ବଢ଼ୁଥିବା ପ୍ରଦୂଷଣକୁ ଦୃଷ୍ଟିରେ ରଖି ବଢ଼ିଲା Air Purifier ବିକ୍ରି : ୫୦୦ କୋଟି ପର୍ଯ୍ୟନ୍ତ ପହଞ୍ଚିଲା କାରବାର
ଦିନକୁ ଦିନ ରାଜଧାନୀ ଦିଲ୍ଲୀରେ ସଙ୍ଗୀନ ହେବାରେ ଲାଗିଛି ବାୟୂ ପ୍ରଦୂଷଣ ସ୍ଥିତି । ବିଷାକ୍ତ କୁହୁଡ଼ି ଓ ଧୁଆଁରେ ଆଚ୍ଛାଦିତ ହୋଇପଡ଼ିଛି ଦିଲ୍ଲୀ ଓ ଏନସିଆରର ରାସ୍ତାଘାଟ । ଏଭଳି ପରିସ୍ଥିତିରେ ନିଶ୍ୱାସ ନେବା ମଧ୍ୟ କଷ୍ଟକର ହୋଇପଡ଼ୁଛି । ଦିଲ୍ଲୀ ବାସିନ୍ଦା ମାସ୍କ ପିନ୍ଧି ଘରୁ ବାହାରିବାକୁ ପସନ୍ଦ କରୁଛନ୍ତି । ଜନସଂଖ୍ୟା ଓ ଗାଡ଼ିମଟର ବୃଦ୍ଧି, ଜଙ୍ଗଲକ୍ଷୟ ଓ ଅଧିକ ସଂଖ୍ୟାରେ କଳକାରଖାନା ଦିଲ୍ଲୀ ପ୍ରଦୂଷଣ ସ୍ଥିତିକୁ ସଙ୍ଗୀନ କରିବାରେ ଲାଗିଛି ।
Kanak News is now on WhatsApp
Join and get latest news updates delivered to you via WhatsApp
ବିଗତ କିଛି ବର୍ଷରେ ପ୍ରଦୂଷଣର ମାତ୍ରା ଯେପରି ବଢ଼ିବାରେ ଲାଗିଛି ସେହିପରି ଭାବେ ଏୟାର ପ୍ୟୁରିଫାୟର ବିକ୍ରି ବଢ଼ିବାରେ ଲାଗିଛି । ଶୁଦ୍ଧ ଅମ୍ଳଜାନ ପାଇବା ପାଇଁ ଲୋକଙ୍କୁ ଟଙ୍କା ଖର୍ଚ୍ଚ କରିବା ପାଇଁ ପଡ଼ୁଛି । ଦେଶୀ ଠାରୁ ଆରମ୍ଭ କରି ବିଦେଶୀ ବ୍ରାଣ୍ଡର ଏୟାର ପ୍ୟୁରିଫାୟର ବଜାରରେ ଉପଲବ୍ଧ । ଏୟାର ପ୍ୟୁରିଫାୟର ବ୍ୟବସାୟ ଏବେ ୫୦୦ କୋଟି ପର୍ଯ୍ୟନ୍ତ ପହଞ୍ଚିସାରିଛି । ୫୦୦୦ରୁ ଆରମ୍ଭ କରି ଲକ୍ଷ ପର୍ଯ୍ୟନ୍ତ ଆପଣ ଯେତିକି ଟଙ୍କା ଖର୍ଚ୍ଚ କରିବେ ସେତିତି ଶୁଦ୍ଧ ପବନ ପାଇବେ ।
ଅନଲାଇନରେ ମଧ୍ୟ ବିକ୍ରି ହେଉଛି ଏୟାର ପ୍ୟୁରିଫାୟର । ଏବେ ବଢ଼ୁଥିବା ପ୍ରଦୂଷଣକୁ ଦୃଷ୍ଟିରେ ରଖି ଏୟାର ପ୍ୟୁରିଫାୟର କିଣାବିକା ବଢ଼ିଛି । ଏୟାର ପ୍ୟୁରିଫାୟର ଦ୍ୱାରା ରୁମରେ ପ୍ରଦୂଷଣର ମାତ୍ରା କେତେ ଅଛି ଓ କେତେ ସୁଧାର ଆସିଛି ଆପଣ ଜାଣିପାରିବେ ।