଗୁମ୍ଫାରେ ବନ୍ଦ ଥିବା କୋଚଙ୍କ ସମେତ ୧୨ଜଣ ଫୁଟବଲ ଖେଳାଳୀ । ଗତ ମାସ ୨୩ ତାରିଖରୁ ଏମାନେ ଲୁଆଙ୍ଗ ଗୁମ୍ଫାରେ ଫସି ରହିଥିଲେ । ତେବେ ଦୀର୍ଘ ଦିନର ଅପରେସନ ପରେ ଶେଷରେ ଉଦ୍ଧାରକାରୀ ଟିମକୁ ମିଳିଛି ବଡ ସଫଳତା । କୋଚଙ୍କ ସମେତ ୧୨ଜଣ ଖେଳାଳୀଙ୍କୁ ଉଦ୍ଧାର କରାଯିବା ପରେ ସମସ୍ତଙ୍କୁ ହସ୍ପିଟାଲରେ ଭର୍ତ୍ତି କରାଯାଇଛି ।
Kanak News is now on WhatsApp
Join and get latest news updates delivered to you via WhatsApp
ଫୁଟବଲ ଅଭ୍ୟାସ୍ ପରେ ବୁଲିବାର ଅଭିଳାସା ଯେ, ଗୁମ୍ଫା ଭିତରେ ଏମିତି ବନ୍ଧକ ରଖି ଦେବ ହୁଏତ ଏମାନେ କେହି କଳ୍ପନା ବି କରିନଥିଲେ । ହେଲେ ଜୁନ୍ ୨୩ ତାରିଖରୁ ଗୁମ୍ଫା ଭିତରେ ଫଶି ରହିଥିବା ୧୨ ଜଣ ଫୁଟବଲ ଖେଳାଳି ଏବଂ ତାଙ୍କ କୋଚଙ୍କୁ ଉଦ୍ଧାର କରିବା ପାଇଁ ଆରମ୍ଭ ହୋଇଥିଲା ଯୁଦ୍ଧକାଳୀନ ଅପରେସନ୍ । ଗୁମ୍ଫାର ପ୍ରବେଶ ଦ୍ୱାରରୁ ପ୍ରାୟ ୪ କିଲୋମିଟର ଭିତରେ ଫଶି ରହିଥିଲେ ଏମାନେ । ଫୁଟବଲ ଖେଳାଳିମାନେ ଥିବା ସ୍ଥାନକୁ ଉଦ୍ଧାରକାରୀ ଦଳ ପହଂଚିଯାଇଥିଲେ ସିନା, ହେଲେ ସେମାନଙ୍କୁ ସେଠାରୁ ବାହାର କରିବା ଉଦ୍ଧାକାରୀ ଦଳ ପାଇଁ ଥିଲା ସବୁଠାରୁ ବଡ ଆହ୍ୱାନ୍ ।
ଆଉ ଏସବୁ ଭିତରେ ଗୁମ୍ଫା ଭିତରୁ ଆସିଥିଲା ଫଶି ରହିଥିବା ପିଲାଙ୍କ ହାତ ଲେଖା ଚିଠି । ଯେଉଁଥିରେ ଜଣେ ଲେଖିଥିଲେ- ବାପା-ମା’ ତୁମେ ଚିନ୍ତା କରନି । ଏଠାରେ ଆମେ ଠିକରେ ଅଛୁ । ବର୍ତମାନ ଆମ ପାଖରେ ଖାଇବା ସାମଗ୍ରୀ ବି ପହଂଚି ଯାଇଛି । ଆମେ ଶୀଘ୍ର ଫେରିବୁ ।ସତକୁ ସତ ଏହି ଖେଳାଳିମାନେ ଏବେ ସୁରକ୍ଷିତ ଫେରିଛନ୍ତି । ଦୁଇ ସପ୍ତାହ ଧରି ଚାଲିଥିବା ଏହି ସଂଘର୍ଷ ଶେଷ ହୋଇଛି । ଯେଉଁ ଭଳି ଭାବରେ ଥାଇଲାଣ୍ଡରେଏହି ଉଦ୍ଧାରକାର୍ୟ୍ୟକୁ ଚୁଡାନ୍ତ ରୁପ ଦିଆଯାଇଛି, ତାହା ନିଶ୍ଚିତ ଭାବରେ ରେସକ୍ୟୁ ଅପରେସନ୍ କ୍ଷେତ୍ରରେ ଦୁନିଆ ପାଇଁ ଏକ ବଡ ଉପଲବ୍ଧି । ଆଉ ଏହାସହ ଦୀର୍ଘ ୧୮ ଦିନ ପରେ ଏକ ବଡ ସଫଳତା ପାଇଛନ୍ତି ରେସକ୍ୟୁ ଟିମ୍ ।