କେବଳ ରିଲ୍ ଲାଇଫରେ ନୁହେଁ ରିୟଲ୍ ଲାଇଫରେ ମଧ୍ୟ ଅକ୍ଷୟ କୁମାର ଜଣେ ସଚ୍ଚା ଦେଶଭକ୍ତ ଓ ହିରୋ ବୋଲି ପୁଣି ଥରେ ପ୍ରମାଣିତ ହୋଇଛି । ଜେସଲମେରର ସହିଦ୍ ନରପତ୍ ସିଂଙ୍କ ପରିବାରକୁ ୯ଲକ୍ଷ ଟଙ୍କା ସହାୟତା ରାଶି ପ୍ରଦାନ କରିଛନ୍ତି ଖିଲାଡି ବୟ ଅକ୍ଷୟ । କେବଳ ସେତିକି ନୁହେଁ ନରପତଙ୍କ ପତ୍ନୀ ତଥା ତାଙ୍କ ଭାଇଙ୍କ ସହ ଫୋନରେ କଥା ମଧ୍ୟ ହୋଇଛନ୍ତି ସେ । ଏଥିରୁ ଅକ୍ଷୟଙ୍କ ଦେଶ ପ୍ରେମ ଓ କର୍ତ୍ତବ୍ୟକୁ ପୁରା କରିବାର ଇଚ୍ଛା ସ୍ପଷ୍ଟ ରୂପେ ପ୍ରତିପାଦିତ ହେଉଛି ।
Kanak News is now on WhatsApp
Join and get latest news updates delivered to you via WhatsApp
ଗତ ସପ୍ତାହରେ ଆସାମରେ ଉଲଫାର ଆତଙ୍କବାଦୀଙ୍କ ସହ ହୋଇଥିବା ଗୁଳିକାଣ୍ଡରେ ସହିଦ ହୋଇଥିବା ତିନି ଜଣଙ୍କ ମଧ୍ୟରେ ନରପତ୍ ହେଉଛନ୍ତି ଜଣେ । ଯିଏ ନିଜ ମୃତ୍ୟୁ ସହ ପଛରେ ଛାଡି ଯାଇଛନ୍ତି ପତ୍ନୀ ଓ ତିନି ଝିଅ । ଆଉ ଏକଥା ଜାଣିବା ପରେ ଆଗେଇ ଆସିଥିଲେ ଖିଲାଡି ବୟ ।
ଏହା ପୂର୍ବରୁ ଅକ୍ଷୟ ବିଏସଏଫ୍ ଜବାନ ଗୁରନାମଙ୍କ ପରିବାରୁ ମଧ୍ୟ ୯ ଲକ୍ଷ ଟଙ୍କା ଆର୍ଥିକ ସାହାର୍ଯ୍ୟ କରିଥିଲେ । ସେହିପରି ଉରୀ ହମଲା ପରେ କିଛି ସେଲିବ୍ରିଟି କେବଳ ଶବ୍ଦରେ ସହିଦଙ୍କ ପରିବାରଙ୍କୁ ଆଶ୍ୱାସନା ଦେଇଥିଲେ । କିନ୍ତୁ ଅକ୍ଷୟ କୁମାର ଉଚ୍ଚାରଣ ନୁହେଁ ଆଚରଣରେ ନିଜର ଦେଶପ୍ରେମ ଜାହିର୍ କରିଥିଲେ ।