ହଟହଟା ହେଲେ ଅଖିଳେଶ ଯାଦବ ! ଲକ୍ଷ୍ନୌ ଏୟାରପୋର୍ଟରେ ହେଲେ ଅଟକ, ବିଜେପିକୁ କଲେ ଦାୟୀ, ଯୋଗୀ ରଖିଲେ ଉତ୍ତର ।
କନକ ବ୍ୟୁରୋ : ବିରୋଧର ଶିକାର ହେଲେ ସପା ମୁଖ୍ୟ ଅଖିଳେଶ ଯାଦବ । ପ୍ରୟାଗରାଜରେ ଚାଲିଥିବା କୁମ୍ଭମେଳାରେ ସାମିଲ ହେବା ପାଇଁ ଏବଂ ଛାତ୍ର ସଂଘର କାର୍ଯ୍ୟକ୍ରମକୁ ଯାଉଥିବା ବେଳେ ଲକ୍ଷ୍ନୌ ଏୟାରପୋର୍ଟରେ ଅଖିଳେଶ ଯାଦବଙ୍କୁ ଅଟକ ରଖାଯାଇଥିବା ଜଣାପଡିଛି । କିଛି ଲୋକ ତାଙ୍କୁ ପ୍ରୟାଗରାଜ ଯିବାକୁ ଦେଉନଥିବା ଅଖିଳେଶ ଟୁଇଟ କରି ଅଭିଯୋଗ କରିଛନ୍ତି । ତେବେ ଏହି ଘଟଣା ପାଇଁ ସେ ଯୋଗୀ ସରକାରଙ୍କୁ ଟାର୍ଗେଟ କରିଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ସମାଜବାଦି ଛାତ୍ର ସଂଘର କାର୍ଯ୍ୟକ୍ରମରେ ମୁଖ୍ୟ ଅତିଥି ଭାବେ ଅଖିଳେଶ ଯୋଗାଦେବାର କାର୍ଯ୍ୟକ୍ରମ ଥିବାବେଳେ ବିଶ୍ୱବିଦ୍ୟାଳୟ ପକ୍ଷରୁ ତାଙ୍କ କାର୍ଯ୍ୟକ୍ରମ ଉପରେ ରୋକ ଲଗାଇ ଦିଆଯାଇଛି । ଏନେଇ ଅଖିଳେଶ ଟୁଇଟ କରି କହିଛନ୍ତି ଯେ, ଛାତ୍ର ନେତାଙ୍କ ଶପଥ ଗ୍ରହଣ କାର୍ଯ୍ୟକ୍ରମକୁ ସରକାର ଏତେ ଡରୁଛନ୍ତି ଯେ ମୋତେ ଏୟାରପୋର୍ଟରେ ଅଟକ ରଖିଛନ୍ତି । ସେପଟେ ସପା କର୍ମକର୍ତାମାନେ ପ୍ରୟାଗରାଜରେ ଏନେଇ ପ୍ରତିବାଦ କରିଛନ୍ତି । ରାସ୍ତା ମଝିରେ ବସିରହି ସେମାନେ ମୋଦି ଓ ଯୋଗୀ ସରକାରଙ୍କ ବିରୋଧରେ ବର୍ଷିଛନ୍ତି । ସପାର ଅଭିଯୋଗ ପରେ ପ୍ରତିକ୍ରିୟା ରଖିଛନ୍ତି ଅଖିଳେଶ ସିଂହ ଯାଦବ ।
ସେପଟେ ପୁରା ଘଟଣାକୁ ନେଇ ତୀବ୍ର ହିଂସା ପ୍ରକାଶ ପାଇବା ପରେ ପ୍ରତିକ୍ରିୟା ରଖିଛନ୍ତି ଉତ୍ତରପ୍ରଦେଶ ମୁଖ୍ୟମନ୍ତ୍ରୀ ଯୋଗୀ ଆଦିତ୍ୟନାଥ । ସେ କହିଛନ୍ତି, ସପା କର୍ମକର୍ତ୍ତାଙ୍କୁ ଏଭଳି ବିଶୃଙ୍ଖଳାରୁ ଦୂରେଇ ରହିବା ଆବଶ୍ୟକ । ତେବେ ବିଶ୍ୱବିଦ୍ୟାଳୟ ପକ୍ଷରୁ ଅପିଲ କରାଯାଇଥିଲା ଯେ, ଅଖିଲେଶଙ୍କ ଆସିବା ଦ୍ୱାରା ଆଇନ ବିଶୃଙ୍ଖଳା ସମସ୍ୟା ଦେଖାଦେଇପାରେ । କାହିଁକି ନା ତାଙ୍କ ଛାତ୍ର ସଂଗଠନ ମଧ୍ୟରେ ବିବାଦ ଚାଲିଛି । ଆଉ ଏଥିପାଇଁ ଏଭଳି କରାଯାଇଥିବା ଯୋଗୀ ସଫେଇ ଦେଇଛନ୍ତି ।