ଭାରତ ଜୋସରେ ଉଡିଲା ପାକିସ୍ତାନର ହୋସ୍ ! ଏୟାର୍ ଷ୍ଟ୍ରାଇକ୍ ପରେ ଚୀନ୍ ଛାତିରେ ପଶିଲା ଛନକା, କହିଲା ଦୁଇ ଦେଶ ମଧ୍ୟ ଶାନ୍ତି ସହଯୋଗ ଜରୁରୀ ।
ଗତ ଫେବୃଆରୀ ୧୪ ତାରିଖରେ ପୁଲୱାମାରେ ଘଟିଥିବା ସେହି ଛାତିଥରା ଘଟଣା ସାରା ବିଶ୍ୱକୁ ଦୋହଲାଇ ଦେଇଥିଲା । ଆତଙ୍କବାଦୀ ଆକ୍ରମଣରେ ପ୍ରାଣ ହରାଇଥିଲେ ୪୦ଜଣ ଯବାନ । ପୁଲୱାମା ଆକ୍ରମଣର ୧୨ଦିନ ପରେ ପ୍ରତିଶୋଧ ନେଇଛି ଭାତର । ବାଲାକୋଟରେ ଥିବା ପାକିସ୍ତାନ ଆତଙ୍କବାଦୀଙ୍କ ପାୱାରକୁ ଧ୍ୱସ୍ତବିଧ୍ୱସ୍ତ କରିଦେଇଛି ଭାରତୀୟ ବାୟୁସେନା । ସେପଟେ ବିରି ମାଡ ଦେଖି କୋଳଥ ଚେପା ହେଲା ଭଳି ପାକିସ୍ତାନ ଉପରେ ଭାରତର ଆକ୍ରମଣ ଦେଖି ଚୀନ ଛାତିରେ ଛନକା ପଶିଛି ।
Kanak News is now on WhatsApp
Join and get latest news updates delivered to you via WhatsApp
ପୁଲୱାମା ଆକ୍ରମଣର ୧୨ ଦିନ ବିତିଯାଇଥିଲେ ସୁଦ୍ଧା, ଗତକାଲି ପର୍ଯ୍ୟନ୍ତ ଏହି ଘଟଣା ନେଇ ମୁହଁ ଖୋଲିନଥିଲା ଚୀନ । କିନ୍ତୁ ଗତକାଲି ରାତିରେ ଭାରତର ବାୟୁସେନା ଯେଉଁଭଳି ଭାବେ ପାକିସ୍ତାନକୁ ମୁହଁତୋଡ ଜବାବ ଦେଇଛି, ତାହା ଦେଖି ବୋଧହୁଏ ଚୀନ ଛାତିରେ ଭୟ ପଶିଛି । ଆଉ ଏହି ଏୟାରଷ୍ଟ୍ରାଇକ ପରେ ପ୍ରତିକ୍ରିୟା ରଖିଛି ଚୀନ୍ । ଚୀନ ଭାରତକୁ କହିଛି, ଭାରତକୁ ଅନ୍ତରାଷ୍ଟ୍ରୀୟ ସହାୟତା ଜରିଆରେ ଆତଙ୍କବାଦ ବିରୋଧରେ ଲଢେଇ ଜାରି ରଖିବା ଉଚିତ୍ ।
ଚୀନର ବିଦେଶ ମନ୍ତ୍ରାଳୟର ପ୍ରବକ୍ତା ଲୁ କିଙ୍ଗ କହିଛନ୍ତି ଯେ, ଦକ୍ଷିଣ ଏସିଆରେ ଭାରତ ଏବଂ ପାକିସ୍ତାନ ଦୁଇଟି ମହତ୍ୱପୂର୍ଣ୍ଣ ଦେଶ । ଦକ୍ଷିଣ ଏସିଆର ଶାନ୍ତି ପାଇଁ ଦୁଇ ଦେଶ ମଧ୍ୟରେ ସବୁବେଳେ ଭଲ ସମ୍ପର୍କ ଏବଂ ସହଯୋଗ ରହିବା ନିହାତି ଆବଶ୍ୟକ । ତେବେ ଏହାରି ମଧ୍ୟରେ ଭାରତୀର ବୈଦେଶିକ ମନ୍ତ୍ରୀ ସୁଷମା ସ୍ୱରାଜ ଚୀନ ଯିବାର ମଧ୍ୟ କାର୍ଯ୍ୟକ୍ରମ ରହିଛି । ସେଠାରେ ଭାରତ-ଋଷିଆ-ଚୀନ୍ ମଧ୍ୟରେ ହେବାକୁ ଥିବା ଗୁରୁତ୍ୱପୂର୍ଣ୍ଣ ବୈଠକରେ ସାମିଲ ହେବେ । ସୂଚନା ଅନୁଯାୟୀ, ଏହି ବୈଠକରେ ସୁଷମା ପାକିସ୍ତାନ ପକ୍ଷରୁ ହେଉଥିବା ଆତଙ୍କବାଦ କାର୍ଯ୍ୟକଳାପ ପ୍ରସଙ୍ଗକୁ ଉଠାଇବେ । ତେବେ ପାକିସ୍ତାନ ବିରୋଧରେ ଆଜି ହୋଇଥିବା ଏୟାରଷ୍ଟ୍ରାଇକ୍ ପରେ ଏହି ବୈଠକର ଉଦ୍ଦେଶ୍ୟ ବଦଳିବାର ମଧ୍ୟ ସମ୍ଭାବନା ରହିଛି ।