ପାକିସ୍ତାନକୁ ଘାଇଲା କରିଛି ଭାରତୀୟ ମିଜାଇଲ୍
କନକ ବ୍ୟୁରୋ : ପାକିସ୍ତାନକୁ ଘାଇଲା କରିଛି ଭାରତୀୟ ମିଜାଇଲ୍ । ଅଗ୍ନିର ଚାପରେ ଯେମିତି ଅସହ୍ୟ ହୋଇପଡ଼ିଛି ପାକିସ୍ତାନ । ଅଗ୍ନି-୪ର ସଫଳ ଅନ୍ତିମ ପରୀକ୍ଷଣ ଏବଂ ଅଗ୍ନି-୫ର ପରୀକ୍ଷଣ ଦେଖି, ଶାନ୍ତିର ଭଜନ ଗାଇବା ଆରମ୍ଭ କରିଦେଇଛି । ଭାରତ କରୁଥିବା ଏହି କ୍ଷେପଣାସ୍ତ୍ର ପରୀକ୍ଷଣ ଆଂଳଚିକ ଶାନ୍ତି ଏବଂ ସ୍ଥିରତାକୁ ପ୍ରଭାବିତ କରିବ ବୋଲି ଦାବି କରୁଛି ପାକିସ୍ତାନ । ଅନ୍ୟପଟେ ଭିଏତନାମକୁ କ୍ଷେପଣାସ୍ତ୍ର ଆକାଶର ବିକ୍ରି ଉପରେ ଆପତି ଉଠାଇଛି ଚୀନ ।
Kanak News is now on WhatsApp
Join and get latest news updates delivered to you via WhatsApp
ଗୋଟିଏ ପରେ ଗୋଟିଏ ମିଜାଇଲ ପରୀକ୍ଷଣ କରି ଭାରତ ନିଜ ଶକ୍ତି ପ୍ରଦର୍ଶନ କରୁଥିବା ବେଳେ ଭାରତର ଏହି ମିଜାଇଲ ପ୍ରୋଗ୍ରାମ, ଶତ୍ରୁ ରାଷ୍ଟ୍ରଙ୍କୁ ବିଚଳିତ କରିଦେଇଛି । ଅଗ୍ନି-୪ର ସଫଳ ପରୀକ୍ଷଣ ଏବଂ ଅଗ୍ନି-୫ର ପରୀକ୍ଷଣ ପାକିସ୍ତାନର ମୁଣ୍ଡବ୍ୟଥାକୁ ବଢ଼ାଇଦେଇଛି । ଆଉ ଭାରତର ଏହି ବର୍ଦ୍ଧିତ ଶକ୍ତି ଦେଖି ବିବ୍ରତ ହୋଇ, କେଁ ପୁରାଇଛି ପାକିସ୍ତାନ ।
ନିକଟରେ ଅଗ୍ନି-୪ର ବ୍ୟବହାରୀକ ପରୀକ୍ଷଣ ସଫଳ ହୋଇଛି । ଯାହାର ଲକ୍ଷ୍ୟଭେଦି କ୍ଷମତା ରହିଛି ୪ହଜାର କିଲୋମିଟର । ଠିକ୍ ସେହିପରି ପରୀକ୍ଷଣ ହୋଇଥିବା ଅଗ୍ନି-୫ର ଲକ୍ଷ୍ୟଭେଦି କ୍ଷମତା ରହିଛି ୫ହଜାର କିଲୋମିଟର । ଯାହା ଦକ୍ଷିଣ ଚୀନର ଯେକୌଣସି ଅଂଶ ତଥା ୟୁରୋପ ପର୍ଯ୍ୟନ୍ତ ଟାର୍ଗେଟ୍ କରିପାରିବ ଭାରତ ।