ଆଶାଥିଲା ଭଗତ ସିଂଙ୍କ ପରି ଦେଶପାଇଁ କିଛି କରିବାର, ହେଲେ ଭାଙ୍ଗିଗଲା ସେନାରେ ଭର୍ତ୍ତି ହେବାର ସ୍ୱପ୍ନ, ଫେସବୁକରେ କଲେ ଲାଇଭ ସୁଇସାଇଡ ।
ଭାରତୀୟ ସେନାରେ ଭର୍ତ୍ତି ହେବାପାଇଁ ୫ଥର ପରୀକ୍ଷା ଦେଇଥିଲେ ମଧ୍ୟ ସ୍ୱପ୍ନ ସାକାର ହେଲାନାହିଁ । ସ୍ୱପ୍ନ ଭାଙ୍ଗିବା ଯୋଗୁଁ ଶେଷରେ ଫେସବୁକରେ ଲାଇଭ ସୁଇସାଇଡ କେଲେ ଆଗ୍ରାର ୨୪ ବର୍ଷୀୟ ଯୁବକ ମୁନ୍ନା କୁମାର । ୧ ମିନିଟ ୯ ସେକେଣ୍ଡର ଏହି ସୁଇସାଇଡ ଭିଡିଓକୁ ପାଖାପାଖି ୩ ହଜାର ଲୋକ ଦେଖିଥିଲେ ମଧ୍ୟ କେହି ସ୍ଥାନୀୟ ପୋଲିସକୁ ସୁଚିତ କରିଲେ ନାହିଁ । ଏପରିକି ତାଙ୍କ ପରିବାରଲୋକକୁ ବି ଜଣାଇଲେ ନାହିଁ ।
Kanak News is now on WhatsApp
Join and get latest news updates delivered to you via WhatsApp
ସୁଚନା ମତାବକ ନୂଆ ଆଗ୍ରା ଶାନ୍ତି ନଗର ଅଞ୍ଚଳର ମୁନ୍ନା କୁମାର ବିଏସସି ଗ୍ରାଜୁଏଟ ହୋଇଥିଲେ ମଧ୍ୟ ଭାରତୀୟ ସେନାରେ ଭର୍ତ୍ତି ହେବାପାଇଁ ତାଙ୍କର ସ୍ୱପ୍ନ ଥିଲା । ହେଲେ ୫ ଥର ସେନା ଏଣ୍ଟ୍ରାସ ପରୀକ୍ଷାରେ ବିଫଳ ହେବା ପରେ ଏଭଳି ଚରମ ନିଷ୍ପିତ ନେଇଥିବା ସେ ଲାଇଭ ଭିଡିଓରେ କହିଥିଲେ । ଏପରିକି ୬ ପୃଷ୍ଠା ସମ୍ବଳିତ ସୁଇସାଇଡ ନୋଟରେ ଏହି ଘଟଣାକୁ ଲେଖିଛନ୍ତି ମୃତ ମୁନ୍ନା କୁମାର ।
ମୃତ ମୁନ୍ନା କୁମାରଙ୍କ ପରିବାର ଲୋକଙ୍କ କହିବା ଅନୁଯାୟୀ ସ୍ୱାଧୀନତା ସଂଗ୍ରାମୀ ଭଗତ ସିଂଙ୍କ ଠାରୁ ଅନୁପ୍ରାଣିତ ହୋଇ ଭାରତୀୟ ସେନାରେ ଭର୍ତ୍ତି ହେବାପାଇଁ ସଂକଳ୍ପ କରିଥିଲା ତାଙ୍କ ପୁଅ । ଆତ୍ମହତ୍ୟା କରିବା ପୂର୍ବରୁ ସେ ଆମ ସହିତ ରାତ୍ରି ଭୋଜନ ମଧ୍ୟ କରିଥିଲା । ପରିବାର ଲୋକଙ୍କ ସହିତ ଭଲ ଆଚରଣ କରୁଥିବା ମୁନ୍ନ ଏଭଳି ପଦକ୍ଷେପ ନେବ ବୋଲି କେହି ବିଶ୍ୱାସ କରିପାରୁ ନାହାଁନ୍ତି । ହେଲେ ଭଗତ ସିଂଙ୍କ ପରି ନିଜ ବେକରେ ଫାଶୀ ଲଗାଇ ଆତ୍ମହତ୍ୟା କରିଦେଲେ ଏହି ୨୪ ବର୍ଷୀୟ ଯୁବକ । ଯାହାକୁ ନେଇ ପରିବାର ଲୋକଙ୍କ ସହିତ ଦେଶବାସୀଙ୍କୁ ମ୍ରୀୟମାଣ କରିଦେଇଛି ।