ପେଟ୍ରୋଲ ଓ ଡିଜେଲ ଦରବୃଦ୍ଧିକୁ ନେଇ ତେଜିଲା ବିବାଦ ! ଜୁଲାଇ ୨୦ରୁ ଆରମ୍ଭ ହେବ ଦେଶବ୍ୟାପି ଟ୍ରକ ଧର୍ମଘଟ । ଦେଶ ବିଦେଶନ୍ୟୁଜ୍ By Mukesh Sahu On Jun 30, 2018 - 11:16 PM image courtesy - http://truckingnewsindia.com 44 Share ଦେଶରେ ପେଟ୍ରୋଲ ଏବଂ ଡିଜେଲର ବଢୁଥିବା ଦରକୁ ନେଇ ଏବେବି ବିବାଦ ଲାଗିରହିଛି । ତେଲ ଦର ବୃଦ୍ଧି କାରଣରୁ ଏବେବି ଲୋକମାନେ ହଇରାଣ ହରକତ ହେଉଛନ୍ତି । ତେଣୁ ଏହାକୁ ଦୃଷ୍ଟିରେ ରଖି ଇଣ୍ଡିଆ ମୋଟର ଟ୍ରାନ୍ସପୋର୍ଟ କଂଗ୍ରେସ (ଏଆଇଏମଟିସି) ଜୁଲାଇ ୨୦ ତାରିଖ ଠାରୁ ଅନିଶ୍ଚିତ କାଳ ପର୍ଯ୍ୟନ୍ତ ଦେଶବ୍ୟାପି ଧର୍ମଘଟ କରିବାକୁ ମନସ୍ତ କରିଛି । Kanak News is now on WhatsApp Join and get latest news updates delivered to you via WhatsApp Join Now ଟ୍ରାନ୍ସପୋଟର୍ସଙ୍କ କହିବା ଅନୁଯାୟୀ, ସରାକାର କ୍ରମାଗତଭାବେ ପେଟ୍ରୋଲ ଏବଂ ଡିଜେଲର ଦର ବୃଦ୍ଧି କରିବାରେ ଲାଗିଛନ୍ତି । ଯାହାର ପ୍ରଭାବ ସିଧାସଳଖ ଟ୍ରାନ୍ସପୋଟର୍ସଙ୍କ ଉପରେ ପଡୁଛି । ସରକାର ଥରେ ହେଲେ ମଧ୍ୟ ଏମାନଙ୍କ ରୋଜଗାର ବିଷୟରେ ଭାବୁ ନାହାନ୍ତି । ଯାହା କାରଣରୁ ବେପାର ବଣିଜ କରିବା ଅସମ୍ଭବ ହୋଇପଡିଲାଣି । କଣ ରହିଛି ଟ୍ରାନ୍ସପୋଟର୍ସଙ୍କ ଦାବି : • ପେଟ୍ରୋଲ ଡିଜେଲର ଦର ପ୍ରତିଦିନ ସଂଶୋଧନ ନହୋଇ ପ୍ରତି ତିନି ମାସରେ ଥରେ ହେଉ । • ଟ୍ରାନ୍ସପୋର୍ଟ ପାଇଁ ଟୋଲ ବ୍ୟାରିୟରକୁ ମୁକ୍ତ କରାଯାଉ । • ଥାର୍ଡ ପାର୍ଟି ବିମାରେ ଜିଏସଟିକୁ ମୁକ୍ତ କରାଯାଉ । • ବସ୍ ଏବଂ ପର୍ଯ୍ୟଟନ ବାହାନ ଗୁଡିକୁ ନ୍ୟାସନାଲ ପରମିଟ ଦିଆଯାଉ । ଏହି ସମସ୍ତ ଦାବିକୁ ନେଇ ଏଆଇଏମଟିସି ଜୁଲାଇ ମାସଠାରୁ ଦେଶବ୍ୟାପି ଅନିଶ୍ଚିତ କାଳ ପର୍ଯ୍ୟନ୍ତ ଧର୍ମଘଟ କରିବା ପାଇଁ ମନସ୍ତ କରିଛି । ଏହି ଧର୍ମଘଟରେ ଦେଶର ସମସ୍ତ ଛୋଟବଡ ଟ୍ରାନ୍ସପୋଟର୍ସଙ୍କ ସମେତ ଅନ୍ୟ ବେସରକାରୀ ବସ୍ ଅପରେଟର ମାନେ ମଧ୍ୟ ସାମିଲ ହୋଇ ଏହାକୁ ସମର୍ଥନ ଜଣାଉଛନ୍ତି । ଉଲ୍ଲେଖଯୋଗ୍ୟ, ପୂର୍ବରୁ ମଧ୍ୟ ସରକାରଙ୍କ ବିରୋଧରେ ଏହିଭଳି ଅନେକ ଧର୍ମଘଟ ହୋଇଛି । କିନ୍ତୁ ସରକାରଙ୍କ ତରଫରୁ କୌଣସି କାର୍ଯ୍ୟାନୁଷ୍ଠାନ ନିଆଯାଉ ନାହିଁ । ଯାହା ଫଳରେ ଟ୍ରାନ୍ସପୋଟର୍ସ ମାନେ ବାରମ୍ବାର ଧର୍ମଘଟ ପାଇଁ ରାଜରାସ୍ତାକୁ ଓହ୍ଲାଇବାକୁ ବାଧ୍ୟ ହେଉଛନ୍ତି । 44 Share FacebookTwitterGoogle+WhatsAppTelegramEmailPrint