ଗୁଜୁରାଟର ଅହମଦାବାଦରେ ଏକ ନିଖୋଜ ମାମଲା ଏବେ ସାମ୍ନାକୁ ଆସିଛି । ଯେଉଁଠି ଏକ ପରିବାରର ପୁଅ ନିଖୋଜ ହେଲାବେଳେ ପୁଅ ଥିଲା କିନ୍ତୁ ଫେରିଲେ ଝିଅ ହୋଇ । ଏପରିସ୍ଥଳେ ପରିବାର ଲୋକ ପୁଅକୁ ପାଇ ଖୁସିହେବ ନା ଦୁଃଖ ପ୍ରକାଶ କରିବେ ସେକଥା ଜାଣିପାରିଲେ ନାହିଁ ।
Kanak News is now on WhatsApp
Join and get latest news updates delivered to you via WhatsApp
ଖବର ଅନୁସାରେ ଅହମଦାବାଦର ଏକ ପ୍ରସିଦ୍ଧ ସୁନାରୀ ପରିବାରର ପୁଅ ଶ୍ୟାମ ଏକ ସପ୍ତାହ ପୂର୍ବରୁ ନିଖୋଜ ହୋଇ ଯାଇଥିଲା । ଅହମଦାବାଦର ମାସବପୁରାରେ ଏହି ପରିବାର ଏକ ବଡ ସୁନା ଦୋକାନ ଅଛି । ସେଠାରୁୁ ଫେରିବା ସମୟରେ ହଠାତ ଶ୍ୟାମ ରାସ୍ତାରୁ ଗାୟବ ହୋଇଯାଇଥିଲେ ।
ଯେତେବେଳେ ପୋଲିସ ସୂଚନା ଦେଇଥିଲା ତାଙ୍କର ପୁଅର ଖବର ମିଳି ଯାଇଛି ,ଏକଥା ଶୁଣି ପରିବାର ଲୋକ ବେଶ୍ ଖୁସି ହୋଇ ଯାଇଥିଲେ । କିନ୍ତୁ ଯେତେବେଳ ଜାଣିବାକୁ ପାଇଲେ ତାଙ୍କ ପୁଅ ଆଉ ପୁଅ ହୋଇନାହିଁ ଏବେ ଝିଅ ହୋଇଯାଇଛି ସେତେବେଳେ ତାଙ୍କର ହୋସ ଉଡିଗଲା ।
ଜଣା ପଡିଲା ସେ ଲିଙ୍ଗପରିବର୍ତ୍ତନ ପାଇଁ ଶ୍ୟାମ ନିଜେ ଗାୟବ ହୋଇଯାଇଥଲା । ଏକଥା ଶୁଣିବା ପରଠାରୁ ଶ୍ୟାମର ମା’ବାପା ସାନ ଭଉଣୀକୁ ଶକ୍ତ ଧକ୍କା ଲାଗିଛି । କିଛି ବର୍ଷ ପୂର୍ବରୁ ଶ୍ୟାମ ଅନୁଭବ କରିଥିଲେ କି ସେ ଜଣେ ମହିଳା ଯିଏ ପୁରୁଷ ଶରୀରରେ ବାନ୍ଧି ହୋଇ ରହିଛି ।
ଏନେଇ ଶ୍ୟାମ ନିଜ ପରିବାର ଲୋକଙ୍କୁ ବହୁତ ବୁଝାଇବା ପାଇଁ ଚେଷ୍ଟା କରିଥିଲେ । ସେ ଲିଙ୍ଗ ପରିବର୍ତ୍ତନ କରିବା ପାଇଁ ପରିବାର ଲୋକଙ୍କ ଠାରୁ ଅନୁମତି ମଧ୍ୟ ମାଗିଥିଲେ । କିନ୍ତୁ ଘର ଲୋକ ଏକଥାରେ ରାଜି ହେଲେ ହୋଇ ନଥିଲେ । ଶେଷରେ ବାଧ୍ୟ ହୋଇ ଶ୍ୟାମ ଏପରି ପଦକ୍ଷେପ ନେଇଛନ୍ତି ବୋଲି ଜଣାପଡିଛି ।