ଏୟାରଟେଲ୍ ଲଞ୍ଚ୍ କଲା ଜିଓ ଠାରୁ ବି ଶସ୍ତା ପ୍ଲାନ୍ ! ଅଧିକ ଜାଣିବା ପାଇଁ ପଢନ୍ତୁ ସମ୍ପୁର୍ଣ୍ଣ ରିପୋର୍ଟ ।
ଭାରତୀ ଏୟାରଟେଲ୍ ଜିଓ ଠାରୁ ବି ଶସ୍ତା ପ୍ଲାନକୁ ଲଞ୍ଚ୍ କରିଛି । ଏହା କମ୍ପାନୀର ପ୍ରାରମ୍ଭ ପ୍ରିପେଡ୍ ପ୍ଲାନ୍ ବୋଲି କହିପାରିବା ଯାହା ୧୪୯ ଟଙ୍କାରେ ମିଳୁଛି । ରିପୋର୍ଟ ଅନୁସାରେ ପ୍ରତିଦିନ କମ୍ପାନୀ ଗ୍ରାହକଙ୍କୁ ୨ ଜିବି ଡାଟା ଯୋଗାଇଦେବ । ଅର୍ଥାତ୍ ୧୪୯ ଟଙ୍କାରେ ୟୁଜର୍ସଙ୍କୁ ମୋଟ ୫୬ ଜିବି ଡାଟା ମିଳିବ । ପୂର୍ବରୁ ଏଥିରେ ୧ ଜିବି ଡାଟା ମିଳୁଥିଲା । ଡାଟା ସହିତ ୟୁଜର୍ସଙ୍କୁ ଅନଲିମିଟେଡ୍ ଲୋକାଲ୍ ଏବଂ ନ୍ୟାସନାଲ୍ ଭଏସ୍ କଲିଙ୍ଗ୍ ଦିଆଯାଉଛି ଏବଂ ପ୍ରତିଦିନ ୧୦୦ ମେସେଜ୍ ମଧ୍ୟ ଦିଆଯିବ ।
Kanak News is now on WhatsApp
Join and get latest news updates delivered to you via WhatsApp
ରିଲାଏନ୍ସ ଜିଓରେ ୧୪୯ ଟଙ୍କାରେ ୪୨ ଜିବି ଡାଟା ମିଳୁଥିବା ବେଳେ ଏୟାରଟେଲ୍ ୫୬ ଜିବି ଡାଟା ଦେଇ ୟୁଜର୍ସଙ୍କ ଫାଇଦା କରାଉଛି । ଏୟାରଟେଲ୍ ଏବଂ ରିଲାଏନ୍ସ ଜିଓରେ ଆଉ ଏକ ଫରକ ରହିଛି ଜିଓ କେବଳ ୪ଜି ଡାଟା ଦେଉଥିବା ବେଳେ ଏୟାରଟେଲ୍ ନେଟୱର୍କ ୨ଜି,୩ଜି ଏବଂ ୪ଜି ଡାଟା ମଧ୍ୟ ଉପଲବ୍ଧ କରାଉଛି । ବର୍ତ୍ତମାନ ଭାରତର କିଛି ସ୍ଥାନରେ ୪ଜି ନେଟୱର୍କ ନାହିଁ । ତେଣୁ ଏୟାରଟେଲର ଏହି ପ୍ଲାନ୍ ଜିଓ ଉପରେ ଭାରୀ ପଡିବାର ଅନୁମାନ ଲଗାଯାଉଛି ।