ଭିଡ଼ିଓ ସେୟାରିଂ ୱେବସାଇଟ ୟୁଟ୍ୟୁବ୍ ବୁଧବାର କିଛି ଘଣ୍ଟା ପାଇଁ ଅଚାନକ ବନ୍ଦ ହୋଇଯାଇଥିଲା । ଯାହାଫଳରେ ୟୁଜର୍ସ କୌଣସି ଭିଡ଼ିଓ ଦେଖି ପାରିନଥିଲେ କି ସେୟାର ମଧ୍ୟ କରି ପାରିନଥିଲେ । ୟୁଟ୍ୟୁବ୍ ସର୍ଭରରେ ଡାଉନ ରହିବାରୁ ଏଭଳି ସ୍ଥିତି ଦେଖା ଦେଇଥିବା କୁହାଯାଉଛି । ତେବେ ୟୁଟ୍ୟୁବର ଏହା କେଉଁଭଳି ଟେକନିକାଲ ସମସ୍ୟା ତାହା ଏଯାଏଁ ଜଣାପଡିନାହିଁ ।
Kanak News is now on WhatsApp
Join and get latest news updates delivered to you via WhatsApp
ପୂରା ବିଶ୍ୱରେ ୟୁଟ୍ୟୁବକୁ ନେଇ ଏଭଳି ଅସୁବିଧା ଦେଖା ଦେଇଛି । ଦୁନିଆର ସବୁଠୁ ଲୋକପ୍ରିୟ ଭିଡ଼ିଓ ୱେବସାଇଟରେ ଏଭଳି ସମସ୍ୟା ଦେଖା ଦେବା ପରେ ୟୁଜର୍ସ ମଧ୍ୟ ଚିନ୍ତାରେ ପଡି ଯାଇଛନ୍ତି । ତେବେ ଏଭଳି ସମସ୍ୟାର ଖୁବ୍ ଶୀଘ୍ର ସମାଧାନ କରାଯିବ ବୋଲି ୟୁଟ୍ୟୁବ୍ ପକ୍ଷରୁ କୁହାଯାଇଛି । ଏହି ୱେବସାଇଟରେ ଛୋଟ ଛୋଟ ସମସ୍ୟା ଦେଖା ଦେବା ତ ସାଧାରଣ କଥା । କିନ୍ତୁ ସର୍ଭର ଡାଉନ ହେବା ୟୁଟ୍ୟୁବ କତର୍୍ୃପକ୍ଷଙ୍କ ଚିନ୍ତା ବଢାଇ ଦେଇଛି ।
Thanks for your reports about YouTube, YouTube TV and YouTube Music access issues. We’re working on resolving this and will let you know once fixed. We apologize for any inconvenience this may cause and will keep you updated: YouTube on facing global outage pic.twitter.com/HVvGUagzCI
— ANI (@ANI) October 17, 2018
ୟୁଟ୍ୟୁବ କର୍ତ୍ତୃପକ୍ଷ ଆଉ ଏକ ବୟାନରେ ଏହି ସମସ୍ୟା ବାବଦରେ ଜଣାଇଥିବାରୁ ୟୁଜର୍ସଙ୍କୁ ଧନ୍ୟବାଦ ଜଣାଇଛନ୍ତି । ୟୁଟ୍ୟୁବ ଟିଭି ଓ ୟୁଟ୍ୟୁବ ମ୍ୟୁଜିକ ଚଳାଇବାରେ ସମସ୍ୟା ଦେଖାଦେଇଛି । ଏହାକୁ ଅତିଶୀଘ୍ର ଠିକ୍ କରିବାକୁ ପ୍ରୟାସ କରାଯାଉଛି । ୱେବସାଇଟ ଠିକ୍ ହେବା ପରେ ଏନେଇ ୟୁଜର୍ସଙ୍କୁ ସୂଚିତ କରାଯିବ ବୋଲି ୟୁଟ୍ୟୁବ ପକ୍ଷରୁ କୁହାଯାଇଛି ।