୪ମାସ ପରେ ହଠାତ ସଚ୍ଚିବାଳୟରେ ପହଞ୍ଚିଲେ ଗୋଆ ମୁଖ୍ୟମନ୍ତ୍ରୀ ! ବୈଠକ ଡାକିଲେ, ରାଜ୍ୟ ସମ୍ପର୍କରେ ଅଫିସରଙ୍କ ସହ ଆଲୋଚନା ବି କଲେ
୪ମାସ ପରେ ହଠାତ ସଚ୍ଚିବାଳୟରେ ପହଞ୍ଚିରେ ଗୋଆ ମୁଖ୍ୟମନ୍ତ୍ରୀ
କନକ ବ୍ୟୁରୋ : ୨୦୧୮ ମସିହା ଫେବୃଆରୀ ମାସରୁ ଗୋଆର ମୁଖ୍ୟମନ୍ତ୍ରୀ ମନୋହର ପାରିକରଙ୍କ ସ୍ୱାସ୍ଥ୍ୟ ଅବସ୍ଥାରେ ପରିବର୍ତନ ଆସିଛି । ତେବେ ମିଳିଥିବା ସୂଚନା ଅନୁସାରେ, ଗତକାଲି ହଠାତ ଗୋଆ ରାଜ୍ୟର ସଚ୍ଚିବାଳୟରେ ପହଞ୍ଚିଥିଲେ ପାରିକର । ପାରିକର ପାଖାପାଖି ୪ ମାସ ପରେ ସେ ସଚ୍ଚିବାଳୟ ଯାଇଥିବା ଜଣାପଡିଛି । ସକାଳ ୧୦.୪୫ରେ ପାରିକର ସଚ୍ଚିବାଳୟର ମୁଖ୍ୟ ଗେଟ ନିକଟରେ ପହଞ୍ଚିଥିଲେ । ଦୀର୍ଘଦିନ ପରେ ଅଫିସ ଯାଇଥିବାରୁ ତାଙ୍କୁ ଭବ୍ୟସ୍ୱାଗତ କରାଯାଇଥିଲା । ବିଜେପିର ବିଧାୟକଙ୍କ ସହ ବାଚସ୍ପତି ମଧ୍ୟ ତାଙ୍କୁ ସ୍ୱାଗତ କରିଥିଲେ ।
Kanak News is now on WhatsApp
Join and get latest news updates delivered to you via WhatsApp
ଏହାପରେ ନିଜ ଚାମ୍ବରକୁ ଯିବା ସହ ରାଜ୍ୟରେ ଅଫିସରମାନେ କିପରି କାମ କରୁଛନ୍ତି ତାହା ଜାଣିବା ପାଇଁ ଚେଷ୍ଟା କରିଥିଲେ । ଏହାପରେ ଏକ ବୈଠକ ଡାକିଥିଲେ । ହଠାତ ନୂଆବର୍ଷରେ କାର୍ଯ୍ୟାଳୟରେ ପହଞ୍ଚି ଯାଇଥିବା କାରଣରୁ ଅଫିସରମାନେ ଛାନିଁଆ ହୋଇଯାଇଥିଲେ । ତେବେ ମନହୋର ଆଗ୍ନାଶୟ ଜନିତ ରୋଗରେ ପୀଡ଼ିତ ମୁଖ୍ୟମନ୍ତ୍ରୀ ପାରିକର ଦୀର୍ଘ ଦିନ ଧରି କାର୍ଯ୍ୟାଳୟ ଆସିପାରି ନଥିଲେ। ପୂର୍ବରୁ ମଧ୍ୟ ସେ ଏର ବ୍ରିଜ ନିକଟରେ ପହଂଚିବା ସହ କାମ ଅଗ୍ରଗତି ସମ୍ପର୍କରେ ପଚାରି ବୁଝିଥିଲେ । ପାରିକରଙ୍କ ସ୍ୱାସ୍ଥ୍ୟ ଅବସ୍ଥା ସୁଧାର ଆସୁଥିବାରୁ ସେ ଖୁବଶୀଘ୍ର ନିତିଦିନ ଅଫିସ ଆସିବେ ବୋଲି ସୂଚନା ମିଳିଛି । ଗୁରୁତ୍ୱପୂର୍ଣ୍ଣ କଥା ହେଲା ପାରିକର ଯେଉଁ ସମୟରେ ଅଫିସ ଆସିଥିଲେ ସେହି ସମୟରେ ତାଙ୍କ ନାକରେ ଖାଦ୍ୟନଳୀ ଲାଗିଥିବା ଦେଖିବାକୁ ମିଳିଥିଲା ।