ମୁଖ୍ୟମନ୍ତ୍ରୀ ଅଖିଳେଶ ଯାଦବଙ୍କୁ ଦଳରୁ ବହିଷ୍କାର କଲେ ମୁଲାୟମ ସିଂ ଯାଦବ
କନକ ବ୍ୟୁରୋ : ପୁଅକୁ ପାର୍ଟିରୁ ବାହାର କରିଦେଲେ ବାପା । ପଦରେ ଥିବା ସମୟରେ ସମାଜବାଦୀ ପାର୍ଟିରୁ ବହିଷ୍କୃତ ହୋଇଛନ୍ତି ଉତର ପ୍ରଦେଶ ମୁଖ୍ୟମନ୍ତ୍ରୀ ଅଖିଳେଶ ଯାଦବ । ଆଉ ତାଙ୍କ ବିରୋଧରେ ଏଭଳି ପଦକ୍ଷେପ ନେଇଛନ୍ତି ଦଳର ସୁପ୍ରିମୋ ତଥା ଅଖିଳେଶଙ୍କ ବାପା ମୁଲାୟମ ସିଂ ଯାଦବ । ସମାଜବାଦୀ ପାର୍ଟିକୁ ରକ୍ଷା କରିବା ପାଇଁ ମୁଲାୟମ ଏଭଳି ପଦକ୍ଷେପ ନେଇଥିବା କହିଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ଆଜି ସଂଧ୍ୟାରେ ମୁଲାୟମ ସିଂ ଯାଦବ ଏକ ପ୍ରେସମିଟ କରି ନିଜ ପୁଅକୁ ପାର୍ଟିରୁ ବହିଷ୍କାର କରିଥିବା କହିଛନ୍ତି ।ଫଳରେ ୟୁପି ରାଜନୀତିରେ ହଟଚମଟ ସୃଷ୍ଟି ହୋଇଛି । ଏବେ ବାପା-ପୁଅ ଯୁଦ୍ଧ ଜୋରଦାର ହେବା ଆକଳନ କରାଯାଉଛି । ସମାଜବାଦୀ ପାର୍ଟି ଛାଡିବା ପରେ ଅଖିଳେଶ ନୂଆ ଦଳ ଗଢି ବାପାଙ୍କ ବିରୋଧରେ ଲଢିବେ ବୋଲି କଳ୍ପନା ଜଳ୍ପନା କରାଯାଉଛି ।
ମୁଲାୟମଙ୍କ ଭାଇ ଶିବପାଲ ଯାଦବ ସଂଗଠନ ଦାୟିତ୍ୱରେ ଥିବାବେଳେ ଅଖିଳେଶ ଯାଦବ ମୁଖ୍ୟମନ୍ତ୍ରୀ ଭାବରେ ଦାୟିତ୍ୱ ଗ୍ରହଣ କରିଥିଲେ କିନ୍ତୁ ଠିକ ନିର୍ବାଚନ ପୂର୍ବରୁ ଦଳୀୟ ନେତାଙ୍କୁ ଟିକେଟ ବଂଟନକୁ ନେଇ ଏକ ବଡ ଧରଣର କନ୍ଦଳ ଦେଖିବାକୁ ମିଲିଥିଲା ।
ଦାଦା ଶିବପାଲଙ୍କ ପ୍ରାର୍ଥୀ ତାଲିକାକୁ ଚ୍ୟାଲେଂଜ୍ ଦେଇ ଅଖିଳେଶ ନିଜ ସମର୍ଥକଙ୍କର ଏକ ସମାନ୍ତରାଳ ତାଲିକା ଘୋଷଣା କରିଥିଲେ । ବାପା ମୁଲାୟମ ପୁଅ ଅଖିଳେଶଙ୍କୁ ୬ ବର୍ଷ ପାଇଁ ପାର୍ଟିରୁ ବହିଷ୍କାର କରି ଭାଇ ଶିବପାଲଙ୍କୁ ସାଙ୍ଗରେ ନେଇ ସାମଜବାଦୀ ରାଜନୀତି ଜାରି ରଖିବେ । ଆଉ ପୁଅ ଅଖିଲେଶ ବାପା ଓ ଦାଦାଙ୍କ ବିରୋଧରେ ଯାଇ ଏକ ବିକଳ୍ପ ରାଜନୈତିକ ଶକ୍ତି ଭାବରେ ଉତର ପ୍ରଦେଶରେ ନିର୍ବାଚନ ଲଢିବେ ।